Díli, 20 Marsu 2024 (RCC), Primeiru Ministru Kay Rala Xanana Gusmão Partisipa Reuniaun Konsellu Ministru hodi halo Deliberasaun Lubuk ida Kona-ba Programa IX Governu, liu-liu halo aprovasaun liga ho Eleisaun Suku.
Iha konferénsia imprensa ne’e reprezentante konsellu Ministru, Adérito Hugo hateten ba Jornalista katak eleisaun Suku iha tinan kotuk kompleta ona 442 sukus no hela suku 10.
“Reuniaun konsellu Ministru ho deliberasaun lubuk ida, no iha ajenda ba da-uluk liga ho eleisaun Xefi suku ne’ebé iha tinan kotuk kompleta ona 442 suku no restu suku 10 ne’ebé seidauk eleisaun no kontinua iha tinan ne’e foin remata, tanba ne’e maka ohin aprezentasaun husi Ministériu Administrasaun Estatal kona-ba realizasaun asenbleia aldeia ho konsellu suku nia kalendáriu atu nune’e bele kompleta de’it suku 10 ne’ebé seidauk halo eleisaun ba Lider komunitáriu ninian ne’ebé sira seluk kompleta ona iha tinan kotuk, no agora iha faze ba rekrutamentu ofisiais sira ne’ebé Ministériu Administrasaun halo dau-dauk serbisu ne’e iha terenu atu kompleta servisu sekretariádu suku nian ho dekretu Lei ne’ebé konsellu Ministru aprova ona,” Hateten Nia.
Iha biban ne’e reprezentante konsellu Ministru, Adérito Hugo informa tan katak, deliberasaun seluk liga mós ho asuntu kona-ba Lixu iha Munisipiu Díli fo’er no dois halo públiku sira preokupa teb-tebes.
“Deliberasaun seluk husu konsellu Ministru maka halo deliberasaun ida ne’ebé liga ho asuntu kona-ba Lixu iha Díli ne’ebé iha últimu dois iha semana rua, hanesan imi hotu akompana públiku sira preokupa teb-tebes kona-ba jestaun Lixu, governu liu husi Ministériu Administrasaun Estatal hare’e ba problema hot-hotu liga ho jestaun operasional lixu ninian no ohin halo ona deliberasaun ida atu nune’e Ministériu Administrasaun Estatal ho prezidente Autoridade Munisípiu Díli atu kontinua fali jestaun menejementu lixu ninian ho nune’e sira mós kompleta planu sira ne’ebé liga ho jestaun lixu foun ne’ebé iha polítika IX Governu ninian atu kontinua nafatin hodi eleva jestaun lixu nian iha Díli no mós iha Territóriu tomak. Tenik Adérito Hugo.
Aleinde ne’e reprezentante konsellu Ministru Adérito Hugo informa mós deliberasaun seluk husi konsellu Ministru nian mak liga mós ho Estatu kombatente Libertasaun Nasional lei nº 3/2006, Proposta Lei mai husi MKl aprezenta husi V-PMKAE Fransisco Kalbuady Lay, aprezentasaun husi Ministériu Defeza, Kona ba Alterasaun dekretu Lei nº33/20, Konsellu ministru aprezenta mós remonerasaun kona-ba Títular sira no halo mós aprovasaun férias ba Paskua ninian. Tanba ne’e aprovasaun ohin iha konsellu ministru hodi prepara atu submete ba parlamentu hodi nune’e bele loke audénsia ba públiku. Nia hakotu.
Jornalista : Adelina Fátima
Editór : Luhamutu
