Dili 1 Maio 2024 (RCC)- traballador nafatin hala’o servisu iha loron mundial traballador nian tamba patraun sira la fo feriadu ba sira
Iha intervisita Judith babo amaral hatente nia sente tiste tamaba loron bo’ot patraun sira la fo feriadu ba sira no naftin servisu hanesan bai-bain maibe la iha persen ba sira.
“ loron traballador nia la’os timor deit maibe iha mundu tomak atu fo tempu ba traballador sira atu feriadu ami hanesan traballador sente la satisfas ho loja nain xina sira, tamba biaxa iha loron bo’ot ne’e ami sempre ulun moras hela de’it, ami sente triste tamba sira la fo tempu ami atu feriadu nafatin tama servisu hanesan loron baibain, maibe hanesan loron bo’ot ne’e ami la hetan persen ami rasik mak buka persen hanesa loron ida ema hola ropa tahan ida ami hetan 0,25 no salario ne’ebé ami hetan kadafulan patraun selu ami $60 maibe ami rasik buka 0,25 maka hanesan ropa ema hola tahan ida ami hetan 0,25 ne’ebé se kuandu to’o fulan maka ami hetan 100 sira fo ami $ 160 maibe loron bo’o sira la fo ami hanesan persen la iha maibe ita hakarak buka moris ita pasiensia de’it no halo tuir saida mak sira haruka atu nune’e ita bele hetan osan, no salario ne’ebé ami hetan sente sufisiente, tamba ami nia salario maka 60 kadafulan maibe kona-ba persen ida 0’25 ne’e konforme ba konsumidor sira de’it bainhira loron bo’ot ema tama hola sasan baran ami hetan persen barak maibe hanesan loron baibain diak ida tun di’ak ida sa’e maibe ami sente sufisienta ona, tamba bele sustenta ami nia nesesidade uma laran, selu oan nia eskola, fo mós ba inan ama no selu mós ha’u nia eskola tamba ha’u nia kaben mós mate ona ne’ebé ha’u rasik mak buka osan.”
traballador ne’e mós husu ba sekretrio estadu formasaun professional empregu atu tau matan ba sira relasina ho loron bo’ot sira.
“Husu ba SEFOPE nafatin tau matan mai ami traballador sira ne’ebé servisu iha loja xina nia liu-liu hare ba iha loron bo’ot sira hanesan estadu nia no misaun nian patraun sira la fo ami feriadu no bainhira ami maka kontra sira la tamba sira ko’a ami nia osan $10dolar tamba ne’e husu ba parte relevante hare ne’etik ba ami nia prekupasaun sira ne’e.”
Iha sorin seluk traballadora liberate ximenes da crus informa loron ohin nia tama servisu tamba sira nia patraun mak telfone nia haruka nia tama servisu no fo perse ba nia mak nia deside hodi tama servisu iha loron ida ohin.
“Ohin laos loron tama servisu maibe ohin ne’e loron importante ba trabllador sira, entaun patraun dehan tama ha’u selu se la tama ha’u la selu ,entaun ha’u mos hanin ba ha’u nia moris entaun ha’u tama de’it atu ha’u uza ba selu bemo loron ohin ne’e ha’u hetan persen $10 dolar, ohin loron salariu la hanesan loron seluk , ohin loron boot sura loron boot salariu loron bailet la hanesan, ami kada fulan simu $175 dolar $5dolar ko’a ba social ami simu $170 dolar, loron ohin simu kedas maibe fulan to’o nafatin simu $175 dolar hein loja tinan rua ona osan ne’ebé simu uza ba moris lorloron nian maibe senti la dun sufisente entaun loron boot mos apriveita mai tama servisu nafatin, osan ne’e uza hodi sosa fos mina selu kos no uza ba sasan sira ne’ebé maka presiza Liamenon husu ba sefope atu aumenta netik ami nia salariu hodi ami uza ba nesesidade uma laran.”
Jornalista: Anita vaz, Agostinha Soares
Editor : Luhamutu
