Dili 25 Marsu 2024 (RCC)- Sidade Universitaria Aileu sei muda ba Hera tuir Planu IX governu nian tamba UNTL hanesan universidade publiku estadu nian atu nune’e fatin bele seguru ba ema hotu atu asesu.
Iha intervista ho Reitor Universidade Nasional Timor Loro Sa’e (UNTL) João Soares Martins hateten, hasoru malu ho Prezidente Republika ko’alia kona-ba Universidade Nasional Timor Loro Sa’e ninia progresu no mós dezenvolvimentu infra-estrutura universidade Nasional Timor loro Sa’e ninian.
“Primeiru agradese ba Prezidente Republika tamba bele simu Reitor ho delegasaun vice reitor husi Universidade Nasional Timor Loro Sa’e ne’ebe maka foin hasoru Prezidente Republika no ajenda ne’ebe maka ami koalia ho Prezidente kona ba universidade nasional Timor loro Sa’e ninia progresu nune’e ami mos Informa difikuldades balun ne’ebe universidade hasoru, nune’e mos ami koalia kona ba kestoens lubuk ida neebe importante liuliu ba 2025 Agora UNTL halo 25 anos. Maibé Kona ba selebrasaun ne’e sei prepara ba 25 anos ne’ebe mak konhesidu ho 50 anos ba propormasaun iha planu RTTL,EP nian tambá ne’e Mak Ami husu ba Prezidente katak karik bele marka mos prezensa iha 2025 mai.”hateten reitor UNTL
Aliende ne’e mos ko’alia kona-ba sidade universitaria ne’ebe lokaliza iha munisipiu Aileu sei muda mai iha Hera ho ida ne’e Prezidente interesante tebes no tau ona iha planu atu nune’e bele tau atensaun ba dezenvolvimentu iha area infra-estrutura UNTL, nian maske nune’e xefe estadu Informa Nia iha kolga barak atu bele ajuda ba kestaun infra estrutura ida nee nune’e mos ideias ne’ebe Prezidente promete katak karik bainhira Nia ba vizita Xina ka Abu Dhabi Nia sei hato’o ideias nee iha neeba.
“Nia esplika Prezidente intersal tebe-tebes no husu governu atu bele tau atensaun ba dezenvolvimentu infra estrutura Universidade Nasional Timor Loro Sa’e (UNTL) ninian ne’ebe ita hotu hatene katak neste momuntu nonu governu deside ona atu muda ona sidade Universidade muda tiha husi Aileu mai Hera entaun, ami ezije para estadu no governu Timor Leste atu bele tau atensaun ba ninia progresu intermus de dezenvolvimentu kampus ka infra estrutura husi universidade nian, maibé Prezidente Informa mai ami katak Prezidente iha Nia estadu barak no kolega barak bele ajuda mos kestaun ba infra estrutura no Prezidente temi sei bele halo aprosimasaun ho Governu Xina, governu Uni Emirate Arab ou Qatar karik sira bele, tamba nee Iha interese atu apoia konstrusaun ka dezenvolvimentu infra estrutura UNTL ninian, maibé nee sei ideias ne’ebe Prezidente promete katak karik ba vizita Xina ka Abu Dhabi Nia sei hato’o ideias nee iha neeba.” haktuir Reitor João Martins
Jornalista : Tonia Neto
Editor : Luhamutu
