26.9 C
Dili
Friday, 14 June 2024
spot_img

       Semana Ne’e Apc Regista Uma Kain 36 Mak Hetan Dezastre Iha Territoriu Laran

Dili, 16 Abril 2024 (RCC) Autoridade protesaun civil semana ne’e rejistu uma-kain hamutuk 36 ne’ebé hetan dezastre naturais sira iha territoriu timor-leste inklui RAEOA.

Iha komunikandu ne’e Xefe Seksaun Relasaun Externa Autoridade Protesaun Civil Nelson Nunes de Orleans hateten durante semana ida ne’e iha rejiaun timor-leste normalmente akontese ho tipu dezastre ha’at  mak hanesan, anin sobu uma, ahi han uma, rai halai, no be’e sa’e afeta ba munisipiu hitu inklui RAEOA, iha munisipiu hitu ne’e autoridade protesaun civil rejistu ba xefi familia hamutuk tolu nulu resin ne’en (36).

‘kada semana ita sei hato’o relatoriu, dezastre naturais sira iha territoriu laran tomak, hahu husi loron ualu(8) to’o loron sanulu rein lima (15) fulan abril tinan 2024 durante semana ida ne’e iha rejiaun timor-leste, normalmente akontese ho tipu dezastre ha’at  mak hanesan, anin sobu uma, ahi han, uma, rai halai, no be’e sa’e afeta ba munisipiu hitu inklui RAEOA, iha munisipiu hitu ne’e autoridade protesaun civil rejistu ba xefi familia hamutuk tolu nulu resin ne’en (36), mak hetan afeta ba tipu dezastre refere hanesan munisipiu Baucau ahi han uma ida, Bobonaro anin sobu uma ida, ahi han uma ida, rai halai afeta ba uma ida, Ermera anin sobu uma lima (5) be’e sa’e uma rua (2) ahi han uma ida, likisa anin sobu uma ida, ahi han uma ida, (1)Manatuto be’e sa’e uma sanulu (10) Manufahi be’e sa’e uma rua (2) no RAEOA anin sobu uma ida (1) no ahi han uma ida munisipiu Viqueque anin sobu uma ida, (1), hakarak hateten mos kona-ba vitima sira ne’ebé afeta ba dezastre naturais ne’e autoridade protesaun civil no parseiru relevante sira  iha munisipiu sira halo kedas atuasaun ba vitima sira no fo ajuda ezistensia humanitaria hanesan ai-han sira no mos sasan ne’ebé la’os ai-han ba vitima sira durante sira hetan dezastre refere.’’dehan Orleans iha sala konferensia autoridade protesaun civil Caicoli, Dili.

nia akresenta tan no oras ne’e dadaun Autoridade Protesaun Civil halo hela levantamentu ba dadus  kona-ba dezastre ne’ebé estragus uma sira  atu nune’e bele verifika no fahe ba tipu tolu hanesan at naton, at Kaman, no at total.

Iha momentu ida ne’e autoridade protesaun civil halo hela verifikasaun ba dadus sira, hodi haree no rekolla katak vitima sira nia uma ne’e estragus ba iha tipu ida ne’ebé hanesan a’at naton, a’at Kaman, a’at total, atu nune’e ami bele hatene hodi halo rekoperasaun ba sira nia uma idak-idak nian, no hakarak dehan katak iha munisipiu hotu hato’o  mai ami sentral katak durante ne’e sasan sira hanesan ai-han no la’os ai-han iha armajen munisipiu sira ne’e sei sufisiente hela, ne’e duni sei to’o hela ba atu sustenta ba dezastre naturais sira, autoridade protesaun sivil mos iha komandante munisipiu lidera husi PNTL ne’ebé servisu hamutuk ho autoridade local sira, tan ne’e bainhira hetan dezastre, sira la servisu mesak sempre servisu hamutuk ho autiridade lokal sira atu nune’e bele hetan dadus sira ho diak liu, entaun ho ida ne’e, autoridade protesaun civil la’os servisu mesak maibe husi crus vermelha timor leste mos ajuda ida ne’e no ajensia internasional sira atu nune’e bele halo Kaman ba servisu sira.’’ hakotu nia   

Hahu husi janeiru to’o fulan abril ohin loron total xefe familia sira ne’ebé hetan dezastre  hamutuk 1000 ne’e duni agora dadaun autoridade protesaun civil sei hare’e ba vitima sira ne’ebé iha tinan kotuk, tamba tinan kotuk seidauk bele rezolve sira nia rekuperasaun entaun  lalika hakat mai tinan ida ne’e, signifika tinan ida ne’e,  sei ajuda de’it ba asistensia emerjensia ba ai han sira no la’os ai han hodi bele aguenta, kona-ba sira nia uma ne’e sei halo verifikasaun dadus no sei hatama ba sistema depois fahe ba tipu tolu ne’ebé iha, hafoin ida ne’e mak foin publika ba iha administrador postu atu sira bele hatene katak sira monu iha tipu ida ne’ebé, maibe antes dadus ne’e tama mai, ekipa ida halo ona verifikasaun kona-ba dezastre ne’e, tebes ka lae, tamba ita aloka orsamentu ne’e estadu nian, ne’e duni ita haree katak los no justu vitima hetan duni dezastre refere.

Jornalista: Sergio Borges

Editor: Luhamutu      

Related Articles

- Advertisement -spot_img

Latest Articles

ARKIVU.
RCC.