Dili 29 abril 2024 (RCC)-Autoriedade Protesaun Civil (APC) Halo Konferensia Hodi Atualiza Informasaun ba Publiku Relasiona ho Akontesimentu Iha Territoriu Laran Tomak Durante Semana Ida Hahu Loron 22 To’o 29 Fulan Abril Tinan Ne’e .
Xefe seksaun relasaun eskterior Nelson Nunes de Orleans hateten hahu husi loron 22 to’o 29 APC rejistu uma kain hamutuk 27 mak hetan dezastre naturais no mate ida
ʺDurante iha semana ida nia laran iha teritoriu laran tomak hahu iha loron 22 to’o 29 husi parte apc rejistu familia uma-kain hamutuk 27 mak hetan estragus no mate na’in ida liu-liu munisipiu sira hanesan tuir mai ne’e, Munisipiu Baucau anin sobu uma ida, Munisipiu Bobonaro anin sobu uma rua, Munisipiu Covalima anin sobu uma ida, Munisipiu Lautém ahi han uma ida, Munisipiu Manatutu anin sobu uma lima, Munisipiu Manufahi be’e sa’e uma hamutuk sanulu resin ha’at 14 Munisipiu Viqueque nian anin sobu uma tolu no mate ema nain ida.” Dehan Xefe Orleans iha Sala Komferesia APC.
Nia salienta tan katak husi Janeiru to’o iha fulan Abril husi APC halo ona rekuperasaun ba uma hamutuk atus tolu sia 309 ba xefe familia ba munisipiu ha’at hanesan Ainaro Manufahi Lautém no mos Ermera
“husi dezastre hirak ne’e APC halo ona levantamentu dadus depois entrega mai nasional hodi bele rekolla dadus sira ne’e no hare’e dadus hirak ne’e ida ne’ebe mak monu ba tipu tolu ne’ebe hanesan aat total, Kaman, no naton, ho ida ne’e mak sira sei hetan rekuperasaun ba sira nia uma idak-idak, no momentu ida ne’e APC halo kedas rekuperasaun ba iha vitima sira iha fatin ne’ebe seguru no ajuda kedas sasan emerjensia iten food ba sira durante sira hetan dezastre, hakarak hateten de’it husi janeiru to’o iha fulan abril husi APC halo ona rekuperasaun ba uma hamutuk atus tolu sia 309 ba xefe familia ba municipiu ha’at hanesan Ainaro Manufahi Lautém no mos Ermera.”nia hakotu
Jornalista: Sergio Borges
Editor: Luhamutu
