27.3 C
Dili
Friday, 14 June 2024
spot_img

Timor-Leste Simu Vizita Ofisiál Sekretáriu-Jerál ASEAN

Dili 2 Abril 2024 (RCC)- Kao Kim Hourn, Sekretáriu-Jerál ASEAN, sei halo vizita ofisiál mai Timor-Leste iha loron 1 to’o loron 4 fulan-abríl tinan 2024, hodi hatán ba konvite ofisiál husi Ministru Negósius Estranjeirus no Kooperasaun Timor-Leste, Bendito dos Santos Freitas.

Sekretariadu ASEAN ne’ebé lidera husi Sekretáriu-Jerál, promove, koordena no monitoriza implementasaun ajenda oioin ASEAN nian liuhusi ninia pilár komunitáriu sira.

Vizita ida-ne’e iha importánsia boot, haree ba funsaun krusiál Sekretariadu ASEAN nian hodi apoia avaliasaun ba Estadu Membrus ASEAN nian kona-ba Timor-Leste nia prontidaun atu adere ba ASEAN.

Vizita Sekretáriu-Jerál Kao Kim Hourn ne’e atu reafirma kompromisu Estadu Membrus ASEAN nian hodi apoia dalan Timor-Leste nian ba adezaun plena ASEAN.

Durante vizita ne’e, Kap Kim Hourn sei hala’o vizita kortezia ba Prezidente Repúblika, José Ramos Horta, Prezidente Parlamentu Nasionál, Maria Fernanda Lay, no Primeiru-Ministru, Kay Rala Xanana Gusmão.

Sei halo mós diskursu iha sesaun ida ho membrus Governu kona-ba adezaun Timor-Leste nian ba ASEAN. Sekretáriu-Jerál ne’e sei partisipa iha serimónia lansamentu programa “Timor-Leste Futurus Líderes ba ASEAN” no sei hala’o sorumutuk ho Kámara Komérsiu no Indústria Timor-Leste no ho Embaixadór rezidente sira ASEAN nian.

Related Articles

- Advertisement -spot_img

Latest Articles

ARKIVU.
RCC.