26.9 C
Dili
Friday, 14 June 2024
spot_img

Khunto Husu Atu Kria  Dame No Páz Hodi Hari’i Unidade Nasional Entre Polítika Nain Sira

Díli, 21 Marsu 2024 (RCC) – Líder Máximu Partidu Kmanek Haburas Unidade Nasional Timor Oan (KHUNTO), José dos Santos “Naimori Bukar” ho nia estrutura  sira hasoru malu ho Prezidente Repúblika, José Ramos Horta hodi husu hanoin oinsá atu kria Páz no Dame ba Rai ida ne’e no hari’i unidade nasional entre Polítika Nain sira.

Iha intervista , Líder Máximo José dos Santos”Naimori Bukar” hateten ba Jornalista sira katak, hasoru Prezidente Repúblika atu husu hanoin ruma hodi kria páz, Dame no hari’i unidade nasional entre Polítika nain sira tanba ne’e tenki rona mos Xefe Estadu.

“Ohin, ami mai hasoru prezidente atu husu hanoin ruma kona-ba oinsa atu kria Dame no Páz ba rai ida ne’e, hari’i unidade Nasional ida liga ho Polítika nain sira, tanba ne’e presiza ita hot-hotu tenke rona chefe Estadu hanesan  ita nia prezidente , atu nune’e ita hot-hotu bele komprende saída maka polítika, oinsa atu asegura Estadu ida, Nasaun ida, Presiza Lideransa hot-hotu tenke iha unidade ida, atu nune’e ita nia Governu ida ne’ebé mak oras ne’e maioria no oinsa atu bele iha planu ida ba Futuru ne’ebé di’ak. ho nune’e maka nu’udar Polítika tenke kria Páz ho Dame, la’os de’it ita hare’e ba iha polítika tanba iha palku ita ko’alia ida ne’ebá no ida ne’e maibé hotu ona tenke iha sentidu Estadu atu nune’e ita bele kria estadu ida ne’e ho di’ak tanba ida ne’e povu ninian. chefe Estadu nu’udar Nóbel da Páz, ita hot-hotu presiza rona nia tanba nia iha esperiésia ne’ebé bo’ot teb-tebes ba Rai ida ne’e no Autor ba rai ida ne’e hotu, atu nune’e nia bele fó hanoin ba Polítika nain sira atu bele komprende katak saída maka Estadu no saída mak unidade Nasional, ida ne’e maka husi KHUNTO ami hakarak rona husi prezidente rasik. Nune’e mós ami mai atu konvida sua exelénsia atu partisipa iha ami nia kongresu nasional iha loron 20 no 21 iha fulan Abríl, PR sei ba loke abertura hodi hato’o hela mensajen ruma ba ami nia ema sira liu husi kongresu ida ne’e hodi halo preparasaun ba Líder foun mai bele komprende no labele ida-idak ko’alia ninian tanba Polítika ida Presiza Jerasaun foun no Presiza mós lideransa ne’ebé di’ak”, Nia informa.

Aleinde ne’e Líder Maximu ne’e informa tan nu’udar Jerasaun foun tenke estuda bu’at ne’ebé lo’os

Atu bele implemta iha futuru oin mai no labele sai fali inimigu ba malu

“Nu’udar Jerasaun foun tenke estuda buat ne’ebé lo’os labele sai inimigu no polítika, uluk kuandu Maun bo’ot Xanana ho ita nia maun bo’ot Taur sira nain rua iha desizaun polítika oituan maibé ha’u hatete katak ha’u sei lá hamonu Maun bo’ot Taur matan ruak no to’o agora IX Governu mós ha’u sei la hamonu Maun bo’ot Xanana Gusmão tanba ne’e ita Presiza Estadu ne’ebé maka Maduru tanba Estadu ne’e povu ninian”, Nia hakotu.

Jornalista : Adelina Fatima

Editor : Luhamutu

Related Articles

- Advertisement -spot_img

Latest Articles

ARKIVU.
RCC.