25.7 C
Dili
Thursday, 20 June 2024
spot_img

   DNPDML- SECOMS Hala’o Enkontru Ho Jestor Radio Komunidade Sira

Dili, 11 abril 2024 (RCC) Diresaun Nasional Promosaun Dezemvolvimentu Média Lokal Hala’o Enkontru ho Jestor Radio Komunidade Sira Iha Timor-Leste Hodi koa’lia kona ba Fundus Transferensia Publiku

Iha Diskursu Direktor Diresaun Nasional Promosaun Dezemvolvimentu Media Lokal (DNPDML Sigla Portugués) Adriano Monteiru Hateten Enkontru Ida Ne’e Hanesan Babain Ne’ebé Sempre Realiza Kada Tinan Bainhira Atu  halo prosesu tranferensia orsamentu

lori diresaun nia naran hakarak hato’o agradese no obrigadu wain ba ita bo’ot sira ne’ebé ohin loron partisipa iha ne’e no enkontru ida ne’e hanesan bainbain  kada tinan ita sempre halo molok atu tama ba prosesu tranferensia orsamentu nian ita sempre halibur hamutuk hodi esklarese ba malu kona-ba  saida mak parte husi ami atu halo no imi atu halo, entaun ohin hanesan master of seremoni dehan ona sei iha aprezentasaun ruma kona-ba  formatu relatoriu nian ne’ebé foun, maibe sei laiha mudansa barak, ita hakarak hadia hodi halo diak liu tan, pelumenus tuir ita hotu nia hakarak,kona-ba  relatoriu ne’ebé imi submete mai ami, husi diresaun halo avaliasaun oituan  finaliza  ona, mak haruka  ba iha ministeriu finansas, maibe buat barak mak ita presija fo hanoin ba malu atu nune’e ita la’o karik iha hanoin ne’ebé hanesan.”dehan direktor iha salaun enkontru konsellu imprensa.

Iha Sorin Seluk Asesor Tekniku no Planeamentu SEKOMS Zaulino Gomez   Hateten Presija duni Enkontru Hanesan hodi Esklarese ba malu kona-ba Mekanismu Submisaun Proposta Relatoriu no Transferensia Publiku.

“ ita presija iha duni enkontru hanesan ne’e husi esklarese ba malu kona-ba  mekanismu sira,liu-liu kona-ba  mekanismu submisaun relatoriu sira no nia regras ezekusaun orgaun fundu no transferensia publiku, ne’ebé iha lei hateten suvensaun publiku, entaun ho inisiativa ida ne’e diresaun halo atu ita enkontru hodi ita bele esplika ba malu kona-ba  relatoriu ida ne’e, kona-ba  relatoriu ne’e la’os buat foun, maibe formatu ne’e hatur tiha ona iha lejislasaun iha tinan 2016 maibe ema la uza de’it formatu, buat hotu iha tiha maibe la transmite ba parseiru sira hodi atu uza tuir nia regras sira, hanesan formatu proposta, format relatoriu ne’e iha hotu no define klaru tiha ona, ne’e duni ita lalika inventa tun sa’e, entaun ami nota katak radio komunidade ida-idak halo formatu tuir idak-idak nia hakarak maibe bainhira iha asesu ba tranferensia publiku ne’e iha lei define klaru tiha ona, kona-ba nia mekanismu ho nia prosedimentu sira, maibe durante ne’e ita la abetua no hatoman-an hodi uza formatu refere.” Dehan Gomez.

Assesor ne’e Salienta tan Katak objetivu rua mak ohin loron sei fahe ba malu hanesan kona-ba mekanismu assesu fundu tranferensia publiku no ida seluk mak prosedimentu ezekusaun orsamentu tranferensia publiku.

“ Objetivu principal ne’ebé ohin loron ita atu fahe ba malu mak hanesan iha rua mak kona-ba mekanismu asesu fundu tranferensia publiku, no ida seluk mak prosedimentu ezekusaun orsamentu tranferensia publiku, ne’ebé orsida sei esplika kle’an liutan kona-ba ida ne’e, ema barak hanoin katak rejime transferensia publiku ne’e la lori ba kazu, ne’e lae, bainhira sala ne’e tenke ba hatan iha tribunal, tamba ne’e orsamentu jeral estadu nian, ne’e duni tranferensia publiku tenke kuidadu, tamba iha nia regra sira atu uza, ho ida ne’e ami hanesan iha parte governu nian  ne’ebé fasilita apoiu fundu ne’e ho interese sosial sira, ami mos lakoi parseiru sira ba fali iha risku entaun ita iha dever fo hanoin ba malu antes ita tama ba iha risku ida ne’e.”  nia hakotu.

Jornalista : Sergio Borges.  

Editor : Luhamutu. 

Related Articles

- Advertisement -spot_img

Latest Articles

ARKIVU.
RCC.