27.3 C
Dili
Friday, 14 June 2024
spot_img

Maria Ho Cancio  Brites Sente Triste Tamba La Marka  Prezensa Iha Loron Traballador

Dili, 01 Maio  2024 (RCC)_ Maria da Silva ho Cancio Brites nudar traballador ne’ebe servisu iha kompanha Xineza sente triste tamba sira la ba partisipa loron traballador sira nian ne’ebe komemora iha loron 1 fulan Maio nee.

Iha intervista ho traballadora Maria da Silva ne’ebe servisu iha loja Xineza  Ai-mutin Dili, informa ba jornalista RRC iha nia knaar fatin katak, nudar traballadora ne’ebe servisu hamutuk ho Xineza durante tinan 9 nia laran maibé nia sente triste oituan tamba loron 1 fulan Maio sai nudar loron importante ba sira nudar traballador nian maibé sira hakarak atu ba partisipa hotu loron importante ida ne’e maibé patraun la hatan sira ba tanba ne’e sira sente triste.

” Sente triste oituan tamba ami la ba partisipa no ami ba mos orsida ladiak no ami tenki ser mai servisu no ami hanesan la mai fali mos   tauk tamba patraun sira hasai tiha ami no ami hetan servisu husi ne’ebe tamba ne’e mak ami tauk mai nafatin.” Haktuir Maria da Silva.

Nia hatutan maske  servisu ho Xineza tinan 9 ona maibé salariu ne’ebe nia hetan sente la sufisiente tamba hetan deit  salario $ 115 dollares. Nune’e mos osan ne’ebe nia hetan hodi seluk ba oan sira nia eskola no mos sustanta nesesidade moris lor-loron nian.

Iha sorin seluk traballador Cancio Brites ne’ebe servisu  iha loja Xineza nian iha kampung Alor Dili, suku  Fatuhda, Aldeia  02 hateten,  nudar traballador ne’ebe serevisu ho Xineza hahu husi tinan 2017 to’o agora sente triste tamba   konvite ne’ebe sira  hetan husi sefope tuir lolos sira hotu ba partisipa loron traballador nia maibe patraun delega deit kolega nain rua mak ba partisipa no Sira seluk la ba tamba ne’e maka mai nafatin halao aktividade hanesan bain-bain maibé Sira sente katak Laos kontra lei traballador nian tamba kolega nain rua nafatin ba partisipa loron importante ida nee.

“Hanesan ami simu konvite no kolega nain rua ba tuir kona ba sefope nian ne’e no ami sira ne’ebe hela ne’e patraun loke  ami mai tamba servisu nudar  traballador loke ami mai. Maibé sente maluk nain  rua ba hela partisipa ne’ebe karik  sira nain rua la ba no nudar traballador ami loke deit  entaun ami kontra ami nia regra servisu nian. Maibe kolega  nain rua ba no ami nain  rua hela loke mos laos dehan loke tuku 8:00 maibé tuku 10:00 maka foin loke  ne’ebe to’o tuku 17:00 ne’e  ami taka ona, “dehan Cancio Brites.

Nune’e mos nia salienta tan katak salariu ne’ebe nia hetan kada fulan $ 115 dolares maibé  konta ho loron  Sabado ho  Domingo no mos Konta ho  loron boot hetan salariu  $ 195 dollares  tamba ne’e sente sufisiente, hakotu Cancio Brites.

Jornalista : Tonia Neto,  Romana Soares

Editor : Luhamutu

Related Articles

- Advertisement -spot_img

Latest Articles

ARKIVU.
RCC.