Díli, 12 Abril 2024 (RCC) – Ministru komérsiu Indústria, Nino Pereira ho Lideranda globál Banku Mundial hala’o lansamentu portál atu fasilita informasun komérsiu indústria iha Timor-Leste.
Iha intervista, Ministru Komérsiu Indústria, Nino Pereira hateten ba jornalista sira kona-bá lansamentu portál komérsiu indústria nian iha Timor-Leste nia lala’ok transparénsia informasun ne’ebé lolo’os husi Autoridade no Governu ninian.
“Importánsia husi lansamentu komérsiu indústria ninian atu fasilita informasun ne’ebé maka konfiada, Timor-Leste liu husi Ministériu komérsiu Indústria bele garante Transparénsia informasun ne’ebé maka lolo’os mai husi Autoridade Governu nian atu nune’e bele fó sai kona-ba lei ka regulamentu ninian iha atividades komesiáis atu ita nia komunidade setor privadu sira hatene prosesu sira ne’e iha atividade exportasaun no atividade importasaun ninian ho prosesu ne’ebé maka sira tenke la’o tuir tanba ita interligadu ho linas ministeriais, ezemplu husi Autoridade Ermera iha servidor investimentu komersiu ninian ne’e maka prosesu sira integradu ne’ebé sira bele klik informasun sira sei fornese mai tanba ne’e informasun ida ne’e importante teb-tebes ba iha sistema Eko-negósiu ne’ebé bele tuir duni padraun internasional tanba ohin loron ita ko’alia ona ita nia adezaun ba iha Organizasaun Mundial Komérsiu (OMK) ne’ebé presiza mós rekezitus lobuk ida atu bele garante liu husi portál informasun ne’ebé maka hanesan ohin ha’u temi ona maka ita konfia ne’e lolo’os no kompetente duni, ita nia adezaun ba Asean mós rekere hela ba rekezitus ida ne’e iha portál informasun ida ne’e no Nasaun lubuk ida kria tanba ne’e ita agradese tanba liu husi apoia lubuk ida iha Banku Mundial ho ita nia Parseiru desenvolvimentu hamutuk ho Governu Timor-Leste ohin ita lansa portál ida ne’e hodi fornese informasun ne’ebé maka lolo’os hodi bele fasilita di’ak liu tan ita nia setor privadu sira hodi bele hala’o negósiu ne’ebé saudável iha ambiente Negósiu ne’ebé maka nakloke ba Mundu no nasaun seluk mós bele akompana investimentu iha ita nia Nasaun ne’e,” Hateten Nino Pereira.
Nino Pereira informa tan, hahu’u prosesu ne’e servisu hamutuk ho Banku Mundial ho Parseiru desenvolvimentu sira ne’ebé fo’o asisténsia tékniku iha ninia preparasaun ne’e iha mós prosesu lobuk ida ne’ebé liu ona hanesan iha peskiza no diskusaun lobuk ida ne’ebé halo konsultasaun ho parseiru sira liu-liu ba setor privadu sira atu nune’e ita mós bele absorve hanoin hodi bele garante ninia Manutensaun no sustentabilidade ba Ministériu komérsiu Indústria ne’ebé ita prepara ona rekursu umanu husi parte IT ninian no oinsa maka sira iha koinesementu ba Lei no prosedinentu ne’ebé mak bele hakerek informasaun lolo’os no Ministériu komérsiu Indústria iha ninia departamentu Média no IT rasik sei hare’e besik liu tan atu nune’e ita nia servisu hamutuk ho Banku Mundial wainhira termina ona ita mós sei kontinua halo servisu ida ne’e, Nia informa.
Iha sorin seluk Lideransa global Banku Mundial, Bill Gain informa mós ba Jornalista sira relasiona ho lansamentu informasun portál hodi ajuda exportador no importador kona-ba prosesu tomak iha Timor-Leste.
“Lansamentu ida ohin ne’e importante teb-tebes ba informasun komersial, portál ida ne’ebé krítikamente hodi ajuda ita nia exportador no importador sira atu bele komprende kona-ba prosesu prosedinentu no regulasaun hotu ne’ebé relativa ho rejime komérsiu iha Timor-Leste no nia fasilita liu-liu ba exportasaun no importasaun ne’ebé di’ak liu tan no nia mós koresponde mós katak oinsá Governu Timor-Leste hatu’ur kumprimentu ba regulamentu sira ne’ebé mai husi Dábliukio hodi ita espera ba Asean tanba iha ÁSEAN presiza mós rekerimentu balun ne’ebé Timor-Leste halo, ezemplu hanesan pri-depozitóriu ne’ebé ita bolu naran pozitóriu ne’ebé hanesan mós portál inportánsia komersiál nian.
Enkuantu liu husi portál ne’e sei fó benefísiu barak ba setor privadu sira tanba portál ne’e mak bele fó informasun hotu ne’ebé di’ak ba ita nia setor privadu sira iha Timor-Leste,” hakotu Nia.
Jornalista : Adelina Fátima
Editór : Luhamutu
