26.9 C
Dili
Friday, 14 June 2024
spot_img

Mota Laran Sai Fatin Determinante ba Ema Hodi Buka Moris

Dili 09 Abril 2024 (RCC)- Pinera rai henek mak dalan hodi  buka osan hodi sustenta família uma laran no  nesesidade loro-loron.

Iha entervista Ricardo Tani hateten nia desidi mai iha dili hodi Pinera rai hehenek hodi  buka atu sustenta nesesidade familia uma laran nia. 

“Bainhira ha’u remata sekundaria iha 2022 atu kontinua maibé hanoin ba mai la di’ak tamba inan aman agrikultor ami oan nain ha’at ha’u maka hanesan oan mane bo’ot  tamba ne’e ha’u foti desizaun hapara estudu no halimar de’it iha oecusse sente la dun di’ak  tambá ne’e ha’u tun  mai iha dili tinan  2023 atu buka servisu, bainhira servisu seidauk iha ha’u deside hodi pinera rai henek iha mota laran atu sustenta ami nia moris.” nia hateten

Nia informa  tan katak loron ida sira Pinera raihenek husi dader to’o loraik hetan re’et ida no nia    rendemetntu 15 dolares no osan ne’ebé nia hetan hodi sustenta familia no balun hodi selu kos.  

 “kada loron hetan reet ida ka rua hodi buka osan no osan ne’ebé iha ha’u haruka ba família no rai ba selu koos no presiza uma laran maske  servisu todan no hetan rendementu ituan maibe ha’u la lakon vontade ba ha’u nia servisu tamba liu husi ida ne’e maka bele sustenta ha’u nia economia familia nian”. dehan Ricardo iha ponte Comoro.

Iha sorin seluk Martinho Lai Martins husi munisipiu Ermera akresenta ba jornalista RCC katak, liuhusi pinera rai henek refere hodi suporta alin sira ba eskola no liuhusi rai henek ne’ebé sira halibur dalaruma ema tula no dalaruma lae.

“Ha’u pinera rai henek hodi suporta alin sira ba eskola, no  fó ba inan aman balun  uza mós ba presiza uma laran,ha’u Pinera raihenek hahu husi tinan 2014 to’o ohin loron no liuhusi rai henek ne’ebé ami halibur ona kada loron depende ba kareta,mai tula la mai la  tula entaun mota mai lori tiha de’it rai henek ne’ebé ami  halibur ona maibe ami la lakon vontade maske be’e lori  ami nafati halibur fila fali atu nune’e kareta mai tula  hodi ami bele hetan osan tamba ami nia moris depende ba rai henek ne’ebé mak ami halibur ”. kresenta nia.

Iha biban ne’e mós Martinho rekomenda ba joventude  sira katak, moris joven lalikan buka problema, maibé di’ak liu hatudu forsa hodi buka osan n  rekomenda mós ba parte guvernu atu fasilita rede no kanuru ba sira.

“Ha’u husu ba kolega joven sira tempu agora lalika buka problema, maibé di’ak liu hatudu ita nia forsa hodi servisu nune’e bele iha osan no ha’u husu  ba governu pate relevante atu  ajuda netik ami sira moris iha mota laran, ami la husu osan mean no mutin maibe ami husu de’it  rede no kanuru atu nune’e ami bele buka rasik osan hodi sustenta ami nia moris ”. nia hakotu

Jornalista :Estagiada Adelia Mendonça

Editor : Luhamutuk

Related Articles

- Advertisement -spot_img

Latest Articles

ARKIVU.
RCC.