27.3 C
Dili
Friday, 14 June 2024
spot_img

Asosiasaun Transporte Kontetores  Portu Timor-Leste Hala’o Kongressu Dahuluk Hodi Sai Parseiru ho Governu

DILI 25 Marsu 2024 (RCC)- Asosiasaun Transporte  Kontetores  Portu Timor Leste,(ATCPTL) Hala’o Kongressu Dahuluk Hodi Sai Parseiru ho Governu Timor-Leste no Sai Servidór ba Publiku Iha Futuru.

Iha entevista  Directór Jeral Ministeriu Transporte  no Telekomunikasaun Constantino Ferreira Soares hateten, durante ne’e  ATCPTL la’o individualmente seidauk organizadu ho governu, tamba ne’e mak ATCPTL foti inisiativa hodi hala’o kongressu.

 “Inisiativa ida ohin loron hala’o ne’e di’ak, hodi bele akomoda interese kaminiatu sira ne’ebé tula kontetores husi portu dili ba nia kliente sira, ho realizasaun kongressu ida ne’e, espera katak sira bele hetan estrutura ida forte no iha vizaun ida ne’ebé di’ak ba oin, atu nune’e interese no planu sira ne’ebé sira iha, hodi hala’o sai realidade tuir sira nia dejezu hodi realiza kongressu ida ne’e, durante ne’e ATCPTL hala’o atividade individualmente seidauk organizadu ho governu, tamba ne’e mak bazeia ba situasaun no evolusaun ne’ebé akontese sira tenta organiza, no hasoru dala tolu ho sira, hodi husu sira nia ideia atu bele akomoda sira nia interese, ho nune’e mak sira foti inisiativa hodi ohin loron hala’o kongressu ida ne’e ba dahuluk, no espera katak ho kongressu ida ne’e bele hetan nia rezultadu ida ne’ebé pozitivu, no estrutura ida ne’ebé forte, no iha vizaun ida ne’ebé di’ak ba futuru, labele konsentra de’it iha transporte kontetores, maibe ita tenta diversifika mos ba iha atividade seluk, no agora dadaun ita konsentra ba sira nia formasaun estrutura iha sira nia asosiasaun, depois ba oin mak ita bele organiza sira nia atividade tula kontentores husi portu tibar ba fatin seluk.”dehan director jeral.

Director jeral ne’e mos akresenta tan katak iha tempu badak ministeriu transporte no telekomunikasaun sei muda orariu ba transporte publiku hanesan bus sei halo viagem iha loron tuku 6:00 dadersan.

“Kona-ba transporte publiku ne’ebé halai sai ba munisipiu hanesan bus ne’e, sosializasaun ami halo ona iha fulan kotuk, hotu-hotu iha koñesimentu tia ona hanesan bus nain sira, no parte relevante sira iha hotu ona informasaun, ne’e duni iha tempu badak governu sei implementa planu ida ne’e, depois de implementa ami sei halo avaliasaun ba atividade refere, no ami sei muda orariu ba transporte publiku iha timor laran tomak, hanesan bus ne’ebé halo viajen mai dili tenke iha dadersan tuku ne’en, no sai husi dili ba munisipiu  mos tenke tuku ne’en dadersan, ne’e duni ami sei servisu hamutuk ho polisia tranzitu nasional, tranzitu munisipiu sira no mos Diresaun Nasional Transporte Terrestre (DNTT), hodi hare’e’e no halo avaliasaun ba ami nia planu ida ne’e.” nia informa

Iha sorin seluk Presidente Asembleia  Asosiasaun Transporte  Kontetores  Portu Timor-Leste (ATCPTL) Paul Sarmentu hateten kona-ba kongressu ne’ebé mak ohin loron hala’o tamba  durante ne’e ATCPTL preokupa la iha lei ida mak atu regula.

“ATCPTL nia preokupasaun durante ne’e mak hanesan laiha lei ruma ne’ebé mak atu regula ka proteje ami, ho nune’e durante ne’e ami sente namlele tamba kestaun de lei ne’ebé atu kesi metin ami laiha, entaun durante ne’e ami idak-idak la’o ninian laiha ema ruma mak atu koa’lia kona-ba kestaun no lamentasaun ne’ebé mak durante ne’e ami imfrenta hela, entaun ho problema hirak ne’e hotu, ne’ e mak ami hari asosiasaun ida ne’e atu nune’e iha futuru mai bele sai di’ak liutan, no asosiasaun ida ne’e agora dadaun iha membru hamutuk ruanulu resin ne’en (26) kompaña ne’ebé iha asosiasaun nia laran ho nune’e mos fasilidade ne’ebé mak asosiasaun ne’e iha kareta hamutuk atus ida ne’en nulu resin lima (165) ne’ebé agora dadaun ami iha, asosiasaun ida ne’e foin harii ba dahuluk hala’o kongressu,entaun  ohin loron, ami sei koa’lia kona-ba estatutu depois hotu, ami sei hili ami nia presidente da asosiasaun, tamba agora dadaun ami iha de’it presidente da asembleia, seidauk iha presidente da asosiasaun.

ATCPTL nia vizaun mak hanesan bainhira asosiasaun ida ne’e hamrik ona konserteza asosiasaun ida ne’e sai parseiru ba dezemvolvimentu ekonomia iha nasaun timor-leste, tamba ne’e presija kria lei ida atu nune’e ATCPTL bele la’o tuir, bainhira kuandu lei laiha  entaun la halo buat ida, kongresu ida ne’e ba loron rua ohin loron ho aban entaun ohin loron sei debate hodi desidi fatin sede asosiasaun nian no hili presidente asosiasaun ho nia estrutura tomak, no loron aban mak sei simu tomada de pose ba estrutura ne’ebé mak ohin loron hili.

Jornalista : Sergio Borges

Editor : Luhamutu

Related Articles

- Advertisement -spot_img

Latest Articles

ARKIVU.
RCC.