25.7 C
Dili
Thursday, 20 June 2024
spot_img

Preparasaun  Festival  Rabilau  Governu Tau Hanesan Promosaun Turismu Iha Timor Leste

Dili, 12 Abril 2024 (RCC)_ Preparasaun ba festival tradisional Rabilau ne’ebe sei realiza iha loron 27 fulan Setembru tinan ne’e governu tau hanesan  promosaun ba  turizmu iha Timor Leste.

Iha intervista ho Vice Primeiru Ministru no Ministru Kordenador Asuntu Dezenvolvimentu  Rural, Mariano Asanami Sabino hafoin remata enkotru ho Prezidente Republika  iha Palacio Prezidensial Bairo Pite Dili, informa ba jornalista sira katak atividade sira ne’ebe hala’o iha  Rabilau konsentradu ho kultura no mos atividades oin-oin mak sei halo iha ne’eba tamba  ne’e mak governu tau hanesan preparasaun ba promosaun turismu iha Timor – Leste  katak Asanami.

Asanami hateten, Preparasaun ba festival ne’e ita tau ba promosaun turismu iha Timor-Leste ne’ebé ita nia atividade konsentradu sei hala’o iha Rabilau mak hanesan atividade kultura,  atividade artistiku no mós  atividade oin-oin ne’ebé mak sei loke iha Rabilau. Nune’e mos iha atividade desportu ne’ebé sei halo iha Dili no sei konvida mós Premiadu Nobel da Paz sira atu mai ko’alia no iha atividade siénsia teknolójia inklui mós atividade talentu sira seluk ne’ebé aprejenta ona ba Xefe Estadu”, dehan Asanami.

Nia hatutan,  data fiksu ba realizasaun festival Rabilau tuir lolos governu hanoin atu realiza iha fulan Agostu tinan ne’e  maibe kondisaun klima, tanba  ne’e mak autoridade lokal sira husi Postu Administrativu Maubisse  sujere ba governu katak  sei realiza iha loron 27 fulan Setembru tinan ne’e, katak Asanami.

Enkuantu husi festival Rabilau no atividade tomak ba promosaun turizmu Timor- Leste   ne’e hetan apoiu orsamentu husi Prezidensial Repúblika  rasik tamba festival Rabilau ne’e  sei hetan  vizita  husi  auto entidade sira seluk  no mos  vizita husi  liurai Brunei Darusalam tamba  ne’e mak Prezidensial Republika tau  orsamentu ba festival ne’e  hamutuk montante millaun $ 1.5” hakotu Nia.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.