27.3 C
Dili
Friday, 14 June 2024
spot_img

Traballador nain 43 halo festeza hamutuk ho estado  Antes Atu Semo Ba Australia

Dili, 19 Marsu, 2024 (RCC) Sekretariu Estadu Formasaun Profesional no Empregu (SEFOPE sigla portugués) liu husi Diresaun Nasional Emprego Exterior (DNEE) hala’o asina deklarasaun ho familia traballadór na’in ha’at nulu resin tolu (43) ne’ebé semana ne’e sei aranka ba Australia hodi servisu.

Iha diskursu Sekretariu Estadu Formasaun Profesional no Empregu Rogerio Araujo Mendonsa hateten seremonia despedida ida ne’e importante tebes tanba ho nia objetivu atu hato’o mensajen ruma ba iha traballadór sira hodi nune’e traballadór sira bele kumpre regra estadu Timor-leste ho Australia ne’ebe mak realiza ona

“Objetivu ita nia seremonia despedida ida ne’e importante tebes-tebes tanba hahu husi traballadór ne’ebé atu desloka ba Australia corea no japaun ita sempre realiza seremonia despedida ida ne’e ho nia objetivu atu hato’o ita nia mensajen ka lia menon ruma ba ita nia traballadór sira atu nune’e ita nia traballadór sira ba servisu iha ema nia rai kumpri duni regra no prosedimentu ne’ebé mak estadu timor-leste no austrlia realiza,traballadór ne’ebé mak iha ona austrlia rihun sanulu resin ha’at liu ruanulu no ohin aumenta tan ha’at nulu resin tolu entaun ida ne’e aumenta tan maibe husi traballadór hirak ne’e la hatudu atitude ne’ebé mak a’at no hafoer imajen timor-leste nian ne’ebé la diak, durante traballadór sira ne’ebé ba servisu iha rai liur responsabiliza husi SEFOPE seidauk iha problema ruma akontese ba sira, signifika katak traballadór sira nia dedikasaun no atetude diak tebes.”dehan sekretariu estadu iha salaun sefope caicoli.

Sekretariu estadu  ne’e mos husu ba trabalhador sira ne’ebé foun, foin mak atu ba tenke halo tuir traballador sira ne’ebé re entri tanba sira hatudu sira nia hahalok no atitude ne’ebe diak entaun kompanha volu fali sira hodi ba nafatin servisu.

 “Husu ba traballadór sira ne’ebé mak ohin ha’u rona iha traballadór 31 mak reentri signifika traballadór sira ne’ebé foun iha sanulu resin tolu (13) maibe feto ida ba uluk tia ona no sanulu resin rua (12) mak sei aranka ho sira re entri, ba karik tenke adapta ho imi nia maluk sira ne’ebé tuan ne’e, tanba imi nia maluk sira ne’ebé tuan ne’e sira nia atitude no sira nia komportamentu durante servisu iha ne’eba ne’e diak, ema kompaña sira bolu fila fali sira ba servisu, no imi sira foun ne’e mos la’os hetan de’it oportunidade iha ida ne’e maibe imi mos sei bele aplika ba vaga ida ne’ebé servisu ho tempu naruk tinan ha’at nian, maibe bainhira imi sira foun ne’e ba mak haksoit sai husi sistema ida ne’e imi sei la hetan tan oportunidade,no bainhira ema halo deportasaun mai timor-leste, agora avizu pontu fokal sira iha Darwin, Sidney, melboune, no iha kambera atu kontrola ita bo’ot sira se iha problema ruma entre ita bo’ot sira ho empreza diak liu imi tenke hato’o ba adidu, apsten adidu, ba embaixadóra sira ne’ebé destaka ona iha ne’eba.’’nia hakotu

 Iha sorin seluk traballadór João da Costa Colaço agradese tebes tanba bele hetan opotunidade ba servisu iha Australia hodi bele hadia familia nia moris

“ hanesan ema kaben nain ha’u hetan oportunidade ida ne’e ha’u sente triste maibe ha’u agradese tebes tanba bele muda ita moris ha’u prontu tanba ita ba servisu fila mai bele hadia ita nia moris, sustenta alin ba eskola,nomos hadia familia uma laran, no ha’u kontente tebes karik ha’u fila mai sei loke  negosiu ki’ik sira iha rai doben ida ne’e, no  ha’u sei la halai se’es husi sistema ne’ebé iha tanba ha’u iha ne’e iha familia sira ne’ebé mak tau komfiansa ba ha’u bainhira ba servisu iha ne’eba, ne’e  sei kumpri sistema hirak ne’ebé governu timor-leste ho Australia halo ona.  joão akresenta 

 Jornalista: Sergio Borges

Editor: luhamutu

Related Articles

- Advertisement -spot_img

Latest Articles

ARKIVU.
RCC.