26.2 C
Dili
Thursday, 20 June 2024
spot_img

Labele Subar Matenek Ne’ebe Ita Iha Ba Ema Seluk

Dili-17 Maio 2024 Evan Pereira ho Idade  31 Nu’udar Vise Prezidenti   Iha Asosiasaun Arte Moris, Iha Talentu Ne’ebe Mak Di’ak,  Hodi Sai Hanesan Pintór Ida, no Sai Mos Hanesan formador Iha Arte Moris Dili.

Iha entervista Evan Pereira hateten bainhira nia sei kikoan  nia gosta liu pinta, ho nu’une to’o agora nia kontinua nia talentu ne’ebé mak nia iha  hodi sai hanesan pintor ida

“ Ha’u sei ki’ik   gosta pinta oinsa atu kontinua talentu atu sai di’ak liu, tanba iha arte moris mos iha eskola arte nian, entaun ha’u  mai registu iha ne’e, no ha’u tuir kursus no agora ha’u kontinua iha ne’e, ha’u tama iha ne’e hahu iha tinan 2009 to’o mai ohin loron, arte moris hanesan asosiasaun ida, ne’e laos individu, maibe, ho  grupu signifika, katak ita moris ne’e sempre iha  furak  no ita maka halo sai furak, arte moris hari’i iha loron 2 fulan fevreiru 2003, ema ne’ebé harii arte moris maka naran lukah gansah, artista husi suiszerland  mai timor iha 2003, momentu 2003 ne’e  joven barak sei iha trauma nia laran, no tauk hodi halai ba foho, entaun nia lori arte hodi koko ema hafoin nia harii arte moris.” dehan Evan Pereira iha nia kna’ar fatin arte moris palasiu presidente dili.

Nia hatutan katak material espesifiku ne’ebé  uza ba pintura nia maka hanesan  kabas hena no tinta kor oioin, material sira ne’ebé   mak presiza ne’e sosa iha Indonesia  bali, no australia tanba iha timor seidauk fa’an tinta refere,  no agora nia  hatene ona, sai hanesan formadór hodi   hanorin fila fali ida ne’ebé mak hakarak  aprende kona-ba arte.

 “Material espesifiku maka uza kanpas hena no tinta  prili no kor oioin, tinta prili bele uza ba be’e no oli maka uza ba mina, maibe ida ne’e bele uza hodi ba tinta, material sira ne’ebé maka presiza ne’e sosa iha Indonesia  bali, no Australia, tanba iha timor seidauk fa’an tinta refere, tanba ita  timor ne’e ita nia ema ne’ebé maka sai pintor ne’e minimu loos, depois sasan sira kona-ba arte nian ne’e kuandu  iha ita nia timor ne’e manas, entaun tinta rai kleur ne’e sai maran tiha entaun  la bele uza ona,  ho nune’e timor seidauk fa’an tinta ida ne’e,  se karik atu sosa tinta ne’e ba sosa fali iha Indonesia  bali, tinta ne’ebé  ami uza ne’e sosa husi rai liur maka lori  mai, maibe laos katak ami tenki hein tinta ne’e mai mak ami halo atividade ida ne’e, maibe, ami bele pinta buat seluk hanesan fatuk ai sira ne’e ami pinta hotu , no laos depende de’it  tinta mai  mak ami foin  pinta, maibe, ami kontinua  nafatin ami nia kretividade, barak liu depende ba pintor tanba balunn ne’ebé maka pintór hakarak fa’an, no balunn ne’ebe maka nia lakohi fa’an, depende ba pintor nia hakarak fa’an nia obra entaun bele fa’an, maibe, balun mos la fa’an, tanba nia hakrak  fa’an duni no balun ne’ebé maka nia hakark rai ba privadu mos depende, se fa’an iha nukisan ida ne’e deside husi pintor , depende ba nia historia ne’ebé maka nia kria iha pintura nia laran, balun ita haree foto maka ita pinta tuir no balun mos nia iha nia imajina de’it no  se lae problema ruma mos bele pinta tuir, entaun nia folin labele hanesan atu ita la bele hatene katak iha folin ida ne’e tenki hanesan ne’e, maibe, artista ida maka fo folin katak ha’u nia espresaun ne’e folin boot liu, entaun nia folin mos hanesan, maske pintura ne’e kikoan importante maka nia ideia maka karun, halo produtu pinta lukisan ida depende ba nia medida se medida  ki’ik entaun, loron ida, se medida bo’ot ne’e,  dalaruma to’o fulan, depois haree mos ba ida haree foto no imajina, haree foto ne’e lalais liu tanba foto ne’e buat hotu ne’ebé maka atu pinta ne’e kompletu hotu ona hein pinta de’it,  no ida ne’ebé mak la iha ne’e  imajina de’it  ne’e kleur, arte moris iha jerasaun ba jerasaun uluk sei 2009 mestri sira ne’ebe mak hanorin ami, ne’e balun malae voluntariu husi Australia, tanba sira iha konesimentu kona-ba arte nian, sira hanorin ami no mos  hanorin kolega sira hanesan ami nia maun mak sira hanorin fali ami, agora ami hatene hotu ona, ami hanorin fila fali ida ne’ebé maka seidauk hatene no hakarak aprende.”nia informa.

Nia mos hakarak fo mensajen ba publiku katak  talentu ne’ebé mak iha lalika subar  tenke hatudu no mos agora dadaun arte moris mos sei nakloke ba ema hotu atu mai aprende kona-ba  arte, se karik iha talentu kona-ba arte nia bele mai aprende. 

“Hakarak fo mensajen ba publiku katak  talentu ne’ebé mak ita iha lalika subar hatudu de’it, espresa talentu ne’ebé mak ita iha hanesan talentu kona-ba muzika saida maka o senti iha o nia laran ne’e  reasaun husi muzika se hakarak sai pintura no saida mak ita iha ne’e hatudu de’it atu nune’e ema hatene, no  mos agora dadaun arte moris mos sei nakloke ba ema hotu atu mai aprende kona.-ba  arte moris,” nia hakotu

Jornalista Estajiada: Agostinha Soares Da Costa

Editor: Luhamutu      

Related Articles

- Advertisement -spot_img

Latest Articles

ARKIVU.
RCC.