Dili, 19 Abríl 2024 (RCC)_ IX Governu Konstitusionál liu husi Ministru Administrasaun Estatal (MAE) apoiu Igreja Katólika hodi halo lansamentu ba Sede Sekretaria vizita sua Santidade Papa Francisco ne’ebé sei mai vizita Timor Leste iha fulan Setembru tinan ne’e.
Iha seremonia lansamentu ne’e Ministru Administrasaun Estatal, Tomas do Rosario Cabral hateten, fatin ida nee sai secretariadu konjunta ba vizita Amo Papa nian, tamba ne’e hahú Segunda ba oin aktividades ne’ebe iha relasaun ho vizita Amo Papa nian hotu – hotu bele reuniaun iha fatin refere.
“Fatin ida nee sai secretariadu konjunta ba vizita Amo Papa nian, tamba nee mak Amo Cardeal no Anunsiatura iha ne’e no mos reprezentante ikus tamba atu kordena mos ho sira tan ne’e hahu segunda feira ba oin aktividades ne’ebe iha relasaun ho vizita Amo Papa nian, hotu – hotu reuniaun iha nee no mos kordena iha nee hodi hein vizita ida mai husi Vatikanu atu hare ita nia kondisoens lori kordenasaun ba servisu sira”, katak Tomas Cabral.”
Iha sorin seluk Arche Bispo Metro Politana Dili, Dom Virgilio Cardeal do Carmo da Silva, SDB, mós hato’o agradese ba Governu liu husi Ministru Administrasaun Estatal ne’ebé mak fihir fatin ne’e bele konsentra kordenasaun servisu ba preparasaun Vizita Amu Papa ninian maibé ekipa rua ne’ebe mai husi parte Dioseje no governu ne’ebé sempre halo koordenasaun ba malu hodi nune’e Sekretaria ne’e bele funsiona.
“Primeiru Agradese ba Governu liu husi Senhor Ministru ne’ebe fihir ona fatin ida nee iha ne’ebe bele konsentra koordenasaun servisu ba preparasaun ba iha Amu Papa ninian, hanesan ita hotu hatene katak ekipa rua nee husi parte Dioseje prepara ninian no Governu nee mos agora persija iha ne’ebe koordenasaun nee bele lao no seksaun sira monta hotu ona no agora iha nee hanesan ohin ami iha laran senhor ministru fo hatene ona katak seksoens sira bele mai ona hasoru malu iha nee atu sekretaria nee sei funsiona semana tomak entaun servisu komesa lao”, dehan Arche Bispu.
Enkuantu ne’e hakarak fo hatene ba iha departamentu seksons Igreja ninian ne’ebe monta mak ona atu sira mos hatene katak ida nee mak sede no servisu ne’ebe fahe tiha ona sira bele aproveita mai iha nee hodi halao koordenasaun ba malu liu-liu mos ba media sira ne’ebé hakarak atu asesu informasaun ruma kona ba vizita Papa ninian bele mai iha fatin ida ne’e, hakotu Arche Bispu.”
Jornalista : Tonia Neto
Editor : Luhamutu
