26.9 C
Dili
Friday, 14 June 2024
spot_img

Eleisaun  Segundu Voltu Partisipantes Menus Iha Suku Manleuana

Dili, 13 Maio 2024 (RCC) Suku Manleuana Iha Eleisaun ba  Daruak  Nian kandidatu numeru sorteiu 2 informa Atu Sai Servidór Tenke Hakuak ba Ema Hotu Tamba Komunidade Iha Ne’ebé De’it Nu’udar Timor Nia Oan no Suku Manleuana Nia Ema

Iha entrevista ho kandidatu xefe suku manleuana ho numeru sorteiu rua Jacob Tilman Soares hateten ohin loron segunda feira loron ne’ebé laiha feriadu ne’e duni ema barak mak la mai vota tamba estadu la preparadu didiak loron feriadu atu ema mai tuir votasaun.

“Agradese ba loron ohin tamba eleisaun ohin ne’e atu prepara fali oinsa atu hili lideransa ida ne’ebé atu servi ba suku Manleuana iha tinan hitu nia laran, nune’e mos ita haree ba ohin loron ne’e segunda feira loron ne’ebé laiha feriadu ne’e duni ema barak mak la mai vota tamba estadu la preparadu didiak loron feriadu atu ema mai vota, no segundu ema barak la tuir votasaun tamba kartaun eleitoral seidauk muda, naran iha ona manleuana maibe eleitoral seidauk muda sei suku bairo-pite hela entaun sira labele mai vota iha ne’e,  atu sai servidór ba suku ida ne’e tenke hakuak ba ema hotu, komunidade iha ne’ebé de’it nia ne’e timor nia oan no suku manleuana nia ema ne’e duni ha’u nia hakarak atu hasai komflitu, pas no domin iha komunidade ne’e fila-fali ba idak-idak nia konsensia, hanesan sidadaun  atu servi ba nasaun ne’e hodi lori nasaun ne’e ba oin, kona-ba eleisaun ida ne’e nia rezultadu ha’u prontu atu simu tamba votus ne’e  mai husi komunidade tamba komunidade mak hili ne’e duni manan ka lakon ida ne’e normal, tamba ne’e hanesan jogu iha lakon no iha manan ne’e duni manan  ka lakon babain de’it.” nia informa iha sentru votasaun iha aldeia mane mesak,suku manleuana.  

Kandidatu ho numeru sorteiu rua ne’e mos husu ba komunidade liu-liu joventude sira iha suku manleuana atu labele halo problema bainhira rona rezultadu ba eleisaun ida ne’e  tamba manan ka lakon ne’e normal.

“Ha’u nia mensajem ba  komunidade tomak iha suku manleuana liu-liu   ba aldeia mane mesak husu ba joven sira atu bele unidade no rona didiak buat ruma mak akontese karik hanesan manan ka lakon ne’e labele halo problema, maibe ita nafatin lori ita nia suku ne’e ba oin ne’e duni se mak manan ka lakon ne’e normal labele halo buat oin-oin iha suku laran ne’e estraga fali ita nia suku.” Hakotu Jacob.

Iha sorin seluk komunidade Ateco Pires  husu ba kandidatu na’in rua ne’ebé kompete iha eleisaun ne’e karik ida manan atu atende komunidade sira labele haree ba kor no partidu politiku 

“Tuir hau nia haree no observasaun ba iha eleisaun ida ne’e la hanesan ho eleisaun ida liu ba ne’e tamba ohin loron ne’e ema barak mak la mai vota,  balun ba servisu balun ba eskola ne’ebé partisipante ladun maximu hanesan ida uluk ne’e, no hanesan komunidade hareee espera katak sira nian rua ida ne’e mak manan sai nu’udar xefe suku tenke atende tuir populasaun ninia hakarak hanesan ezemplu akontesimentu inundasaun no problema sosial sira seluk, entaun xefe suku no xefe aldeia tenke tau atensaun  uluk, tamba sira mak lideransa iha baze hafoin to’o ba iha nasional ne’e mak xefe suku nia servisu ida loloos,hanesan joventude no komunidade ida iha suku ida ne’e, haree katak kandidatu rua ne’e ida, mak populasaun suku manleuana hili sai lideransa, husu atu atende hotu ba iha nia populasaun sira la haree ba kor, no partidu, maibe tenke servisu ho laran hodi atende povu nia susar no terus husi baze atu nune’e bele lori ba iha nasional, ne’e duni xefe suku hanesan estadu nia ain liman ne’ebé servisu iha baze hodi hatene povu nia terus no susar”.

Jornalista:  Sergio Borges /Augustu Tilman

EDITOR:  Luhamutu.

Related Articles

- Advertisement -spot_img

Latest Articles

ARKIVU.
RCC.