27.3 C
Dili
Friday, 14 June 2024
spot_img

Inan Blandina Ho Kaben Martino Pinera Rai Henek Iha Mota Laran

Dili- 02 Maio 2024 (RCC) Inan Feton Blandina Tunis ho Idade 35 ho Nia Kaben Martino  Pinera Rai Henek Iha Mota Laran Atu Sustenta ba Moris Loro-loron No Selu Oan Sira Nia Eskola .

 Iha entervista inan feton Blandina Tunis hateten, nia hakarak pinera rai henek tanba nia oan mos  barak no balunn mos eskola entaun nia ho nia kaben pinera rai henek, atu hetan osan  hodi  sustenta ba moris lorlon no balunn selu ba eskola.

Ha’u pinera rai henek tanba  ha’u nia oan sira mos barak  no sira nain ha’at mos eskola hotu, SMA nain ida SMP nain ida SD nain rua, entaun ha’u tenki  ho hau nia kaben pinera rai henek hodi sustenta ba ami nia moris loro-loron, tanba ita  tur de’it mos la di’ak,  entaun ita buka osan, familia balun atu suporta netik ami mos la iha,  ami halo ami nia atividadede maka ida ne’e de’it  uluk kedas  to’o agora,  osan ne’ebe ami hetan, komforme kareta mai tula se kareta la mai tula, to’o semana mos  ita la hetan osan , osan ne’ebé maka ita hetan  tuir ita nia forca de’it, se ita nia forsa la to’o, ita pasensia de’it,  se karik  ema mai sosa rai henek nomor dua  ne’e nia folin $15 dolar, se nomor satu entaun folin  $20 dolar, osan ne’ebé maka ami hetan uza hodi sustenta ami nia moris loro-loron nian. no ami uza ba selu oan sira nia eskola, osan ne’ebé maka ami  hetan ne’e  uza ba nesesidade uma laran mos dalaruma la to’o, ami  hakarak husu nafatin ba parte governu, atu tau matan mai ami familia simples ida ne’e liuliu ami sira ne’ebé maka  hala’o ami nia atividade hanesan pinera rai henek iha mota laran ,” dehan  Blandina  iha nia rezidensia  moris foun.

Iha Sorin Seluk, Martino Mauno Nu’udar Kaben Husi Inan Blandina Mos Informa Tan Katak, Nia Foti Desizaun Pinera Rai Henek Tanba  Ema La Dun Haka’as  Nia , Servisu  Iha Konpaña Ne’e  Ema Manda  Nia Tun Sae De’it Ho Nune’e  Nia Hakarak Liu Tama Mota Laran Hodi Pinera Rai Henek.

“Ha’u foti desizaun  tama mota laran  hodi pinera rai henek tanba ema la dun hakas ita bainhira ita kolen ne’e  ita deskansa, ita dada hi’is tiha maka foin  ita kontinua pinera  fali,  ne’e maka ha’u deside a’an to’o mai  ohin loron, ha’u nia moris mak  iha mota laran de’it, la iha tan servisu seluk, ha’u iha familia balun iha dili laran ne’e iha,  maibe ida-idak  buka ninia moris , pinera rai henek ne’e la hanesan ho kompaña sira, tanba  kompaña sira ne’e  ita ba ita haka’as a’an servisu  ema manda tan ita  ba mai,  ne’e maka ami hili mota laran, hodi pinera rai henek ema la haka’as ita  no hases a’an husi problema oioin la hanesan kompaña, tanba ema manda ita la iha,  komforme tuir ita nia hakarak, bainhira ita kolen deskansa tuir ita nia hakarak no hadok a’an husi dezastre oioin, osan ne’ebeé hetan ne’e  depende husi kareta se kareta iha  loron ida hetan $15 dolar no $20 dolar se kareta la iha loron ida ita la hetan, kuandu mota tun mai  lori ne’e ita pasensia de’it , ha’u Pinera rai henek ne’e desde 2003, moris husi uluk to’o agora  maka pinera rai henek ne’e  de’it ,nia hakotu.      

 Jornalista Estajiada : Agostinha Soares Da Costa

 Editor:Luhamutu

Related Articles

- Advertisement -spot_img

Latest Articles

ARKIVU.
RCC.