Dili 17 abril 2024 (rcc)-kandidatura xefe suku Madohi Dedi da costa hateten bainhira hetan fi’ar husi komunidade hodi lidera suku Madohi durante tinan liman, promete sei hadia kondisaun ho di’ak no halo atendimentu di’ak no dignu ba komunidade sira
iha diskusaun kandidatura xefe suku Madohi Dedi da costa hateten katak nia kandidatu a’an ba xefe suku la’ós atu ukun maibe atu servi.
“Ha’u la bele sees husi ha’u nia moto, ha’u nia moto maka hanesan “ha’u mai la’os atu ukun, maibe ha’u mai atu servi”tenki hatene klean ida ne’e, servi no ukun ita halo diferensia, tambá ita mai ukun la ho fuan, maibé, mai servi mai ho fuan, tambá ida ne’e ha’u nia moto ha’u sempre hateten dehan katak, ha’u mai la’os atu ukun, maibé ha’u mai atu servi, servi ne’e oinsa, servi ne’e atendimentu ba ema hotu, ita la haree ba aspetu oioin, atendimentu ne’e ita halo transforma ba iha komunidade atu bele hetan atendimentu ne’ebé ho dignu”
Nia salienta tan katak bainhira hetan fiar maximu husi komunidade Madohi nia sei hametin fraternidade unidade iha suku.
“Hanesan joven, ha’u kria kondisaun iha ha’u nia bairu laran, ha’u nia esperensia durante ne’e, ha’u hanesan joventude ida, joven ida ne’ebé mak durante hanesan be’e ho mina, ne’ebé ha’u koko buka meus ida para tau hamutuk sai ema ida de’it, ezemplu ki’ik ida, ita hotu hare’e, joven iha suku madohi ida ne’e hanesan dala barak ema hateten dehan iha suku madohi ne’e, joven ida parte madohi ne’e hotu-hotu maromak maka hatene, katak komflitu ne’ebé ke a’as teb-tebes, ne’ebé ha’u tenki kria kondisaun, kondisaun ida oinsa, mak ita hametin ita nia fartinidade, unidade iha terenu, ita tenki kria kondisoes di’ak ba sira liu husi saida, liu husi deportu, tantu buat sira seluk, la ho dignu, kuandu ita infrenta problema kona-ba rai, ita tenki observa didiak lai, wainhira ita hasai ita nia komunidade ,ita tenki kria kondisaun ne’ebé mak di’ak, primeiru ita tenki kria uluk kondisaun di’ak ida, agora daudaun suku madohi infrenta, tamba suku madohi komunidade balun hela besik iha mota, balu hela besik iha Aeroportu, ne’ebé mak iha ona hanoin atu halo rehablitasaun ba aeroporto, husu ita nia governu kria uluk kondisaun di’ak komunidade ba sira”, Hateten nia.
Kandidatura ne’e husu ba komunidade sira iha aldeia ualu iha loron 27 fulan abril tenki fihir didi’ak kandidatu ida ne’ebé mak di’ak hodi lidera suku Madohi hodi hametin fraternidade no dame iha suku, tamba mai kompete la’os atu buka manan.
“Kuandu ita ko’alia saida maka ha’u halo uluk, ha’u hakarak lori joven sira iha ha’u nia mandatu atu hamrik hodi halakon ema nia hanoin sira ne’ebe mak hateten, ba iha suku madohi, konflitu a’as teb-tebes, ha’u konvida maluk joven sira mai ita hamutuk hodi halakon ema nia hanoin no hare’e durante iha suku madohi infrenta ne’e bele iha mudansa no mós oinsa maka ita nia maluk no ema se’es no do’ok la dun besik ita, ita hakbesik a’an hodi hato’o informasaun ba sira liu-liu ba ha’u nia maluk joven sira, tempu to’o ona mai para ita hamutuk i ita halobu’at ruma ba ita nia komunidade sira, la bele hare’e parte ida sorin no parte ida sorin, mais hanesan joven hotu iha suku ida, oinsa mak ita atu fó kontribui pas no estabilidade liuliu, iha ida-idak ninia aldeia no suku, i ha’u hakarak joven ida ne’ebé talentu, joven ida ne’ebé mos produtivu no mós hanesan ema seluk nia lian karik, ita dehan saida mak ha’u halo ba nasaun, saida mak ha’u fo ba nasaun, ida ne’ebé mak hanesan joventude di’ak, produtivu, atu kontribui nafatin ho misaun ne’ebé mak estadu hari’i ona”, informa dedi
Mensagem ikus husi kandidatu husu ba komunidade suku madohi katak iha loron 27 fulan abril tinan ida ne’e hotu- hotu tenke partisipa festa demokrasia iha suku refere.
“Ha’u nia maluk rona na’in iha teritóriu timor laran tomak, liu-liu ba ha’u nia suku Madohi iha aldeia ualu, ne’eba, ha’u hakarak konvida de’it rona na’in sira, atu nune’e bele hare’e ami nia kandidatura ne’ebé ke ami na’in sia i ami na’in sia ne’e, ha’u nia mensajen labele bo’ot liu, ami mai i ami na’in sia ne’e halo kompetisaun la’os mai atu buka manan, maibé ami kompetisaun hanesan sidadaun timoroan ida ne’ebé origen, tamba ida ne’e ha’u nia mensajen ba ha’u nia maluk joven sira mai ita hotu, partisipa festa demokrasia ne’ebé mak hari’i ona iha ita nia nasaun, ita tenke hametin ita nia unidade no fraternidade iha ita nia suku rasik, hanesan joven mai ita hari’i pas no estabilidade.” hakotu Dedi
Jornalista : Anita vaz
Editor : Luhamutu
