25.7 C
Dili
Thursday, 20 June 2024
spot_img

G7+ Asina Nota Entendimentu Ho Parseira CNC I.P. No Ong Belun Iha Area Advokasia Ba Asuntu Paz No Rekonsiliasaun

Dili, 22 Marsu 2024) Sentru Nasional Chega IP. Asina Nota Entendimentu Memorandu Of Undertanding Ho Organizasaun Inter Governamental G7+ Iha Area Advokasia ba Asuntu Pas no Rekonsiliasaun Iha Nivel Nasional no Internasional

Iha komunikandu ne’e Sekretariu Jeral G7+ Helder da Costa hatetenasinatura ida ohin halo simplesmente hodi rai hela sai hanesan matadalan ida no tulun malu, hodi servisu hamutuk nafatin ho Sentru Nasional Chega no mós Organizasaun Noun Governamental Belun, hodi nune’e bele kontribui ba paz iha Timor-Leste.

“Ho asinatura ida ohin ne’e simboliza ita nia parseria atu nune’e ita bele kontribui nafatin ba pas, dezemvolvimentu no estabilidade iha ita nia rai laran, hodi ajuda mós governu bele implementa sira nia programa ba tinan lima mai, tamba G7+ mai ho nia moto ida hanesan promove dezemvolvimentu, promove pas no promove estabilidade, tamba ne’e, ohin asina  simplesmente hodi rai hela sai hanesan matadalan ida  no tulun malu hodi servisu hamutuk nafatin ho sentru nasional chega no mós NGO Belun, hodi nune’e ami bele kontribui ba pas, ba iha ita nia nasaun, atu nune’e hatudu nafatin ita nia imajen timor-leste nian nu’udar nasaun ida ne’ebé hakmatek no iha paz, no fo nia implikasaun ida ne’ebé positivu ba ita nia rai hodi dada investedór sira mai investe iha ita nia rai, atu nune’e fo kampo  servisu ba ita nia joven sira, ida ne’e mak objetivu prinsipal husi asinatura ba ohin loron nian.”dehan sekretariu jeral iha salaun G7+

Sekretariu jeral ne’e mós hatutan katak kona-ba servisu ne’ebé durante ne’e G7+ hala’o hamutuk ho parseiru sira iha progressu ka mudansa bo’ot tebes hanesan, G7+ lori delegasaun bo’ot ida husi timor leste kospostu husi liñas ministeriais no ajensia barak, lori ba nasaun Luanda hodi aprende kona-ba sira nia tranzitoria ba pas no rekonsiliasaun.

“Diak kona-ba progresu sigifikante ne’ebé durante ne’e ami hala’o barak tebes, maibe iha pontu de vista G7+ nian, iha servisu barak mak halo hanesan iha fulan outobru  tinan rua kotuk ami lori delegasaun bo’ot ida ba husi timor leste, hahu husi liñas ministeriais no ajensia barak lori ba Luanda hodi aprende sira nia trazitoria dezemvolvimentu kona-ba pas, rekonsiliasaun, no oinsa mak sira fo dalan ba malu, ida ne’e hanesan inisiativa ida iha rai liur, kona-ba iha rai laran ami mós suporta sentru nasional chega servisu hamutuk ho instituisaun governu nian halo festival fronteira, kontribui mós esperensia intelektuais kona-ba fahe esperensia sira, no ami mós halo zum word ho nasaun sira hanesan Luanda,siere lione no nasaun sira seluk, foin dadauk ami atu lori ita nia maluk sira husi pasifik eirlins mai, maibe sira nia kapasidade lojistika mak la kobre entaun sira la konsege mai, karik sira hakarak  mai ami sei servisu hamutuk ho sentru nasional chega, hodi sira mai aprende ita nia esperensia kona-ba oinsa hari sentru nasional shega, no oinsa mak hari pas no rekonsiliasaun timor oan sira nian, ida ne’e mak progressu bo’ot ida husi G7+nian.”nia hakotu.

Iha sorin seluk Direktor Ezekutivu Sentru Nasional Chega Hugo Maria Fernandes akresenta tan kona-ba servisu ne’ebé mak durante ne’e sira hala’o hamutuk ho parseiru sira hanesan G7+ ho ONG Belun, halo dialogu sira, liu-liu foku kona-ba grupu arte marsiais sira iha Dili, Maliana, Manatuto, no Suai, halo ida ne’e atu garante hamenus komflitu iha sosiedade nia le’et.  

“Atu hatutan tan servisu ka inisiativa balun ne’ebé mak entre sentru nasional chega ho G7+ halo hanesan iha tinan rua liu ba G7+ ho CNC reativa fila fali rede nasional prevensaun komflitu komunitaria, rede ida ne’e, hari’i tinan sanulu liu ba paradu tia, entaun ho inisiativa ne’ebé mai husi G7+ho Belun hamutuk hodi reativa fila fali rede ne’ebé iha, no ita laos reativa de’it maibe ita envolve direitamente iha dialogu diskusaun sira iha nivel komunidade nian, no iha tinan kotuk kuaze dialogu neen (6) mak ita halo liu-liu foku ba grupu arte marsiais sira iha Dili, Manatuto, Maliana, no mós iha Suai, ita halo ida ne’e hamutuk hodi bele garantia komflitu iha komunidade bele menus, ida ne’e fo efeitu diak no rede ida ne’e agora funsiona no lao nafatin sei envolve mós ema barak, aleinde  ne’e CNC mós hamutuk ho G7+ no ONG belun iha fulan janeiru konsellu ministru aprova ona planu asaun nasional ba partisipasaun feto nian iha manutensaun dame iha komunidade.” Hakotu Direktor Ezekutivu Sentru Nasional Chega Hugo Maria Fernandes

Jornalista: Sergio Borges

Editor:  luhamutu

Related Articles

- Advertisement -spot_img

Latest Articles

ARKIVU.
RCC.