26.9 C
Dili
Friday, 14 June 2024
spot_img

Traballadór Timor-Oan Na’in 82 Tempu Besik Sei Aranka ba Australia

Dili 13 Maio 2024 (Rcc)-Sekretariu Estadu Formasaun Porfisional Empregu (SEFOPE)-Liuhosi Diresaun Nasional Eksterior Emprengu (DNEE) Halo Seremonia Despedida No Assina Deklarasaun ho Familia Traballadór No Traballadór Timor-Oan Na’in 82 Hodi ba Servisu Iha Australia

Iha Diskursu Director Jeral Sefope Carlito Do Rosario Cabral, husu ba traballadór sira liuliu sira foun tenki aprende tuir sira tuan, no traballadór tuan sira atu labele influénsia traballadór foun sira atu sees husi Sistema ka regras no labele lori arte marsiais ba implementa iha ema nia rain.

“Lia menon  ba ita bo’ot sira liliu ida foun ne’e ita bo’ot sira tenki aprende ho sira tuan ne’e se ita bo’ot sira hamutuk iha kompaña ida, imi sira tuan labele influénsia fali sira foun hodi viola regra, tanba ita bo’ot sira tuan ne’e mak iha ona esperiensia, haree ona bu’at barak iha ne’eba no senti ona iha ne’eba, hodi influénsia sira foun  hodi halai sees husi Sistema, se bele ida ita labele komete bu’at sira hanesan ne’e, parabens ba imi tuan tanba hatudu hahalok ne’ebé mak di’ak ba ema kompaña hodi bolu   dala hitu ona, tanba ema estranjeiru sira la bolu ema arbiru, sira ne’ebé mak ba tiha ona maibé ema la bolu ne’e tanba la hatudu hahalok ne’ebé di’ak no la badinas, ita bo’ot sira ba iha ne’eba kumpri de’it regras ne’ebé mak iha no labele lori artemarsiais iha ne’eba ne’e labele, bainhira fila mai iha timor mak bele hatudu imi nia arte marsiais sira ne’e ita bo’ot sira nia direitu, maibé tenki tau iha fatin no tempu ne’ebé mak loos” Hateten Diretor Sefope iha Suai Room Timor Plaza

Director ne’e hatutan katak husu ba inan aman sira atu enkoraja nafatin trabballadór sira no halo kultura ruma karik keta haluha temi sira nia naran atu nune’e fó matak malirin no saudé di’ak hodi labele hetan dezastre iha ema nia rain, no traballadór sira tenki hatudu nafatin hahalok ne’ebé mak di’ak, atu nune’e labele taka dalan ba sira ne’ebé mak agora iha hela prosesu  test nian.

 “Importante mak ba iha ne’eba nafatin hatudu  hahalok ne’ebé mak di’ak atu nune’e labele taka dalan ba ita bo’ot sira nia maluk  foun barak ne’ebé mak agora tuir prosesu test, foin dadauk ita halo test haleu munispiu ho numeru ne’ebé mak bo’ot tebes 50 mil, agora iha hela Sistema atu halo koresaun nomós tuir test entrevista se karik sira liu tama Sistema atu tuir ita bo’ot sira ba, ita bo’ot sira ba iha mak loke dalan ba sira hatudu, atu nune’e re-entre mós ba no foun mós aumenta ba selae 50 mil ne’e saugati loos. Lia menon mós ba inan aman sira atu enkoraja sira, fó forti ba sira liuhosi ita nia orasaun, karik halo kultura ruma iha ne’e mós keta haluha sira, atu  sira bele saúde di’ak nafatin no labele hetan dezastre iha ema nia rain to’o tempu ruma mai fali hamutuk ho ita família hodi kontenti, no husu ba inan aman sira karik  presiza ko’alia sira haree iha oras livre, sira servisu iha to’os laran, fabrika karik labele enterompe sira nia atividade selae makina ruma bele koa sira nia liman, tanba sira servisu duni oras, ba servisu iha ne’eba rai osan didiak atu nune’e fila mai timor labele sai nafatin desempregu no sai bebeik trababalladór, mai sai netik empregadór, ba servisu iha ema rain aproveita ho ema nia esperiensia atu mai implementa iha ita nia rain”,.Tenik Nia   

 Traballadora Epifania Lusia da costa senti kontenti no agradese ba sefope tanba ho programa ne’ebé mak di’ak ba joven timor-oan sira hodi ba buka servisu iha ema nia rain, no  husu ba maluk sira atu prepara-an no labele esperansa, no iha planu bainhira fila mai timor sei loke mini kafé hodi fó servisu ba maluk joven sira ne’ebé mak la iha servisu. 

Ha’u senti kontenti no tanba ita dehan la fasil ba ema hotu atu ba, ida ne’e mak oportunidade ne’ebé mak di’ak tebes, agradese tebes, tanba ida ne’e mak ha’u hakarak hato’o ba ha’u nia maluk timor-oan sira no kolega sira seluk ne’ebé mak tuir hela mai se bele karik imi prepara imi nia an labele lakon esperansa tanba ida ne’e agora sefope kria programa ida ne’e di’ak tebes ba ita joven sira hotu atu ba servisu iha ne’eba hodi mai ajuda fali ita nia família nomós ita nia nasaun timor-leste, agora ha’u iha hela planu atu loke mini kafé ne’ebé mak agora prosesu hela, fiar katak iha tinan oin bele prontu ona, maibé agora ha’u negosiu ne’e fó hela alin sira mak servisu hela, maibé,  iha osan maske la barak maibé fó hodi ajuda sira nia presiza, ha’u  ba servisu iha area hospitalidade hanesan iha restaurante, maibé kompaña fó fiar ba ha’u sai hanesan tim lider iha restaurante, tanba ita timor-oan hatudu ita nia hahalok no servisu ne’ebé mak di’ak, ita hanoin positivu atu servisu hodi mai ajuda família sira tanba ne’e mak sira hodi fó  fiar ba ita hodi ba servisu nafatin, iha Australia importante mak tenki pontual, respeitu ema, hatudu hahalo di’ak no badinas to’o ne’ebé de’it ema sei bolu nafatin ita”. Dehan Traballadora iha Suai Room Timor Plaza

 Jornalista : Leo Alves

Editor        : Luhamutu.

Related Articles

- Advertisement -spot_img

Latest Articles

ARKIVU.
RCC.