Dili, 11 Abríl 2024 (RCC)_Abilio Araújo hasoru malu ho Prezidente Repúblika José Ramos Horta, hodi ko’alia kona ba Abilio Araújo Juiñor ho Afonso Araújo Juñor ne’ebé mak atu tuir kompetisaun kona ba piano ne’ebé sei realiza iha fulan Agostu tinan ne’e.
Iha Intervista ho Abilio Araújo iha Palacio Prezidensiál Bairo Pite Dili hafoin remata enkontru ho Prezidente Repúblika iha Kinta feira ne’e haktuir ba jornalista sira katak Prezidente Repúblika sei konvida oan nain rua husi Abilio Araújo atu mai loke konsertu no tuir kompetisaun piano iha Timor Leste.
“Enkontru ho Prezidente Repúblika tanba prezidente mós hakarak konvida oan mane nain rua Afonso Araújo Juñor ho Abilio Araújo Juñor atu mai halo konsertu kompetisaun kona ba piano nian iha Dili iha fulan Agostu ne’e tanba ne’e mak ami mai hasoru malu ho Prezidente Repúblika atu fo hanoin no hatudu hela nia planu ba data realizasaun kona ba kompetisaun ne’e maibé Prezidente Repúblika fo de’it konvite ida ba Abilio Araújo Junior nune’e mós ba Afonso Araújo Junior. Maibé tuir konvite ne’ebe xefe estadu fó ba oan nain rua husi Abilio Araújo signifika katak tanba foin lalais ne’e sira ba iha Honkong ba tuir kompetisaun internasionál piano nian no sira nain rua manán no lori Bandeira RDTL nia naran tanba ne’e mak hato’o ba prezidente Repúblika maibé Prezidente Repúblika sente orgullo tanba lori naran Timor nian no mós Bandeira RDTL nian hodi hatudu ba mundu tanba ne’e mai vizita Prezidente Repúblika hodi inkoraja ba sira nain rua, katak Abilio Araújo.
Aliende ne’e mós ko’alia kona ba internet “fiber optic” nian ne’ebe halo ona no tama tiha ona iha komersiál ho nia baze iha Batugade ne’ebé ita hanaran sacomtel Batugade internasionál grade wide ne’ebe dadaun ne’e distribui ona ba Timor telekom husi postu Batugade no hatama ona mai Dili no asesu ho diak maibé kapasidade ida ne’ebé sira sosa husi ita ne’e mak sei oituan tanba ne’e bele dehan katak sacomtel nia kapasidade agora atu mai Timor ne’e iha de’it 30 Gb persekon, dehan Abilio Araújo.
No nia hatutan tanba ne’e mak sacomtel ita nia kompaña deside ona ita atu dada husi Batugade mai Dili hodi nune’e bele distribui ba departamentu no kompaña ne’ebé de’it tantu ba hotel no mós ba Embaixada sira iha ne’ebé ita iha ho kapasidade bele sa’e too 100 Gb, hakotu Abilio Araújo
Jornalista : Tonia Neto
Editor : Luhamutu
