Díli, 26 Marsu 2024 (RCC) – PLAN internasional ho Patria ne’ebé servisu hamutuk ho Parseiru sira bodi hala’o lansamentu rezultadu ba labarik feto sira ne’ebé isin rua sedu ka kaben sedu sai hanesan diskriminasaun des-igualidade ba kauza violénsia Umana.
Iha diskursu Diretora fokupers, Laura Abrantes hateten Pátria ho Plan hamutuk ho Parseiru sira hala’o lansamentu rezultadu evidénsia ba asuntu labarik feto no mane sira liu-liu ba labarik feto sira ne’ebé isin rua sedu no kaben sedu sira.
‘’Pátria ho Plan hamutuk ho parseiru sira seluk hala’o lansamentu hodi hetan rezultadu ida ne’ebé sai evidénsia ka baze ida atu nune’e ita bele foka nafatin ba polítika liu-liu ba re-ingresu iha Eskola no polítika sira seluk ne’ebé maka la kualidade hodi halo advokasia ba, ho nune’e ami hatudu de’it katak introdusaun simples ida atu hare’e katak, kuandu ko’alia ba asuntu isin rua Ka kaben sedu ka kaben forsadu iha uniaun ba faktu ne’e de’it normalmente ita temi dehan fonkorpo, ne’e sai faktu ida ne’ebé mak bele hare’e katak ida ida ne’e bele infrenta deskriminasaun des-igualidade no halo kauza ba violénsia iha ne’ebá. Asuntu isin rua no kaben sedu ka kaben forsadu ne’e asuntu ne’ebé mak sériu tanba ne’e presiza ita hotu nia liman ho neon liu-liu akadémika sira iha universidade atu nune’e ita bele ko’alia nafatin no kamapana nafatin tanba sá maka buat sira ne’e akontesa, tanba ne’e koalia kona-ba violasaun direitus umanus. Entaun objetivu iha ita nia estudu ne’e maka dadus ka evidénsia iha tolu: evidénsia da-uluk atu justifika ka bainhira ita husu halo polítika ida ka resolusaun iha baze simples, kuandu ita aproxima ba iha komisaun F no komisaun G sira husu oinsa ho area kobertura iha PLAN no Pátria Nia servisu ne’e bele fornese kala’e, no dadus ba problema ne’e saida maka mosu, entaun ami nia objetivu estratéjiku mosu tanba Visaun ho misaun PLAN internasional nian tuir plan Timor-Leste ho esforsu hotu hodi hadia labarik Feto sira isin rua sedu ne’e no progresu nafatin ho aredor sira sei forma iha violénsia no diskriminasaun oi-oin no promove Sidadánia arkiva intensívu sira,” Dehan, Diretora Fokupers
Iha sorin seluk Diretora Jeral Ministeriu Edukasaun , Odelia das Dores Martins hateten, Edukasaun nu’udar parte esensiál hodi ezerse labarik feto no mane sira, atu prepara ba futuru no dezenvolvementu ba sira nia a’an.
“Eskola nu’udar parte esensial hodi ezerse ba labarik Feto no mane sira atu prepara ba sira nia futuru no dezenvolvimentu ba sira nia a’an. Eskola tenke sai Fatin ne’ebé seguru ba labarik Feto no mane, liu-liu ba labarik Feto sira durante hala’o aprendisajen iha sala nia laran, infelizmente ba to’o ida ne’ebe influénsia ba labarik sira atu husik Eskola mak violénsia. Violénsia ba labarik feto no mane sira iha nia maneira maka’as, hakilar no baku halo labarik sira la fiar a’an atu ba kontinua sira nia Eskola tanba ta’uk, no fatores seluk mak labarik Feto sira isin rua sedu ne’ebé la espera ba alin feto sira, no labarik mané sira lá ba Eskola tanba hetan impaktu negativu hanesan ita hotu hatene kona-bá envolvementu Arte-marsiais. Rezultadu husi peskiza ne’ebé maka Fokupers aprezenta iha fulan kotuk ba hatudu katak persentájen a’as ba iha estudante sira ne’ebé aboltu, labarik mane sira mós sai susesu violénsia fíziku. Razaun sira ne’e hamutuk ho ita nia tendénsia atu husik labarik mane sira ho responsabilidade ne’ebe menus husi responsabilidade ne’ebé fó ba Arte-marsiais, tanba ne’e kontribui atu kria situasaun katak oras ne’e iha nível Eskola sira hotu, labarik mane sira husik Eskola Barak liu kompara ho labarik feto sira no pior liu iha avaliasaun sira ne’e hotu labarik mane sira dezempenu menus liu kompara ho labarik feto sira, nune’e mós kontribui ba problema katak labarik mane sira husik Eskola barak liu ne’ebé maka espesiálmente persentájen bo’ot iha Edukasaun. Ita ko’alia kona-bá violénsia ne’ebé estudante feto sira hasoru iha Eskola, tuir sensus 2022 nian bele hare’e katak ema ho tinan 17 mai kraik, Feto ne’ebé hatene le’e barak liu kompara ho mane ne’ebé lahatene le’e. Ne’e hatudu mudansa bo’ot ba Eskola mais ou menus ho independente, maibé maske ágora kuze 90% ba feto sira no ita sei tenta nafatin to’o 100%,” Hakotu nia.
Jornalista : Adelina Fátima
Editor : Luhamutu
