27.3 C
Dili
Friday, 14 June 2024
spot_img

La Iha Konsiénsia So’e Fo’er Fó Impaktu Ba Saúde

DILI, 18 ABRIL 2024 (RCC)-Komunidade sira suku bebonuk hasoru problema kona-ba  baleta ne’ebé nakonu ho fo’er tamba komunidade sira mak laiha konsiensia hodi so’e fo’er

Iha entervista, Domingos Alves da Silva hateten, baleta fo’er fo impaktu ba komunidade sira nia saúde bainhira horon baleta nia iis, tuir lolos ita rasik mak hamo’os baleta maibé iha realidade komunidade la iha konsiénisa so’e fo’er.

“ami nia baleta ne’e nakonu ho fo’er, tamba komunidade sira mak laiha konsiensia hodi so’e fo’er arbiru, ita ida-idak mak tenki iha konsiensia hodi hamos baleta ne’ebé nakonu ho fo’er iha ita nia uma oin, lalika bolu ema bara-barak mak foin mai hamo’os, maibe, ita mak tenke hamo’os, maibe realidade komunidade sira lakoi hamo’os  tan ida ne’e mak aumenta fo’er nakonu iha baleta ,no fo  impaktu  duni mai ami komunidade sira iha suku refere, I fó moras mai ami bo’ot no labarik sira”.Dehan Domingos iha nia uma bebonuk Dili

Domingos hanesan komuidade husu ba autoriedade lokál atu mobiliza komunidade sira hodi hamo’os baleta, no mós husu ita ida-idak tenki hamo’os uma oin.

 “Tan ne’e ita tenke avizu ba malu atu komunidade sira iha uma, tu’un hotu hodi hamo’os baleta ne’ebé nakonu ho fo’er atu baleta fo’er, atu nune’e  fo’er labele fo impaktu ba ita nia saude, iha ne’e ami atu hato’o problema ba xefi suku atu lidera komunidade sira tenke hamo’os ida idak nia uma oin no  tuir lolo’os ne’e, xefi suku mak tenke lidera komunidade sira, no xefi suku sira  hakerek estaka ida atu tau ba komunidade sira  nia  uma oin atu familia ida idak  tenke hamo’os nia uma oin, dadersan, loraik tenke ham’os nafatin baleta ne’ebé nakonu ho fo’er”. Tenik Nia

Hatan ba preokupasaun komunidade sira nian  xefe suku  Serafino Macedo informa katak komunidade sira mak lakoi hamo’os uma oin no baleta sira hodi hamosu be’e nalihun iha baleta hodi halo i’is, tamba ne’e tenki prevene  a’an husi moras dengue tenki halo limpeza ba baleta sira.

“Hanesan baleta fo’er agora kestaun ida ne’e, so’e fo’er ne’e mai husi ita, entaun ida ne’e maka komunidade hotu hotu tenki iha  konsiensia atu limpeza, hanoin katak ida ne’e so’e fo’er sei laiha baleta,atu nun’e  fo’er sira sei labele taka metin ba be’e dalan, maibe komuidade sira hakarak husu ba  governu, tau kesfor work ida 5 dolar, por dia ne’ebé mak programa 8 governu halo ona, maibé agora sei la iha nafatin, orsamentu, governu tenke tau osan hodi selu ema mak dasa iha sira nia uma oin, karik la limpeza otomatis baleta fo’er  buat hotu tenke be’e nalihun  ba sira, ita tenke hamo’os,  ita nia uma oin no ema ida-idak tenke hamo’os nia uma oin ida ne’e maka nu’udar  hanesan autoridade hato’o ba komunidade, hodi prevene nia a’an husi moras oi-oin, liu-liu iha tempu udan, baleta sira ne’e bele mos lori moras dengue  ba komunidade sira”. Dehan Xefe suku Bebonuk

Xefe suku ne’e husu ba komunidade sira tenki tau fo’er iha lixu fatin no so’e tuir oras no kumpri regras ne’ebé mak iha ona, tanba ita ema ida-idak hakarak moris iha hijene no saudavel.

 “komunidade sira hakarak moris saude di’ak, ita mak tenke prevene hamo’os uma oin be’e nalihun, so’e lixu iha nia fatin, so’e lixu ho Horas tuir horas ne’ebé mak iha, entaun lixu ne’ebé parte ekipa fortilha lixu hotu  ona,  labele ba so’e ona hein fali horas, 10 horas ou 12 horas kalan mak so’e, to’o tuku 6 ou tuku 7 dader mak saneamentu sira bele mai foti,, se ita kumpri regras ne’ebé mak iha ha’u hanoin ita sei moris ne’ebé mak saude ne’ebé mak di’ak, no ambiente ne’ebé mak mo’os, ha’u husu ba xefi aldeia sira, ida-idak, hato’o hela ba komunidade sira, la’os iha baleta de’it, maibe iha mota laran  mós  avizu nafatin, liu husi avizu, ita bele hato’o  mós husi media, no mos  hahalok ba ita ema ida-idak nian, se hakarak iha moris saude no hijene ne’ebé mak di’ak,  entaun ita mak prevene antes kedas, Nia Hakotu

Jornalista Estajiada : Franciana dos Santos

Editor                      : Luhamutu

Related Articles

- Advertisement -spot_img

Latest Articles

ARKIVU.
RCC.