25.7 C
Dili
Thursday, 20 June 2024
spot_img

Governu Hamutuk Ho  Igreja Katólika Kuda Ai-Kameli 25 Iha Katedral Dili

Dili, 19 Abríl 2024 (RCC)_ Governu liu husi sekretariadu Estadu Floresta servisu hamutuk ho Igreja Katólika halo lansamentu ba kuda ai-kameli oan hamutuk 25 iha Katedral Dili atu nune’e bele haburas liu tan ita nia rain.

Seremonia ba  lansamentu ida ne’e hili Katedral  sai nudar  fatin hodi halo abertura ba kuda ai – kameli  tamba Katedral hanesan  uma boot ba ita sarani Katólika, tan ne’e ita hamutuk hodi kuda ai-kameli  haleu Katedral atu nune’e bele hamatak liu tan ita nia rain liu-liu iha Timor Leste.

Haktuir Arche Bispo Arke- Dioseje Metropolitana Dili, Dom Virgilio Cardeal do  Carmo da Silva ho  Sekretariadu Estadu  Floresta,  Fernandinho Viera no mós Prezidente Autoridade Munisípiu Dili, Grigorio Saldanha ba jornalista sira liu husi deskursu  iha Jardim Katedral Dili, iha loron Sexta  (19/04/2024).

Arche Bispo Arke- Dioseje Metropolitana Dili, Dom Virgilio Cardeal do Carmo da Silva, liu husi  deskursu Nia hatudu apresiasaun ba esforsu tomak  ne’ebé  mak Governu halo liu husi Sekretariadu Estadu Floresta hala’o hodi kontinua hamatak Timor liu husi kuda ai oan ne’ebé ita halo.

“Primeiru hatudu ha’u nia apresiasaun boot ba esforsu ne’ebé Ministeriu sekretariadu estadu halo hodi kontinua haburas kuda ai oan hanesan ita hotu hatene katak ida ne’e nesesidade primaria ba ita nia rain no ha’u sempre dehan katak Timor ne’e se mak hakarak mai vizita Timor tenki udan no matak, maibé fulan rua tolu tan Timor ema mai hare ne’e maran ona husi rohan too rohan ne’e realidade ida ne’ebé ita Timor oan hetene. Maibé ida ne’e mós sai ita hotu nia esforsu atu ita hotu mak tenki sai autor ba iha transformasaun ida ne’e atu nune’e Timor ne’e matak tinan tomak tamba ne’e agradese teb-tebes ba esforsu Governu ministeriu ninian hodi kontinua hamatak Timor liu husi kuda ai oan ne’ebé ita halo, katak Arche Bispu.”

Nia hatutan, iha biban ne’e mós hakarak hato’o agradese tamba hili fatin Katedral oin hodi halo abertura ba lansamentu hodi kuda ai oan tamba Katedral sai hanesan uma boot ba ita sarani Katólika ninian tan  nune’e ita kuda ai -kameli hodi hamatak liu tan Katedral.

“Segundu agradese tamba hili los Katedral oin hodi halo lansamentu hodi kuda ai oan tamba Katedral hanesan ita hotu hatene katak hanesan uma boot ba ita hotu  nudar sarani ninian hodi hahú iha ne’e no hamatak liu tan Katedral hodi kuda ai Kameli haleu Katedral ida ne’e tamba ne’e hodi Arke -Dioseje ninia naran hakarak agradese ba iha ita boot sira nia esforsu mai hili Katedral mak sai abertura, dehan Arche Bispu.”

Iha fatin hanesan Sekretaria Estadu Floresta, Fernandinho Viera hateten, seremonia simples ida ne’ebé halo iha areadores Katedral Dili ho objetivu oinsá atu konserva ai Kameli ne’ebé mak sai hanesan entidade Timor Leste nian tamba ne’e hamutuk ho Governu no Instituisaun Igreja  Katólika atu nune’e bele konserva fila fali hodi  bele haburas ita nia rain.

“Hau hanoin seremonia simples ida mak ita halao iha areadores katedral Dili ho objetivu oinsa  atu bele konserva fila fali ita nia ai kameli neebe mak sai hanesan entidade de Timor leste nian tamba ne’e  hamutuk ho governu  no  parte instituisaun igreja nian  oinsa  atu konserva fila fali ita nia ai kameli ida nee hodi nunee bele haburas ita nian rain laos deit parte entidade,maibe, oinsa  ita bele hasae ita nia ekonomia iha nasaun liu husi ai kameli, tamba nee mak hanesan husi ministeriu agrikultura pekuaria peska no floresta hamutuk ho diresaun sekretariadu estadu no floresta, diresaun nasional floresta mai hili fatin ida nee, hodi bele kuda, katak Fernandinho Viera.”

Aliende ne’e mós Prezidente autoridade Munisípiu  Dili, Gregorio Saldanha afirma liu tan katak kuda ai oan ne’e la’ós tan Amu Papa vizita Timor Leste  mak kuda ai oan maibé uluk kedas kuda no seidauk organiza di’ak, tamba ne’e  husu ba ita hotu tenke esforsu an, atu nune’e kontinua kuda, tamba  povu Timor  maioria agrikultor tan ne’e  tenki kuda ai atu nune’e bele hare matak nafatin, katak Grigorio Saldanha.

“Kuda ai-oan  laos  tan Amu Papa mai maibe desde uluk kedas ita kuda maibé seidauk organiza diak no agora ita organiza diak liu kontinua la bele kuda ohin aban para fali, maibe ita esforsa tomak atu kontinua, tamba ita Timor nee kuda dor, ita povu agrikultor tenki kuda ai, kuda hahan. Tamba nee mak laos bainaka mai mak ita hadia ita nia uma, maibe uma nee hadia hela bainaka mai uma nee mos hela nia buras ai funan iha matak hanesan Amu Bispu dehan nee matak labele ohin matak loron mai maran tiha ona  maibe ita tenke esforsu atu  matak nafatin, hakotu  Grigorio Saldanha.”

Jornalista :ToniaNeto

Editor : luhamutu

Related Articles

- Advertisement -spot_img

Latest Articles

ARKIVU.
RCC.