Dili, 25 Abril 2024 (RCC) _ Komunidade Aldeia Golgota Suco Comoro Postu Administrativu Dom-Aleixo Munisípiu Dili Sente Triste Tanba Ema Ne’ebé Toma Konta Ba Be’e Mo’os Loke Be’e La Tuir Orariu
Iha entrervista ho komunidade aldeia Golgota Honorio Martins hateten , durante ne’e sira asesu ba be’e mo’os la ho dignu tanba lideransa sira loke be’e la tuir orariu ne’ebé sira rasik kria ona, tanba ne’e fó impaktu ba komunidade sira.
“Durante ha’u hela iha ne’e dezafiu ne’ebé mak ami hasoru tuir ha’u nia hare’e hanesan be’e mo’os ne’ebé mak oferese husi lideransa sira mai ami iha bairo ida ne’e ladun dignu tanba dala-barak sira sempre halo failansu ba iha be’e mo’os ne’ebé mak sira halo ona orariu katak komunidade aldeia golgota asesu iha dader, maibé, dala-barak husi komunidade la asesu be’e mo’os ne’ebé mak eziste iha dader ho di’ak durante iha tinan 2022 to’o 2023 be’e mo’os ne’e ami uza ho dignu. maibé iha tinan 2024 sira ladun oferese ho dignu tanba dala-barak be’e mo’os ne’ebé sira oferese sempre paradu nune’e mós dala-ruma to’o loron ha’at ka lima no dala ruma mós to’o semana ida mak sira foin loke maibé sira loke la tuir orariu ne’ebé iha.” Haktuir Honorio Martins.
Hatan ba prekupasaun ne’e Xefe suku Comoro Elizio Jose da Silva Marcal hateten aldeia Golgota, komunidade barak mak iha be’e PAM iha mós be’e sañiu maibé sañiu ne’ebé mak sira uza dala ruma di’ak tanba uza listrik kompara be’e PAM ne’ebe mak komunidade uza tanba ne’e PAM ne’e la’ós ba komunidade aldeia Golgota de’it mak asesu maibé aldeia 30 Agostu mós asesu hotu tanba ne’e loke be’e tenke tuir orariu ne’ebé mak mensiona iha leten, hateten Xefe suku Comoro.
“Aldeia Golgota komunidade barak mak iha be’e PAM iha mos be’e saniu ne’ebe mak sira uza be’e saniu dalaruma diak tanba uza lestrik, agora be’e PAM ne’e laos ba aldeia Golgota deit mak hetan, maibe aldeia 30 Agostu mós uza be’e PAM tanba ne’e loke tuir orariu ida ne’ebe mak mensiona maibé pesoal ida ne’ebe mak loke be’e ne’e ha’u la hatene ne’e husi BTL sira nia programa sira tau ema iha ne’eba ema ne’e la hatene sira fo salariu ne’ebe diak ka ladiak tanba dala-ruma be’e nia loke sedu tia hanesan hau hateten dala-ruma tuku ha’at ka tuku lima deit be’e mai tiha ona no dala-ruma ema antrian tiha ona ba eskola ka atu ba servisu be’e laiha liu tiha mak be’e foin sai fali tanba ne’e ami enkontru iha munisipiu ami nia perguntas desidi ba sira iha BTL no sira hateten, ami nia osan mak hanesan ne’e atu tau ba ema ida ne’ebe mak mai no ami labele tau barak tanba ne’e ema ida deit mak tenki ba loke ka taka dader no lokraik,” hakotu Xefe suku Comoro.
Jornalista Estajiada : Romana Soares Salsinha
Editor :Luhamutu
