Dili, 29 abril 2024 (RCC) sekretariu estadu komunikasaun social husu ba media sira ba tinan ne’e se bele halo kobertura foku ba area sosial ne’ebe povu enfrenta iha baze
iha entrevista ho sekretariu estadu komunikasaun sosial Expedito Loro Dias Ximenes hateten tuir nia observasaun durante ne’e media sira hala’o kna’ar tuir kodigu etika jornalismo maibe dala barak foku ba notisia seremonial
“iha loron 3 fulan maiu, ita komemora loron liberdade imprensa mundial ne’e duni ita nia komemorasaun ba tinan ida ne’e ita fokus ba oinsa bele hasa’e kualidade imformasaun tanba ita hotu hatene liberdade imprensa ita numeru 1 iha asia no numeru 10 iha mundu, ne’e duni agora ita buka oinsa ita nia indeks bele mantein no bele sa’e tan, ne’e duni iha tinan ida ne’e ita hein katak avaliasaun ita bele mantein iha numeru 10 iha mundu no bele sae tan, ida ne’e servisu makas ne’ebe media sira hala’o, kna’ar ne’e importante hanesan ita hotu koalia ita nia papel importante hanesan forma eduka, diverte,no halo kontrolu social, kna’ar ida ne’e tuir ha’u nia observasaun iha IX governu konstituisional media sira hala’o no respeita no hakruk duni ba kodigu etika jornalismu nian, tanba ne’e ita presija hadia buat balu liu-liu atu halakon tihsa duvida husi publiku kona-ba ita nia kualidade informasaun, dala barak ita seidauk halo balansu ba ita nia kobertura kona-ba notisia ne’ebe ita fo sai no dala barak ita ba de’it iha notisia seremonial se bele iha tinan ida ne’e ita buka barak liu tan ba notisia ida ne’ebe kona-ba problema social ne’ebe povu infrenta atu nune’e governu bele simu media informasaun sira ne’e atu governu bele hadia.
membru governu ne’e mos akresenta tan katak media sira presija iha aspetu tolu hodi hadia kualidade informasaun hanesan kapasidade intelektual, kapasidade professional, no kapasidade teniku.
ba media ka jornalista sira iha aspetu tolu mak ita presija hadia kualidade iha informasaun ida mak ita presija iha kapasidade intelektual signifika katak ita presija hala’o ka fo sai ita nia notisia tenke iha analiza ida kle’an no segundu mak ita tenke iha kapasidade profisional katak formasaun ne’ebe ita iha hanesan empreza media halo, governu halo, no sosiedade sivil sira halo ida ne’e atu fo ba ita katak ita tenke aumenta tan ita nia kapasidade profisional no bainhira ita kapasidade profisional mak notisia ne’ebe ita fo sai baze ba iha ita nia profisaun no ida tan kapasidade ba tekniku hanesan ita hotu hatene oras ne’e dadaun ita iha avansadu teknolojia ne’ebe lais tebes tanba ne’e mak ita tenke atualiza ita nia preparasaun bainhira ita halo ita nia notisia ita tenek hatene oinsa mak ita hetan notisia ne’e no teknika oinsa
iha sorin seluk direktor jeral sekretaria estadu igualidade armandu da costa hateten objetivu sekretariu estadu igualidade hala’o enkontu ho media sira atu servisu hamutuk relasiona ho publikasun ba igualidade no inkluzaun
“ohin loron Sekretariu estadu no igualidade hala’o enkontru ho media sira ho objetivu atu bele servisu hamutuk entre SEI ho media sira relasiona ho publikasaun iha media atu asegura katak iha publikasaun sira ne’e iha sensibilidade ba problema igualidade no inkluzaun tuir fali kona-ba servisu hamutuk sira seluk hanesan formasaun ka treinamentu sira ne’ebe iha no antes ne’e ita halo ona ba media balun, no hanoin hodi ita bele kontinua atividade formasaun sira ne’e hodi bele apoiu malu atu nune’e publikasaun sira bele diak liutan ikus liu mak karik espetativa husi maluk media sira mai iha Sekretariu estadu no igualidade no saida mak ami ekipa sira halo ba media sira hodi hasa’e kualidade sensibilidade jeneru nian.” Nia hakotu.
Jornalista: Sergio Borges
Editor : Luhamutu
