DILI, 12 Abril 2024 (RCC)- Dania Ho Basilio sira nia moris depende de’it ba fa’an OB iha dalan ninin hodi sustenta sira nia nesesidade familia no selu eskola.
Iha entervista Dania Babo de Amaral hateten kondisaun ekonomia la permite nia deside fa’an OB hodi selu eskola no sustenta nesesidede loro-loron nian.
“Ha’u fa’an OB ne’e hare’e ba kondisaun ekonomia mak la permite ne’e mak hodi mai fa’an OB iha kampu baru. Iha 2019 mak ha’u mai fa’an OB iha fatin refere, kada loron ne’e tergantung fali kadan iha ema barak bele hetan lukro di’ak to’o iha loron mai ladiak mak hanesan ami bele hetan osan inan fila no bele manan iha to’o iha to’o loron mai ladi’ak karik ami ladun hetan ida, la di’ak ne’e iha ezemplu hansa ami foti ropa bal tomak kadan ladi’ak ne’e dala ruma ami hetan osan inan la fila, dala ruma ami hetan 50 too 40 de’it se kuandu hetan loron diak ami bele hetan osan inan fila ou ami bele manan kedan, orsamentu ne’ebé ami hetan ne’e mai iha ami nia presiza loro-loron nian no fasilidade uman laran nian no aumezmu tempu ajuda selu eskola, agredese tamba fatin ne’e bele sustenta ami, maski ne’e kikuan maibe bele sustenta ami nia nesesidade loro-loron ,” hateten Dania
Iha sorin seluk Basilio Manuel de Deus hateten, lakoi tane liman bebeik ba inan aman tamba ne’e nia fa’an OB hodi selu rasik nia eskola.
“Di’ak Ha’u mai fa’an OB iha ne’e tamba ha’u estudante no ha’u fa’an OB atu ajuda ha’u atu selu ha’u nia eskola, labele husu liu ba ha’u nia inan aman. Ha’u fa’an OB hahu loke iha ne’e iha bundaran loke primeiru ami mak fa’an kedan iha ne’e, di’ak hansa osan depende ba ema hola, kuandu ema mai barak entaun hetan tuir bu’at ne’ebé ema barak, hanesan osan karik loron ida ema hola ami bele hetan to’o 10 dolar ou 20 dolar se ema laiha entaun ami hetan mak to’o 6 dolar sira ne’e. atu selu eskola osan ne’ebe ami hetan ne’e mak atu selu eskola, bemo, no balu atu ajuda sustenta ba familia sira, hanesan hela iha dili ne’e hatene deit , Fatin ne’ebé ami fa’an ne’e fatin ne’ebé hakmatek, tamba iha ne’e laiha hadau malu, laiha problema ne’ebé ami senti fatin ne’ebé diak. Dala barak walikota mai duni ami iha ne’e tamba ami balun ne’ebé la kumpri regras tamba balun hanesan tuir lolos ne’e tuku 5 mak foin fa’an, maibe dala barak kolega balun mai fa’an tuku 4 hansane mai fa’an ona ne’e mak walikota sira duni”, afirma Basilio.
Jornalista : Estajiada Franciana dos Santos
Editor : luhamutu
