27.3 C
Dili
Friday, 14 June 2024
spot_img

Jacob Tilman Agradese ba votu konfiansa iha eleisaun segundu voltu

 Dili, 14 Maio 2024 (RCC) komunidade suku manleuana fo konfiansa ba Jacob Tilman Soares hodi lidera suku Manleuana ba daruak nian.

 Entretantu iha suku Manleuana total eleitór suku hamutuk 7.891, no tuir votasaun 3.979, votus nulu 33 no branco 7 ba eleisaun segundu Voltu nian, ho nune’e kandidatu eleitu ho numeru sorteiu 2 Jacob Tilman Soares manan kandidatu numeru sorteiu 1 Alexandre Soares Dias ho votus 2.209 no kandidatu numeru sorteiu 1 ho total votus 1.730

iha entrevista ho xefe do suku eleitu Jacob Tilman Soares hateten agradese tebes mo’os ba      komunidade sira ne’ebé mak fo  apoiu ba nialiu husi votus, iha eleisaun segundu voltu nian, hodi bele manan

“Ba dahuluk agradese ba maromak tanba bele fo tan biban ida ne’e ba ha’u hodi servi povu ida ne’e ho laran luak, no agradese mo’os ba komunidade sira ne’ebé mak fo apoiu ba ha’u nia kandidatu, hodi ha’u bele manan iha segunda volta, kona-ba eleisaun  ida ne’e, ha’u nia hakarak mak hanesan oinsa ami bele hamutuk, hodi bele dezemvolve suku refere ba oin, liu-liu hakarak hari’i paz no estabilidade iha suku ida ne’e, nune’e mo’os oinsa atu prepara ba juramentu suku nia ba oin liu-liu prepara husi movimentu sira.”dehan kandidatu eleitu iha sede suku manleuana 

Xefe suku eleitu ne’e mo’os akresenta tan katak kona-ba programa hirak ne’ebé durante ne’e nia promesa ba iha komunidade sira nia sei realiza iha tinan hitu nia laran.

 “kona-ba eleisaun ida ne’e antes ne’e ha’u iha ona programa sanulu resin lima 15 mak preparadu ona hodi halo kampaña ba povu sira, entaun ha’u manan ona, promesa ne’ebé hau ko’alia, tenke halo duni, tanba komunidade sira kestiona iha kanpaña ko’alia, manan tia la realiza, ne’e duni hau tenke realiza, ita ko’alia kona-ba uluk ne’e tanba osan laiha no hasoru krize hanesan covid19 no sesta bazika, entaun osan laiha atu halo dezemvolvimentu, maibe, ukun ida agora IX Governu ne’e  halo buat barak, no mai oin ne’e buat hotu sei la’o ho di’ak, no agora dadaun ha’u rekandidatu ba dala rua hahu husi tempu Indonesia, to’o mai iha 2004, hafoin ida ne’e, tanba orsamentu laiha entaun suku manleuana ba tiha iha bairo pite, no iha tinan 2007 ami halo fali karta ida ba ministru  estatal Dionizo Babu apoiu fali ami hari’i suku foun, tanba ema barak no mai to’ o ohin loron.”nia informa

 Iha sorin seluk presidente meza apuramentu suku Manleuana Estaqui Tilman informa  katak iha eleisaun segunda volta  ne’e komunidade barak mak la partisipa kompara ho eleisaun ida ne’ebé uluk.

   “Diak iha primeiru ronde ita haree kuaze atu hanesan partesipante sira ladun maximu tanba kuaze husi metade mak partesipa, no ita haree husi total 7.891 eleitores suku nian maibé partisipa ne’e mak 3.979 no la partesipa ne’e mak hanesan 3.911 haree husi metade ne’e iha eleisaun, portantu husi primeiru ronde kuaze atu hanesan, maibe, iha segundu ronde ne’e mak komunidade nia partisipasaun mak la maximu, maybe, antes ne’e autoridade suku sira alerta hela ba iha komunidade atu bele partisipa maximu iha eleisaun ida ne’e, maibé ida ne’e fila-fali ba komunidade ida-idak nia konsensia hodi partesipa, entaun ita nota katak iha eleisaun segundu ronde sira partesipa ladun maximu, no durante eleisaun problema ne’ebé kada sentru votasaun iha aldeia hasoru, mak kada sentru votasaun ne’e, papel presidente meza  iha aldeia nian, ami hanesan meza eleitóres suku nian lei define iha ita nia lei suku no 9/2006 artigo 60 ne’ebé iha numeru 3 defini meza eleitór mak atu halo apuramentu final ba suku tanba ida ne’e mak ohin  ami foti papel ida ne’e hodi ohin loron halo apuramentu ba akta eleisaun husi aldeia sanulu ne’ebé mak iha ne’e.” hakotu Estaqui

  Jornalista:  Sergio Borges

Editor:  Luhamutu

Related Articles

- Advertisement -spot_img

Latest Articles

ARKIVU.
RCC.