26.2 C
Dili
Thursday, 20 June 2024
spot_img

Kria Kampu Traballu ba Ita Nia A’an Rasik Duke Hein Governu

Dili- 16 Maio 2024 (RCC)- Estudante Angelo Moniz Goncalves de Araujo ho Elvis Alves Fa’an Li’is Ho Sigaru Hodi Selu Eskola no Sustenta Nesesidade Loro-Loron nian.

Iha entrevista Estudante Angelo Moniz Gonçalves de Araujo hateten hakarak fa’an sigaru tanba nia hanoin nesesidade uma laran no inan aman ne’ebé do’ok, tan ne’e nia hodi fa’an

“Hau hakarak fa’an sigaru tanba husi ha’u nia hanoin ba ita nia nesesidade uma laran no hanoin ba inan aman ne’ebé do’ok husi ita, bele buka meius oinsa atu fa’an ida ne’e hodi uza ba nesesidade uma laran loro-loron no bele uza ba eskola nian, no dala ruma ami fa’an sigaru ne’e sorti ne’ebé diak  no sorti ne’ebé a’at,  hanesan sorti ne’ebé diak ami bele hetan netik 15 dolares ou bele sae ba 20 dolares, no sorti ne’ebé a’at dala ruma ami bele hetan mak 5 dolar dalaruma mos la to’o, ho nune’e ha’u foin fa’an sigaru fulan ha’at nia laran no dalaruma ami fa’an sigaru mak hasoru problema,ita fa’an sigaru mak oin buis ba ema dala ruma ema la hola,  ita tenke hatudu oin midar ba ema oinsa komprador sira  bele mai hola ita nia sigaru, no ha’u nu’udar estudante, orsamentu ne’ebé kada loron ha’u hetan  ha’u gasta ba ha’u nia eskola, Ita nu’udar ema joven ita hare’e husi inan aman no mos ba ita nia nesesidade uma laran, nu’udar joven lalika moe atu fa’an sasan iha dala ninin, tenke sai joven ida ne’ebé mak forti oinsa bele hala’o buat ne’ebé mak ita hakarak hala’o  atu nune’e bele suporta ba ita nia nesesidade loro-loron” hateten Angelo.

Iha sorin seluk Elvis Alves hateten  nia fa’an li’is tanba motiva husi kolega sira tan ne’e nia envolve a’an hodi fa’an li’is atu nia  bele hetan osan.

“Buat ne’ebé mak ,motiva ha’u hodi fa’an li’is ne’e, enjeralmente ha’u hare’e katak kolega sira mos fa’an li’is fasil ba sira atu hetan osan liu-liu besik loja ne’ebé mak fa’an sasan nesesidade baziku nian, entaun vendedores sira barak mak mai sosa iha loja laran, entaun exatamente sira sai mai tenke hola li’is, entaun fasil ba sira atu hetan li’is. no ha’u hare’e husi parte sira ne’e mak hodi motiva ha’u hodi envolve a’an hodi fa’an li’is. no bainhira ha’u fa’an li’is iha 2022 to’o mai 2024, no orsamentu ne’ebé mak loro-loron hetan ne’e depende ba konsumidor sira ne’ebé mak kada loron mai iha loja no aumesmu tempu sira hola sasan sai mai sira bele hola ami nia li’is no orsamentu ne’ebé mak ami kada loron hetan ne’e mak 15 dolares no minimu 10 dolares bele tun ba 5 dolares ne’e kada loron ne’ebé mak ami hetan. Osan ne’ebé mak kada loron hetan, hanesan joven husi munisipiu mai ami hela iha kos, entaun osan sira ne’e bele uza hodi selu kos no bele hola hahan, ne’ebé mak ita loro-loron, maibe orsamentu ne’ebé kada loron ne’ebé ami hetan la sufisiente tanba, durante tinan tolu resin hodi fa’an li’is, ami hetan osan ne’ebé mak ki’ik ne’e ita uza hodi hola ba hahan hanesan Mina, Fo’os  no Li’is sira ne’e mak atu ba  han de’it mais ita atu hola fali buat foun , hanesan hola Animal no halo uma ne’e defisil tebes. problema ne’ebé mak hasoru bainhira fa’an li’is ne’e barak, primeiru, ema la dignifika ita nu’udar vendedor ne’ebé fa’an no la konsidera João ka Antoni mak fa’an li’is maibe, sira bolu mak li’is, entaun ita lori ba deit no parte ida mak hamri’ik iha loron manas nia laran no tempu udan hala’i ba ema nia uma oin, ne’e dezafiu ida mai ha’u, no dalaruma ita hamri’ik husi dader to’o lokraik mos dala ruma ema la hola” hakotu Elvis 

Elvis mós husu ba joven sira oras ne’e  dadauk ita nia kampu traballu minimu los , sé bele ita nain rasik mak loke kampu traballu ba ita nia a’an rasik, ita labele tur de’it iha uma, no ita tu’ur de’it iha uma ita laiha osan difisil ba ita atu moris iha ita nia rai ida ne’e, atu halo mudansa ba ita nia moris ne’e mai husi ita nia a’an rasik mak bele halo mudansa , oinsa atu hetan netik lukro ruma, la barak mos ita bele hetan netik han hemu nian no labele moe ba asaun sira ne’ebé mak ita halo importante bele hetan osan hodi sustenta ba moris loro-loron nian.

Jornalista Estajiada: Franciana dos Santos

Editor: Luhamutu

Related Articles

- Advertisement -spot_img

Latest Articles

ARKIVU.
RCC.