26.9 C
Dili
Friday, 14 June 2024
spot_img

Komunikadu Imprensa

Medidas ba Prevensaun no kontrolo moras raiva

Relasiona ho moras raiva/rabies (moras asu bulak) ne’ebe agora dadaun tama ona iha Timor-Leste, no virus ida ne’e hamate ona sidadaun nain ida iha Rejiaun Administrativa Espesiál Oe-Kusi Ambenu (RAEOA), tamba sidadaun refere hetan tata husi asu ne’ebe mak positivu ho virus raiva.

Nunee, atu prevene no mitiga moras raiva (asu bulak), iha populasaun nia le’et maka Sekretáriu Estadiu Pekuária hamutuk ho Ministeriu Administrasaun Estatal servisu hamutuk liu hosi Presidentes Autoridade Munisipál sira (Autoridade Lokal, Lideres Komunitárius), Ministériu Saúde, Organizasaun Mundiál Saúde (OMS), Polisia National Timor-Leste (PNTL), hudi kontrola no tau matan atu bele prevene no mitiga surtu ne’e.

Baseia ba Dekretu-Lei N.º 12/2014. loron 14 fulan-maiu, kona-ba Restrisaun Movimentu Animal nian iha Área Urbana, iha Artigu 3 (alínea d o e), art. 5 n.º 1 (alínea a, c) no número 2. Artigo 7, 9 no 10, instrui hanesan tuir mai:

1 – Proibidu tebes atu husik animal hanesan asu, busa no lekirauk iha fatin públiku iha territóriu Timor-Leste laran tomak;

2 – Husu ba komunidade ne’ebe hakiak asu, busa no lekirauk hodi sulan ka kesi no la husik livre, liuliu komunidade ne’ebe hela besik fronteiras hanesan Munisipius Bobonaro, Covalima, RAEOA no Díli, atu la husik asu movimenta livre iha komunidade nia leet;

3 – Proibidu atu Iori animal hanesan asu husi Munisipius Bobonaro, Covalima no RAEOA ba Munisipius seluk liu husi (via terrestre, aéreo no via maritima). prevene atu virus ne’e la hadaet ba munisipius seluk.

4 – Husu atu kopera ho ekipa vasinasaun hodi vasina ita boot sira nia asu, busa no lekirauk;

5 – Inkumprimentu ba regras hirak ne’ebe mensiona no karik ema ruma hetan tata husi animal hirak temin iha leten (asu, busa no lekirauk), maka nain to animal hirak ne’e sei responsabiliza tuir Dekretu-Lei refere. REMATA

Related Articles

- Advertisement -spot_img

Latest Articles

ARKIVU.
RCC.