27.3 C
Dili
Friday, 14 June 2024
spot_img

Primeiru Ministru Kay Rala Xanana Gusmão Hala’o Enkontru Semanal Ho Prezidente Repúblika

Dili, 14 Marsu 2024 (RCC)_ Primeiru Ministru Kay Rala Xanana Gusmão hala’o enkontru semanal ho  prezidente Repúblika José Ramos Horta ko’alia kona ba problema ne’ebe akontese iha semanal  no mós saida mak sei hala’o ba oin.

Iha intervista ho primeiru Ministru Kay Rala Xanana Gusmão iha Palacio Prezidensiál Bairo Pite Dili iha loron Kinta feira ne’e haktuir ba jornalista sira katak, enkontru ne’e hanesan baibain kada Kinta feira iha enkontru semanál ho Prezidente Repúblika ko’alia kona-ba saida mak akontese durante ne’e no saida mak sei halo ba oin tanba ne’e agora tempu udan afeita husi mudansa klimátika katak udan la mai  ona tuir nia tempu no lori impaktu bo’ot ba komunidade sira, haktuir  Xanana.

Aliende ne’e mós informa ba prezidente Repúblika kona ba partisipa iha simeira Asean ho Austrália ne’ebé halo tinan 50 no sente kontente hodi bele apriende tanba Timor Leste mós prepara – an hela atu sai membru ba Asean iha tinan 2025, katak Xanana.

Tanba iha simeira ASEAN Austrália ita haree liu-liu tensaun sira iha área sudeste aziátiku nian no ami hotu husu nasaun sira ASEAN no Austrália rasik atu líder husi rejiaun ne’e buka diálogu no labele aumenta tensaun buka diálogu tanba funu iha Ukránia no iha Gaza Palestina halo ita hotu sente katak nia afeita bo’ot tebes, tanba ne’e  mak iha enkontru ho  ASEAN identifika ona tensaun sira iha fatin-fatin iha mundu no líder sira buka halo diálogu hodi redus tensaun sira ne’e no fó solusaun atu nune’e bele  hapara konflitu sira ne’ebé afeita ba umanidade, hatete Xanana.

No nia mós  hatutan katak,  prinsipiu di’ak ida husi enkontru iha ASEAN Austrália mak tensaun sira ne’ebé iha, ita identifika ona maibe líder sira la bele haluha buka dialogu hodi redus tensaun no buka solusaun no labele provoka malu sai funu, tanba ita lakohi ona atu iha tan funu, tanba Timor Leste sei sai membru ASEAN nune’e ita sei servisu maka’as nafatin hodi prepara-an ba 2025 atu nune’e sai membru  ASEAN, hakotu Xanana.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.