27.3 C
Dili
Friday, 14 June 2024
spot_img

Estrada Ninin Sai Fatin Traballu ba  Augosto Soares ho Adone Beneditus

  Dili, 24 Maio 2024 (RCC) Vendedór  Augosto soares ho Adone Beneditus hamrik iha Estrada ninin merkadu Comoro no kampung baru hodi fa’an manu iha karosa atu hakma’an ekonomia iha uma laran  

Iha entrevista ho Augosto Soares hanesan vendedór ba manu  hateten nia hakarak fa’an manu iha dalan ninin, atu  nune’e hetan netik osan uitoan hodi selu ba nia eskola no ajuda mós  nia inan aman sira, hodi hakma’an buat todan ne’ebé  inan aman sira leba hela durante nia sei iha hela nivel  estudu nian.

 “Ha’u hakarak fa’an manu iha ne’e , uluk  liu ha’u fa’an sigaru  hanesan mós kolega balun ne’ebe fa,an hela sigaru, no iha ne’eba ha’u komesa kontinua ha’u nia estudu iha universidade nasional timor lorosae  (UNTL) no ha’u hakarak atu fa’an ida ne’e hodi ajuda inan  aman sira ,nune’e ha’u foti desizaun empresta kolega nia osan uitoan depois ha’u hola sigaru ha’u fa’an to’o ikus  ha’u mai fali hamutuk ho kolega sira hodi kontinua fa’an fali manu iha fatin ida ne’e, atu nune’e hetan netik osan hodi selu ba eskola no mós ba iha presija ne’ebe lorloron nian, hanesan iha eskola hemu bee, han, nomós ba iha foto kopi sira nian,entaun iha ne’eba ha’u foti inisiativa ida ne’e hakarak atu hakma’an buat todan ida ne’ebe inan aman sira leba hela durante ita sei iha nivel estudu nian,iha areadores ne’ebe deit ita hakarak atu ajuda inan aman sira liu husi buat ki’ikoan sira ne’ebe mak ita bele halo hanesan agora ami fa’an manu iha fatin ida ne’e ,tanba ne’e laos hakarak atu buka riku maibe tenki buka netik osan rahun bemo nian atu nune’e ajuda netik inan aman buka osan selu eskola no responde ba nesesidade lorloron nian,iha maun mak suporta suporta ha’u atu nune’e ha’u bele fa’an, tanba ha’u lakoi depende liu ba maun sira hanesan husu hela deit osan ba sira ,tanba ne’e ha’u husu maun fo osan modal uitoan atu nune’e ha’u bele hamrik mesak ,no ha’u nia prinsipiu mak ne’e ha’u boot ona ha’u labele husu hela deit osan ba maun sira, tanba ita iha presija ne’ebe mak la hanesan,nune’e ha’u hakarak halo ida ne’e hodi sustenta ba nesesidade ne’ebe mak presija.”dehan augustu iha merkadu Comoro.

Nia informa manu ne’ebé sira fa’an la’os sira nian rasik maibé, sira sosa tutan fali husi ema hafoin sira fa’an fali ho folin ne’ebé mak la hanesan, no depende  fali ba manu  sira nia isin 

“Manu sira ne’ebe ami fa’an la’os ami nian rasik,maibe ami sosa  tutan fali husi ema ne’ebe fa’an hafoin ami fa’an fali, no manu sira ne’ebe ami fa’an depende ba folin ne’ebe mak ami ba koalia ho vendedór sira ne’ebe fa’an mai ami atu nune’e ami bele tetu didi’ak hotu mak atu  mai fa’an fali iha fatin ida ne’e,  mais ou menus la hetan barak maibe hetan netik uitoan, manu sira ne’e dalaruma  iha bo’ot no ki’ik, ho nia folin ne’ebe mak la hanesan,bo’ot entaun nia folin 15 dolares to’o 20 dolares,tuir manu nia isin la hanesan sasan sira seluk ne’ebe folin permanente,osan ne’ebe ami hetan hanesan uza ba ita hanesan estudante lori haree ba eskola nian no ba nesesidade lorloron nian, no familia balun presija no hakarak atu husu empresta osan entaun ha’u bele ajuda sira karik sira laiha,nomós dalabarak, ha’u sempre ajuda fali ha’u nia inan aman sira, hodi sosa fali hahan ba sira han, atu nune’e iha tempu ne’ebe sira nia idade avansadu ona, ha’u tenki haree fali sira,no ha’u fa’an manu ne’e hahu husi tinan 2021 to’o agora,loron ida bainhira manu folin di’ak ami bele hetan to’o 500 dolares,no depois kuandu manu folin tun entaun loron ida ami hetan deit 100 dolares ba leten,ha’u hakarak fo hela lia menon ba kolega  joven sira ne’ebe agora moris iha nasaun Timor -leste ida ne’e, ba joven sira ita labele haree dehan buat hotu-hotu laiha valor, maibe ita presija liu husi buat ki’ikoan sira ne’ebe ita halo,no ita labele laiha vontade  ita tenki forsa nafatin atu nune’e ita bele atinje ita nia prosesu no mehi ne’ebe mak iha hakarak atu sai di’ak iha futuru.” Nia informa

Iha sorin seluk vendedór Adone Beneditus Bolan akresenta tan katak nia hakarak fa’an manu iha dalan ninin tamba obrigasaun husi nesesidade uma laran nian no haruka nia oan ba eskola

“Hau hakarak fa’an manu iha Estrada ninin ne’e tamba obrigasaun husi nesesidade uma laran nian no haruka oan ba eskola tamba ita ema moris ne’e presija ne’e barak  no man8u ne’ebe fa’an ne’e hau sosa tutan husi ema depois hau fa’an fali no hau sosa ho folin dollar lima $5 hau mai fa’an fali ho nia folin dollar ne’en $6,dalaruma manu ne’ebe hau fa’an ne’e loron ida ema hola lima 5 se lae ne’en 6  dalaruma mos rua deit tamba agora ema fa’an mos barak ona, no ha’u hahu fa’an manu iha tinan ida ona, konaba fatin ne’ebe ami fa’an ne’e ladun dignu tamba dalaruma walikota ka jestaun merkadu sira sempre mai duni iha ne’e entaun ami tenke halai maibe ami tenke kontinua fa’an duni tamba obrigasaun nesesidade uma laran.” dehan adone iha merkadu kampung baru  

Vendedór ne’e mos hato’o hela nia mensajem ba joven sira ne’ebe agora dezempregu atu labele halo problema maibe tenke halo negosiu ki’ik sira atu nune’e bele sustenta moris loron-loron.

“Hau hakarak hato’o hau nia mensajen ba hau nia nia mane maluk  liuliu joven sira atu buka no halo negosiu ki’ik sira hanesan fa’an sigaru, pulsa no sira seluk tan, tamba ikus ne’e problema ne’e ladiak Hlo ita la hakamatek diak liu halo negosiu ki’ik sira atu nune’e bele suporta ita nia inan aman sira hodi bele sustenta nesesidade familia nian,” Nia hakotu

Jornalista Estajiada: Romana Salsinha

Editor: Luhamutu

Related Articles

- Advertisement -spot_img

Latest Articles

ARKIVU.
RCC.