25.7 C
Dili
Thursday, 20 June 2024
spot_img

Nu’udar Joven Lalika Lakon Vontade Hodi Buka Moris

Dili 24 Maio 2024 (RCC)-Vendedór João Maia ho Jenito Alexandre Nu’udar joven na’in rua  ne’ebe la Lakon Vontade Hodi Buka Moris ba fa’an produtu lokal iha merkadu ki’ik kampun baru  hodi sustenta sira nia moris loron-loron.

Iha entrevista ho vendedór João Maia hateten nia tenke fa’an sasan produtu lokal tamba moris mak obriga nia, atu nune’e sustenta ba nesesidade uma laran nian.

“Tamba ami nia moris ne’e mak tenke fa’an sasan produtu lokal sira ne’e hodi ajuda netik hodi sustenta ba nesesidade uma laran nian, sé bainhira ita halimar iha uma de’it ita atu hetan osan, tamba hela iha dili ne’e tenke buka osan maski la barak mós hodi ajuda ita hodi hola netik hahan sira hanesan, fo’os, mina, masako no selu-seluk tan, hanesan halimar de’it iha uma senti ladun di’ak tamba, loron ida dalurama centavo lima mós laiha, dala ruma ami fa’an sasan produtu lokal sira hanesan, fehuk talas, koto sira ne’e mós ema mai hola mak  dolar ida  ou  dolar 2 hanesan ne’e walikota sira mai duni ona ami, hodi lalin sasan sira ba fa’an fali iha estrada sorin depois loraik atu mai fa’an dalaruma ema ladun hola no ha’u fa’an produtu lokal tinan ida resin ona, no orsamentu ne’ebé mak kada loron ami hetan mak dadersan fa’an dalaruma hetan mak  dolar 5 ou  dolar 4 to’o lokraik mak fa’an fali hetan mak  dolar 10 hanesan ne’e, no bainhira walikota sira mai duni ami mak sasan sira ami lori halai mak la biban entaun walikota sira mai raut hodi tau ba lixu, no tau ba kareta mós ami hare’e no triste de’it ona, tamba sira mai ho ema barak.”  hateten joão  iha merkadu kampun baru.

Iha sorin seluk estudante Jenito Alexandre Ximenes hateten nia fa’an produtu lokal tamba atu sustenta nia prosesu aprendizajen no hola sasan uma laran nian hodi han hamutuk ho familia ne’ebé mak nia hela.

“Hau fa’an produtu lokal tamba kauza atu hetan osan hodi sustenta ba ha’u nia prosesu aprendizajen, iha inisiu ha’u hahu eskola iha UNTL ha’u fa’an ona ba dahuluk, ha’u fa’an li’is, modo, tomate no produtu lokal sira ne’e mai to’o agora, no ha’u komesa fa’an sasan iha  inisiu iha tinan 2020, husi fa’an sasan sira ne’e mak ha’u suporta ba ha’u nia prosesu aprendizajen mak to’o agora, hanesan sasan produtu lokal sira ne’ebé mak fa’an hanesan fore, batar, koto no selu-seluk tan, sira ne’e ami ba hola  dollar limanulu $ 50,  ne’e mak ami mai fa’an tutan bele hetan pursentu dolar 50 ou bele liu, no orsamentu ne’ebé mak ha’u hetan ne’e atu uza ba eskola nian, no apoiu hodi hola sasan uma laran nian hodi han hamutuk ho familia sira, dezafiu ne’ebé mak ami hasoru ne’e mak hanesan fatin ne’ebé ami fa’an ne’e la’os merkadu ne’e hanesan fatin ilegal,  hanesan ami mai fa’an sasan iha fatin ne’e walikota sira mai duni ami, entaun ami negosiante sira halai, bainhira sira ba entaun ami komesa mai fa’an fali ona, ne’e hanesan preokupasaun bo’ot ida mai ami negosiante sira, no fatin ne’ebé ami fa’an ne’e sufisiente mai ami.” DehanJenito. 

Nia mos rekomenda ba parte relevante katak governu presiza kria merkadu ki’ik-oan sira iha kada bairo laran, atu nune’e ambulante sira fa’an produtu lokal sira no sira bele selu taxa atu nune’e kofre ba estadu nian. No husu ba nia maluk joven sira katak, lalika lakon vontade atu aprende no buka moris hodi sustenta ba prosesu ba aprendizagen nian.

“Ami negosiante sira husu ba governu presiza kria merkadu, hanesan merkadu Taibesi no Manleu ami labele ba iha ne’eba tamba fatin klot, agora merkadu manleu ho taibesi ne’e hanesan sentru ida atu simu produtu lokal sira, ne’ebé mai husi 13 munisipiu atu nune’e bele destribui sira ba iha merkadu ki’ik sira, no ema ida labele lori nia osan centavo limanulu  ba iha taibesi hakarak ka lakoi tenke hola iha sira nia bairo laran, no tenki kria mos merkadu ki’ik-oan sira iha kada bairo laran atu nune’e bele akumula ambulante sira atu fa’an produtu lokal sira iha sira nia kada bairo laran no sira bele selu taxa atu nune’e kofre ba estadu, Depende ba ema ida-idak nia moris, tamba balun moris mai inan aman buat hotu-hotu iha ona hanesan osan, kareta, motor, no uma di’ak, ne’e signifika katak dependente ba sira nia inan aman, maibé balun ne’ebé inan aman senti  kbi’it laiha atu sustenta nia oan sira ba aprende, ita hanesan joven liman ain kompletu lalika lakon vontade atu aprende, no kontinua aprende sambil buka moris hodi sustenta aprendizajen to’o hotu no kapital Dili ne’e la’os osan nia huun ita atu hetan osan rasik atu sustenta ita nia  prosesu aprendizajen ne’e to’o hotu , no ita nia feto maluk balun de’it bele esforsu a’an hodi sustenta nia prosesu aprendizajen to’o remata, no tamba saida mak ita mane labele, tan ne’e mak servisu ne’e importante atu buka moris, lalika moe, sé moe ita lahetan osan, sé badinas hodi servisu iha ne’ebé de’it osan sempre mai, importante mak onestidade no badinas osan sei buka ita,” hakotu Jenito

Jornalista Estajiada: Franciana dos Santos

Editor : Luhamutu

Related Articles

- Advertisement -spot_img

Latest Articles

ARKIVU.
RCC.