Dili, 30 Abril 2024 (RCC) – Governu Amérika Apoiu Governu Timor-Leste Hodi Hala’o Tratamentu Ba Compact- Be’e Saneamentu No Drenajen Ba Komunidade Sira Iha Tinan 2026, Atu Bele Halo Trartamentu Ba Fo’er No Sentina Ne’ebe Durante Ita Uza.
Iha entrevista sekretáriu estadu meiu ambiente, José Efek Smith hateten, relasiona ho atividade ida ohin ne’e atu koalia kona-ba programa kontinuasaun ba konsultasaun publiku, liu-liu ba ita nia autoridade no komunidade sira.
“Atividade ida ohin ne’e koalia kona-ba programa kontinuasaun ba konsultasaun publiku, liu-liu ba ita nia autoridade no komunidade sira komprende didi’ak kona-ba planu atu halo konstrusaun ba projetu water-id ho saneamentu no drenajen, tanba projetu ida ne’e aban- bainrua sei halo konstrusaun bele resolve buat balun, liu-liu hanesan fo’er sira ne’ebe mak durante ne’e ita la konsege trata, komunidade sira ne’ebé mak ita la konsege halo, entaun liu hosi projetu ida ne’e bele ajuda ona ita, ida ne’ebe maka durante ne’e ita husik de’it iha ita nia uma hun no iha fatin balu, espesialmente ba ita atu halo tratamentu hodi fase sentina sira ne’ebe maka durante ne’e ita uza, dalaruma ita la sadar,maibe, ne’e hahu’u halo intimidasaun tun ba iha rai-okos no kontamina fali ba be’e mo’os, wainhira ita fura fila fali bele fó impaktu ba ita nia saùde, entaun liu husi ne’e projeitu ida ne’e nia importánsia maka atu halo tratamentu ba fo’er sira ne’ebé hanesan berfurasaun be’e sira iha rai-okos no mós fó tratamentu sentina ba ita nia uma kain sira ne’ebé uza lor-loron” dehan José Efek Smith.
Aleinde ne’e, Sekretariu Estadu Meiu Ambiente, José Efek Smith informa tan, wainhira projeitu ne’e la’o, ekipa husi projeitu refere sei halo identifikasaun ba komunidade sira ne’ebé Rate besik iha uma oin.
“Ekipa husi projeitu sei halo identifikasaun ba levantamentu dadus atu nune’e sira bele hare’e, karik fatin ne’ebé besik rate ne’eba, sira sei halo mekanismu oinsá maka bele rezolve bu’at sira ne’e. Tamba ne’e sei iha prosesu levantamentu ba situasaun balu hanesan ohin ha’u temi,” hakotu nia.
Jornalista : Adelina Fátima
Editor : Luhamutu
