Dili 01 Maio 2024 (RCC) Traballador Chinesas Iha Loja Kampung Baru Sente Triste Tamba Iha Loron 1 Maio Hanesan Loron Traballador Sira Nian, Maibe Sira Kontinua Hala’o Atividade Hanesan Babain.
Iha entrevista ho traballadór Ricardo Soares hateten nia sente triste tamba loron ohin hanesan loron traballadór nian ema hotu feriadu maibe sira kontinua servisu hanesan loron babain.
“Relasiona ho loron ida ne’e ha’u sente triste ituan tamba loron ida ohin ema hotu feriadu maibe ami nafatin halo atividade, maibe ha’u hanesan servidór labele kontra fali orden patraun nian, tamba patraun mak haruka servisu, ha’u mos tenke kumpre, no ha’u hahu servisu iha ne’e tama iha fulan maio agora halo tinan ida, no salariu ne’ebé ha’u hetan ne’e estandar sefope 150 dolar, no loron bo’ot hanesan ne’e patraun selu ketak, loron ida 10 dolar, ha’u senti la sufisiente tamba, kapital dili ita kompara ne’e vida karun hotu, ne’ebé difisil atu rezolve ita nia familia, depois hela iha kost tan, ne’ebé osan ne’ebé simu la sufisiente ida, kona-ba avizu ba loron ohin nian ne’e patraun dehan mai ami, maibe ami membru sira labele feriadu hotu, maibe ami tama troka malu no ha’u atu rekomenda de’it ba parte relevante katak favor bo’ot ida bele tau atensaun ba parte hirak ne’e, tamba lei mak regula ita, karik ba maun bo’ot sira iha leten ne’eba la tau atensaun ona ami atu halo nusa. Dehan Ricardo iha nia servisu fatin kampung baru.
Iha sorin seluk traballadóra Anjelita Justina hateten kona-ba loron bo’ot ne’e sira hatene maibe sira mak hakarak kontinua servisu tamba patraun fo bonus ba sira durante loron feriadu ne’e 10 dolar.
ohin loron, loron ba traballadór nian, maibe ami traballadór iha loja hakarak tama servisu, ami mak ohin dader dehan ami nia patraun loke loja tamba ami hakarak hetan bonus, ami nia patraun ohin dader telefone fo ami dehan lalika tama servisu, maibe ami mak hakarak tama duni servisu la’os obrigasaun husi ami nia patraun ne’e lae, ne’e ami nia hakarak duni ba traballador, karik ohin ami tama ami nia patraun selu kedan, ami to’o lokraik 8 jam 10 dolar,no ha’u hahu servisu iha ne’e, iha loron 3 fulan ida ne’e, ba tinan ida ona, kona-ba salariu ba full time ami 175 dolar, salariu ba ha’u sente sufisiente no senti diak, karik ami hanesan patraun ne’e dalaruma haruka ami fa’an sasan ami hetan bonus, simu salariu to’o 185 dolar la’e 195 no dalaruma to’o 208 dolar karik ami tama full time fa’an sasan 1000 dolar entaun ami hetan bonus 2.50 centavo, Kona-ba ami nia servisu ne’e sente di’ak ba ami feto sira, tamba ami nia servisu ne’e ami haree ema de’it no ema laiha entaun ami tur hein deit, kona-ba ami nia patraun ne’e di’ak tebes. Hakotu Anjelita.
Jornalista: Sergio Borges, Franciana Dos Santos
Editor: Luhamutu
