27.3 C
Dili
Friday, 14 June 2024
spot_img

  Fa’an Ai-fuan Bele Rezolve Nesesidade Familia Nian

Dili, 24 Maio 2024 Domingos Sequera Baptista Ho Luvania Soares ho idade 34 idade   Fa’an Ai-Fuan Iha Bidau no Kampu Baru   Hodi Selu Oan Sira Nia Eskola No Sustenta Ba Nesesidade Uma Laran.

Iha entrevista Domingos Sequera Baptista hateten nia hakarak hodi fa’an ai fuan, tamba nia iha feen no oan, ne’e maka nia tenki buka osan hodi haree sira nia presiza, no nia sente di’ak ba nia tamba buka rasik saida maka nia hakarak, no sosa saida maka nia presiza,

“Ha’u hakarak fa’an ai-fuan tamba  ha’u iha feen no oan,tamba ne’e ha’u tenki buka osan hodi haree sira, se karik  ha’u la fa’an se mak  fo han fali ha’u nia feen no oan, ai-fuan ne’ebé mak ami fa’an  ne’e sosa fali husi komunidade sira ne’ebé mak lori husi foho mai, iha taibesi mak ami sosa tutan fali hodi mai fa’an, ami sosa balde ida ho folin  dollar neennulu $ 60, maibe ami fa’an tiha hetan osan inan nafatin $ 60, no lukru ne’ebé ami hetan fali $20 -25 dollar, ami fa’an loron ida hetan osan  masimu mak dollar atus ida $100 maibe minimu dollar walunulu $ 80, osan sira ha’u hetan ne’e  responde ba feen oan nia presiza  saida mak  sira husu  ha’u tenki fo no  sustenta nesesidade uma laran, no ha’u  senti di’ak tamba  buka rasik saida mak ita hakarak no sosa saida maka ita presiza, no osan ne’ebé ha’u  hetan husi fa’an ai-fuan ne’e ha’u senti sufisente  hodi uza ba moris lorloron nian, ha’u fa’an aifuan iha ne’e la hetan problema ruma,  bainhira ha’u fa’an  ai-fuan tanba ha’u nia fatin mak permanente iha ne’e   karik ha’u muda ne’e ba iha pateo nia, fatin mak  rua ne’e de’it, fatin  ida ne’e ha’u senti di’ak tanba iha loza oin no ema ba tama loja sai fali mai ema presiza ai-fuan ema sempre sosa ho aifuan, no ha’u fa’an ai-fuan hahu iha tinan 2017 to’o mai ohin loron”,dehan domingos iha Bidau, Dili.

Iha sorin  seluk Luvania Soares hateten hakarak fa’an pateka tamba, haree oan sira nia eskola no sustenta nesesidade uma laran.

 “Ha’u hakarak fa’an pateka tamba, haree oan sira nia eskola no sustenta nesesidade uma laran, pateka ne’ebé mak  ami fa’an ami sosa  tutan mak mai fa’an, pateka ne’ebé maka ami hola ne’e  ida  fuan bo’ot ne’e  ami  hola dollar ha’a t $ 4, ida fuan kiik ami hola dollar tolu  $3, maibé ami fa’an fali pateka fuan bo’ot ne’e  ho folin dollar neen $6 no dollar lima  $5, pateka sira ne’e ema lori husi suai mai iha tasi tolu mak ami sosa tutan fali, ha’u fa’an ai-fuan sira ne’e  to’o tinan rua ona,  maibe ha’u fa’an modo mak iha tinan 2016 ne’e ha’u fa’an tiha ona, osan ne’ebé mak ha’u hetan husi pateka ne’e, loron ida  hetan  dollar neen nulu $60 lae  dollar ha’at nulu $70, ne’e kona-ba pateka nian, maibe sasan seluk la to’o hanesan ne’e, fatin ida ne’e ha’u senti di’ak tamba  ema barak mak  sosa no ami nia ai-fuan sira mos folin.”hateten luvania iha merkadu kampung baru.

Vendedóra ne’e mos rekomenda ba joven Sira katak di’ak Liu tenke haree liu mak eskola atu nune’e aban bainrua labele  tuir Sira Nia ain Fatin hodi fa’an sasan.

“Rekomendasaun ba joven sira  katak joven sira ne’e di’ak liu lalika halo tuir saida maka ami halo ne’e hanoin mak eskola no saida mak  ami la hatene karik halo fali ida ne’e labele tuir fali ami nia ain fatin.”nia hakotu.

Jornalista Estajiada: Agostinha Soares da Costa

Editor: Luhamutu

Related Articles

- Advertisement -spot_img

Latest Articles

ARKIVU.
RCC.