Dili, 19 Marsu 2024 (Rcc) Asosiasaun Emprezarial Mulher Timor-Leste (AEMTL) hala’o lansamentu website ho objetivu atu promove feto sira nia negosiu iha timor-leste.
Iha entrevista ho Presidente AEMTL Hergui Luina Fernandes Alves hateten AEMTL hamrik hodi bele hakbi’it feto sira hodi hamrik mesak iha ekonomia no hili negosiu.
ʺOrganizasaun ida ne’e hamri’ik hodi bele hakbi’it feto sira hodi bele independente iha ekonomia atu bele hala’o atividade no hili negoisu hanesan dalan ne’ebé alternativu hodi bele hakbi’it ekonomia, no dadaun ne’e ami kobre hotu ona iha munisipiu hotu, ami foin mak halo inspeksaun ami nia membru Ha’at nulu (40) ne’ebé mak mai husi territoriu nasional,no objetivu ohin loron lansa webite ida ne’e atu bele promove, tamba ne’e ohin iha ona aprezentasaun iha ona simplisidade, tamba ami sei ajusta iha ritmu husi internet koneksaun ne’ebé ita iha no iha mekap office, liuliu kona-ba servisu no atividade AEMTL nian, no mos atu liga ba iha membru sira husi asosiasaun ida-idak, no to’o mos ba iha negosiu ne’ebé feto sira hala’o iha munisipiu,no oinsa ita bele kontaktu sira hodi hetan serviisu sira ne’e, no konteudu husi website ne’e liuliu atu fo konesimentu kona-ba saida mak AEMTL ne’e rasik, historia estabelesimentu AEMTL ne’ebé mai husi mandatu sira ne;ebe iha ho idak idak nia historia nune’e mos atu fo imformasaun katak visaun ho vizaun AEMTL nian ne’e saida no benefisiu saida mak bainhra ita atu hamahan a’an iha AEMTL aumesmu tempu fo lista kontaktu ba AEMTL nia lista kontaktu ba estrutura husi nasiional to’o munisipiu no fahe mos atividade ne’ebé mak feto sira hala’o iha munisipiu idak-idak kona-ba sira nia atividade, produtu no oinsa atu liga ho sira, ikus liu mak atu bele kria parseria entre feto sira ho estekolder sira seluk no halo mos promosaun ba eventu sira AEMTL hala’o ona no eventu sira ne’e sei planu atu hala’o.’’ dehan Presidente AEMTL iha salaun fundasaun oriente.
Presidente ne’e mos akresenta tan katak iha website ne’e utiliza lian tolu mak hanesan lian tetun, portuguesa no ingles atu nune’e imformasaun hirak ne’ebe fo sai iha website ne’e ema hotu bele assesu
ʺIha dezafiu barak mak feto sira hasoru iha balun ba klasiku ne’ebe ita koalia repete katak ne’e la’os feto timor de’it maibe feto mundu tomak hasoru, barak liu mak kapasitasaun atu jere negosiu halo gestaun finaseiru no administrasaun, no dezafius ida seluk mak oinsa atu asesu ba capital finanseira, tamba ita mai husi sosiedade ida ne’ebe patrialkal hanesan feto laiha direitu ba iha treinu kultural nune’e mos ba iha dezafius sira ne’ebé feto sira hasoru kona-ba jestaun edukasaun iha literasia finanseira, hodi asesu ba merkadu, no website ne’ebe iha uza lian tolu hanesan lian tetun, portugués hanesan lian ofisial timor nian no mos ingles hodi nune’e informasaun hirak ne’ebe iha website ne’e ema hotu bele asesu.ʺ nia hakotu
Jornalista: Sergio Borges
Editor: Luhamutu
