Dili, 09 abril 2024 (RCC)-Governu liu husi Ministeriu Komersiu no Industria ho Banku Mundial Hala’o Press Breafing ho Media sira Relasiona ho Lansamentu Portal Informasaun Komersial nian Iha Timor-Leste.
Iha diskursu vise ministru komersiu Augustu Junior Trindade hateten Ministerio Komersiu no Industria halo koperasaun ho Banku Mundial, kona-ba prepasaun ba Lansamentu Portal Informasaun Komersial ne’e kuaze tinan ida, hahu husi loron 9 fulan abril 2023 to ohin loron.
ʺOhin loron ita tama ba faze ida importante los ba ita nia prepasaun sira kona-ba ita nia lansamentu portal informasaun komersial, tanba ne’e ohin loron ne’e ita halo press breafing ida hodi hateten katak oinsa ita hotu ne’ebé mak iha ne’e bele partilla hela informasaun ida ba públiku katak iha loron 11 fulan ida ne’e sei iha lansamentu bo’ot ida ba seremonia lansamentu portal informasaun komersial, bele dehan katak ministerio komersiu no industria servisu halo koperasaun ho banku mundial, kona-ba prepasaun ne’e ita foti tempu ne’e kuaze tinan ida, hahu husi loron 9 fulan abril 2023 no ohin ita kompleta tinan ida ba preparasaun no agradese tebes ba ita nia membru lokal sira ne’ebé servisu maka’as husi ministeriu nian, husi ajensia autonomi sira, linas ministerias no mos sektor privadu sira, ida ne’e ita forma hamutuk staring comite ida hodi bele realiza portal imformasaun komersial ida ne’e.’’ dehan vise ministru iha salaun enkontru banku mundial, lecidere Dili.
Nia akresenta tan iha tempu ba ita mos sei adezaun ba iha asean ne’e mos sei hola parte oinsa atu kria portal ida ne’ebé transparante, kredivel, no adekuadu hodi fo informasaun hotu ne’ebé relasiona komersiu bele haree iha ne’eba.
ʺPortal informasaun komesial ne’e Rasik ita bele dehan nee hanesan ekosistema ida husi ita nia komersial oinsa atu tau hamutuk iha fatin ida, hodi kria janela ka valkaun uniku ida hodi informasaun hotu ne’ebé relasaun ho komersiu sai husi fatin ida de’it, atu dehan mos ita foin lalais ita nia adezaun ba OMK entaun timor hatudu katak resposta ida emediata ba ita nia adezaun ne’e ho ita nia lansamentu ba portal ne’e rasik katak ita tama ba adezaun ne’e ita halo netik buat ruma, iha tempu ba ita mos sei adezaun ba iha asean ne’e sei akontese nune’e mos sei pasparte oinsa atu kria portal ida ne’ebé transparante, kredivel,no adekuadu hodi informasaun hotu ne’ebé relasiona komersiu bele haree iha ne’eba, ita iha problema ida kona ba biriokrasia ida naruk, han tempu naruk tebes gasta osan, gasta energia maibe ho portal informasaun komersial ida ne’e, ita klik de’it iha nia website iha ne’eba imformasaun sira kompletu ona iha ne’eba, ohin iha press breafing ne’e atu hateten ba ita bo’ot sira katak timor agora iha ona janela ka valkaun uniku ida ba portal informasaun komersial nian.’’ Junior imforma.
Iha sorin seluk Reprezentante Banku Mundial iha timor leste iha Alina Antoci hateten portal ne’e reprezenta avansadu iha ne’ebé importante tebes ba governu timor-leste halo, liu-liu Ministerio Komersiu no Industria iha area komersiu nian, hodi hatudu ba ita nia komitmentu oinsa bele dezenvolve nasaun ne’e liu husi area komersiu nian.
“Ohin loron ami kontente tebes simu ita bo’ot sira iha ne’e atu halo esklaresimentu oituan relativa ho portal ne’e, tamba portal ne’e reprezenta avansadu, iha ne’ebé importante tebes ba governu halo liu-liu ministerio komersiu no industria, iha area komersiu nian hatudu ita nia komitmentu hodi oinsa bele dezemvolve nasaun ne’e liu husi area komersiu nian, kona-ba link ne’e hanesan feramenta ida importante ba ita, ne’ebé ita bele asesu website refere, fasil tebes ba ita atu bele uza ita nia telemovel, ka ita bele uza ita nia aparellu eletroniku ruma ne’ebé mak kompativel ho feramenta dizital sira, iha ne’ebé de’it ita bele uza portal ne’e, ba informasaun sira hotu relasaun ho komersiu nian liu-liu liga ho esportasaun ka importasaun, link ne’e ajuda governu atu fo informasaun sira ne’ebé tranparente ba publiku inrebilisidade no sentidu, tamba bainhira ita tama iha portal ne’e nia laran, ita hatene ona informasaun sira kona-ba saida mak ita atu halo kona-ba importasaun ruma ka esportasaun ruma, tarifa medida ka lalaok sira hotu ne’ebé ita presija halo, tamba portal ne’e fasilita atividade komersiu transporterismu nian hanesan husi nasaun ida ba nasaun seluk.”
Portal ne’e mos iha simplifikasaun presibilidade no transparansia hodi hamenus birokrasia ba oinsa komersiante sira halo sira nia atividade komersiu, alende portal ne’e ajuda governu ajuda mos komersiante sira hodi bele hamenus birokrasia iha tempu ne’ebé nia uza prosesu nia dokumentu sira kona-ba nia atividade komersiu, entaun portal ne’e fo benefisiu bo’ot ba komersiante sira.
Jornalista : Sergio borges
Editor : luhamutu
