Dili, 02 Maio 2024 (Rcc)- Beni Nia Moris Lakohi Tane Liman Ba Ema , Maibé Iha Rasik Inisiativa Hodi Loke Benkel Atu Sustenta Nesesidade familia nian
Iha Entervista Na’in Ba Benkel Beni Da Costa Hateten Nia Rasik Iha Inisiativa Hodi Loke Benkel no Hetan Moviasaun Husi Nia Inan, Aman no Nia Kaben Rasik
‘’Hau loke benkel durante tinan rua nia laran ona, hahu husi tinan 2022 to’o agora, hau loke benkel ne’e hetan motivasaun husi hau nia inan, aman no hau nia kaben rasik, sira mak motiva hau hodi ohin loron hau loke benkel ida ne’e, no traballadór nain tolu mak agora dadaun servisu hela iha ne’e. no nain rua mak permanente nai ida foin aprende servisu, fatin ida agora ami uza hodi loke benkel ne’e, ami sei aluga hela no fulan ida ami selu $.400 dolar. loron ida ami hetan depende de’it ba ema rame, se bainhira ema barak ami hetan to’o $.200 dolar, se bainhira ema ladun rame entaun ami hetan $.50 dolar de’it, kada fulan ida hau selu sira tuir prosentu de’it sira badinas bele hetan to’o $130. no balun ne’ebé mak foin aprende servisu, nia salario sira nia kada fulan ida bele hetan $80 dolar de’it, tamba sira foin mak aprende servisu, salario sira nian la permanente maibé tuir sira nia badinas de’it, se bainhira baruk servisu entaun fulan ida la bele hetan to’o $130 dolar, osan sira ami hetan ne’e balun uza hodi hola fali sasan sira ne’ebé ami presiza no balun uza ba nesesidade uma laran, hanoin ida loke benkel ne’e la’os atu buka riku, maibé, buka atu han hemu loro-loron nian de’et.” nia informa
Iha Sorin Seluk Traballadór João luis Bufon Hateten, nia rasik mak iha inisiativa atu servisu iha benkel belfi motor, tanba ita moris ne’e presisa osan hodi sustenta nesesidade loron no selu alin nia eskola.
“ la iha ema ida mak atu motiva hodi buka servisu, maibé, hau rasik iha inisiativa hakarak duni servisu, tanba ita moris ne’e tenki servisu para aban bairua hanoin halo buat ruma hodi Hanoin ba futuru oin mai, la bele hein de’it, ema balun fo motiva ita mak ita foin buka servisu ne’e labele. hau rasik mak hakarak servisu duni, hau hahu servisuu iha benkel belfi motor tinan 2022 to’o agora, kada fulan patraun selu ami depende ba motor iha entaun ami osan iha se ema la lori motor mai hadia entaun ami nia osan mo’os la iha, tanba servisu ne’e haree persen de’it, osan ne’ebé hau heten senti sufisente tanba bele ajuda selu alin nia eskola no balun hau uza. hakarak Rekomenda ba maluk joven sira, tempu ida agora ne’e ita tenki buka servisu la bele moe no baruk tamba ita nia moris depende ba ita nia a’an rasik, bainhira ita badinas ita hetan osan, se ita baruk ten no lakohi servisu mak ita sei la hetan osan. Nia hakotu
Jornalista estajiada : Augusto Tilman
Editor : Luhamutu
