Díli, 12 Abril 2024 (RCC) – Market Development Facility hamutuk ho Asosiasaun Kafé Timor hala’o eventu diseminasaun relatóriu impaktu ba setor Kafé Timor-Leste hodi tau importánsia ba mudansa klimátika ne’ebé afeita ba iha kresimentu Ekonómiku.
Iha diskursu, primeiru sekretáriu desenvolvimentu rural, Thomas Wooden hateten, mudansa klimátika sai hanesan setor ida ne’ebé importante teb-tebes ba Timor-Leste nia kresimentu ekonómiku hodi halo exportasaun ba setor Kafé.
“Hau jere programa ne’e ho diak iha asuntu mudansa klimátika tanba ita hotu hatene katak sai hanesan setor ida ne’ebé importante teb-tebes ba Timor-Leste nia kresimentu ekonomia no Governu nia objetivu sira husi diversifikasaun ekonomia, Kafé hanesan Timor leste nia exportasaun agrikultur bo’ot liu, ne’ebé hatama osan mais ou menus miliaun 20 kada semana no kontribui ba uma kain % 35 nia Moris, iha tinan 30 kotuk iha mundu kuaze ema konsumu Kafé dupla, no ema sempre konsumu Kafé kopu miliaun 3 kada loron. Iha tinan 2022, ema barak hakarak hemu Kafé maibé fahe la to’o, ida ne’e hatudu katak komanda ba Kafé kontinua sa’e, Mudansa klimátika iha Timor-Leste, liu-liu ba setor Kafé katak temperatura ba Kafé kontinua sa’e ka aumenta manas, no laiha udan be’en atu rega ba, ida ne’e afeita tebes ba produsaun Kafé no kria tan dezafiu atu atinje merkadu nia demanda ba Kafé ne’ebé kontinua sa’e. Timor-Leste nia variedade Kafé iha agro-floresta sei iha vantajen ba kompetisaun merkadu globál ne’ebé kontinua muda maibé Timor-Leste nia kafé sei vulnerável tebes ba mudansa klimátika, Austrália nia programa marka iha imi nia sorin, no ami nia programa iha konsultasaun no governu Timor-Leste hala’o evaluasaun potensiál ba impaktu husi mudansa klimátika Indústria ba populasaun Timor-Leste nia kafé no fornese mós rekomendasaun sira atu adapta ba mudansa klimátika ne’ebé kontinua muda atu fo’o serteza ba sustentabilidade husi indústria importante ida ne’e, evaluasaun ne’e hatudu ona temperatura ne’ebé sa’e, udan ne’ebé menus bei-beik ka udan bo’ot bele fo’o impaktu ba produsaun Kafé no rai ne’ebé di’ak temperatura Kafé kontinua menus no ular sira komesa estraga Kafé tanba ne’e kontribui mós ba hamenus produsaun kualidade no iha difikuldade iha jestaun pós-koileta Kafé. Projeksaun hirak ne’e sériu katak sei fo’o impaktu ba Timor-Leste nia Ekonomia liu-liu ba sira ne’ebé nia moris depende ba Kafé, maske hare’e ba situasaun mudansa klimátika iha futuru iha dezafiu barak ho kolaborasaun ne’ebé di’ak ba indústria bele akapta ba kondisaun klimátika ne’ebé kontinua muda, Governu Austrália nia programa investe barak no kleur ona iha Timor-Leste nia setor kafé hodi koko atu sai produtividade no kualidade iha Merkadu hodi envia servisu iha setor privadu no ajuda kompania sira atu prodúz modelu intensívu ne’ebé fo’o benefísiu ba agrikultór no servisu na’in sira, envia mós servisu ho governu Timor-Leste atu promove prátika agrikola sira”, Nia informa.
Iha sorin seluk prezidente Assosiasaun Kafé Timor Informa tan, liu husi atividade ida ne’e atu koalia kona-ba mudansa klimátika ne’ebé maka afeita ba ita nia Rai liu-liu ba setores Kafé.
“Atividade ida ohin ita koalia kona-ba mudansa klimátika ne’ebé dau-daun ne’e afeita iha ita nia Raí, liu-liu ba setores Kafé tanba ne’e maka liu husi governu Austrália no ami nia Parseiru MDF ne’ebé maka konvida espertu sira mai hodi esplika mudansa klimátika ne’ebé hahu’u husi Austrália ne’ebé maka afeita mai ita nia Rai, liu-liu ba ita nia to’os na’in ho Indústria Kafé tomak iha Mundo ne’e, antes iha mudansa klimátika ne’e ita nia Kafé ne’ebé iha Timor ne’e iha variedade rua; Robusta ho Arábika no Robusta ne’e bele kuda husi 800 metru Mai karaik no 800 metru ba leten ne’e bele kuda Arábika, depois mudansa klimátika ita nia Kafé Arábika ne’e bele kuda to’o metru rihun-Ida atus-rua ba leten tanba ne’e Arábika ne’e bele kuda Mil metru mai karaik, ida ne’e maka hanesan mudansa ida ne’ebé bo’ot teb-tebes hodi afeita ba ita nia to’os na’in sira no Indústria sira, tanba ne’e maka ho mudansa klimátika hanesan asosiasaun Kafé Timor hakarak rekomenda ba entidade hot-hotu, institutu ka Universidade sira no Governu liu husi Ministériu Agrikultura atu foka liu-liu ba mudansa klimátika ne’e, atu nune’e bele preveve hodi fo’o moris ba to’os na’in sira tanba 30% populasaun iha Timor-Leste ne’e depende ba Kafé, selae tinan 30 mai tan afeita bo’ot liu ba to’os na’in sira ne’ebé maka sei depende ba Kafé”, Nia informa.
Enkuantu Kauza husi mudansa klimátika mós influénsia husi ema nia hahalok tanba tesi ai arbiru, ho nune’e maka hanesan asosiasaun Kafé Timor atu ko’alia ba produtores sira iha Território tomak hodi prevene no tenke kuidadu sira nia Kafé rasik atu kuda Ai barak liu tan tanba mudansa klimátika ne’e akontese ona, entaun oinsa mak ita bele tau ita nia responsabilidade komesa husi to’os na’in tanba iha Timor ne’e ita hotu tenke tau responsabilidade hotu atu nune’e bele fó benefísiu ka iha mundansa klimátika ne’e ho di’ak, Hatoku Nia.
Jornalista : Adelina Fátima
Editór : Luhamutu
