26.2 C
Dili
Thursday, 20 June 2024
spot_img

MENSAJEN PREZIDENTE RAMOS-HORTA BA LORON INTERNATIONÁL TRABALLADÓR 2024

Loron 1 fulan-maiu mak data signifikante ida bainhira ita fó onra no selebra kontribuisaun husi traballadór sira iha mundu tomak. Loron Internasionál Traballadór nian hanesan oportunidade ida ba traballadór sira iha nivel globál atu hamutuk iha solidariedade, ita halibur hamutuk hodi selebra ita-nia rezultadu servisu no rekoñese progresu ne’ebé ita halo hodi hadi’a kondisaun servisu nian.

Iha Loron Internasionál Traballadór nian, ita hateke ba oin ho orgullu ba progresu ne’ebé ita hetan ona ba traballadór sira iha Timor-Leste. Ami rekoñese esforsu boot husi traballadór hotu-hotu ne’ebé kontribui ba dezenvolvimentu ekonómiku no sosiál iha ita-nia nasaun joven ida ne’e.

Maibé, sei iha servisu atu halo. Ita tenki garante katak traballadór hotu-hotu iha empregu ne’ebé seguru, kondisaun digna no iha kapasidade atu sustenta sira-nia família ho adekuadu. Ita tenki kontinua  defende direitu traballadór sira-nian no asegura oportunidade ne’ebé hanesan ba hotu-hotu ka ema hotu.

Ohin loron, ita selebra serbisu maka’as, dedikasaun no sakrifísiu sira husi traballadór sira iha ita-nia nasaun. Ita-boot sira sai nu’udar kabas ba ekonomia no dezenvolvimentu Timor-Leste nian. Liu husi ita-nia servisu maka’as no esforsu loroloron nian, ita-nia nasaun sei la’o ba oin.

Unidu iha ita-nia esforsu sira, ita bele harii Timor-Leste ida-ne’ebé forte liu, prósperu liu, no ida-ne’ebé ekuitativu liu ba traballadór hotu-hotu no sira-nia família.

Ha’u desezu ba traballadór  sira hotu kontenteksolok ba selebrasaun Loron Traballadór nian, nakonu ho pás no ksolok, no hein katak tinan oin mai sei lori prosperidade no progresu barak liután mai ita.

J. RAMOS-HORTA

Prezidente Timor-Leste no Lauriadu Nobel ba Pás

Related Articles

- Advertisement -spot_img

Latest Articles

ARKIVU.
RCC.