Dili, 15 Maio 2024 (RCC)- Celestino Ponha Ho Idade 29 Desidi Produs Vazu Ai-Funan, Tanba Kampu Traballu Laiha Atu Buka Osan Hodi Sustenta Ba Moris .
Iha intervista ho Celestino Pona nu’udar produtor ba vazu hateten, nia hakarak produz vazu tanba nia moris ne’e dalaruma la iha servisu entaun naran halo buat sira ne’e hodi sustenta ba nia moris,
“Ha’u hakrak produz vazu tanba ita nia moris ne’e dalaruma ita la iha servisu entaun naran halo buat sira ne’e hodi sustenta ita nia moris, material ne’ebe mak presija hodi halo vazu ne’e mak hanesan semente, tinta ,raihenek, fatuk, oli no arame ,sasan hirak ne’e ha’u nian rasik ,hahu loke produtu ida ne’e iha tinan 2017 hamutuk no kolega ida maibe seidauk harii grupu ,prosesu produs vazu ne’e depende ba ema pesan ,hanesan sira fatuk ne’e halo lalais deit maibe hanesan cor deit la uza fatuk ne’e kleur hanesan ita halo ohin dader aban mak foin bele loke,kuandu ita uza fatuk halo ohin orsida lokraik loke kedas,hanesan loron ida depende ba fatuk deit se fatuk barak entaun bo’ot sira ne’e ita bele halo tolu lae to’o ha’at, ema mai hola baibain rame mak iha loron sabadu no domingu hanesan loron baibain ne’e ema Sosa ida lae rua deit, no nia folin mak hanesan sira medida bo’ot liu ne’e 35 dolares, labele hatun,no hanesan sira ki’ik ne’e cor deit la uza fatuk ida nia folin mak 30 dolares no sira ki’ik liu mak 10 dolares ,sei iha tan sira ne’ebe medida ki’ik liu ho folin hanesan 5 dolares 2 dolares,no nia modelu sei barak iha fatin ne’e ha’u mesak mak servisu, osan ne’ebe ha’u hetan hodi selu alin sira nia eskola no oan sira eskola ,ha’u hetan esperiensia iha likisa uluk primeiru sira halo iha Likisa ne’eba entaun ami halo iha tinan 2017 ,ha’u komesa haleu tiha dili laran ne’e no observa ema halo ka lae ,enataun ha’u komesa haleu tia hare laiha ema ida mak halo nune’e ha’u halo vazu ne’e hahu husi 2017 to’o agora ,hanesan ita hare deit ita bele halo no ha’u asesu informasaun iha Youtube ,maibe YouTube ne’e hanesan sira uza buat barak ,ne’ebe ita nia osan laiha hodi hola buat sira ne’e ,tanba iha ne’e halo fatuk deit entaun ita la presija buat barak ida,” dehan Celestino ba jornalista RCC, iha nia rezidénsia pantai kelapa, Dili,
Nia hatutan tan katak, problema ne’ebé maka durante nia hasoru, bainhira nia produz vazu dalaruma loke rahun tiha entaun hadia fali la di’ak ona, no nia mos fo mensajen ba joven sira ne’ebé seidauk hetan servisu, esforsu a’an nafatin hodi hatudu talentu ne’ebé maka iha.
“ Durante ne’e hasoru buat barak ne’ebe dalaruma ami produs tiha vazu ida depois atu loke mak halo balu rahun tiha entaun hadia fali ladiak ona, no nia aat liu mak hanesan rahun ne’e kuandu rahun entaun ita la uza kedas, iha Plano atu halo fatin ne’ebe diak hodi produs vazu maibe, agora tanda mean ona atu sai husi fatin ne’e,no fatin ne’e laos uma rasik ida fatin ne’e aluga deit no kada fulan ha’u selu 35 dolares , ne’ebe ha’u senti triste oituan tanba fatin ba ha’u ne’e laiha,” ha’u hakrak fo mensagen ba kolega joven sira katak ita nia moris la hanesan ho ema seluk, entaun Ita tenki esforsu a’an nafatin hodi hatudu ita nia talentu ne’ebe mak ita iha ,no ita tenki servisu makas hodi sustenta ita nia moris”. Nia hakotu.
Jornalista : Romana Soares Salsinha
Editor : Luhamutu
