25.7 C
Dili
Thursday, 20 June 2024
spot_img

Remata Estudu Kontinua Fa’an Nasi Bunkus Iha Dalan Ninin

Dili, 27 Maio 2024 (Rcc) – Carla Oliveira ho Juliana Soares Deside Fa’an Nasi-bunkus Hodi Ajuda Inan Aman Selu Alin Sira Nia Eskola no Uza ba Nesesidade Loro-Loron Nian.

Iha entrevista Carla Oliveira hateten, ajuda inan aman hodi fa’an nasi-bunkus hodi selu alin sira nia eskola no bele uza ba nesesidade uma laran nian.

“Ha’u fa’an nasi-bunkus tanba hau livre teoria ona, tan ne’e ajuda inan aman hodi buka osan atu nune’e  bele  selu alin sira nia Eskola no bele uza ba nesesidade uma laran nian,no osan ne’ebé mak ami uza hodi hola sasan sira ne’e, ami nia osan rasik,  ho montante hamutuk 50 dolares, no kada loron hasai osan hodi hola sasan 50 dolares no hetan pursentu 150 dolares husi  ou 160 dolares husi nasi-bunkus ne’ebe ami fa’an, bainhira etu hotu ona osan ne’ebé mak kada loron hetan ne’e uza hodi selu Eskola no bele uza ba nesesidade uma laran nian,” hateten Carla.

Iha sorin  seluk Juliana soares hateten nia fa’an Nasi-bunkus tanba buka servisu laiha, tan ne’e deside a’an hodi fa’an nasi-bunkus hodi atende ba nesesidade uma laran.

“Ami buka moris tanba agora buka servisu araska lós no ha’u uluk servisu iha restorante, maibé, sai kalan bo’ot ne’e mak ha’u foti desizaun hodi fa’an nasi-bunkus atu nune’e bele uza ba nesesidade uma laran nian, no ha’u hahu fa’an nasi-bunkus iha dia 22 Maio to’o ohin loron, no orsamentu ne’ebé uza hodi fa’an nasi-bunkus ne’e ha’u nia osan rasik ho montante  170 dolares  no antes ha’u atu hahú fa’an nasi-bunkus ne’e, primeiru hola sasan dapur no uza hodi hola modo, no kada loron ida ha’u hetan fali 30 dolares no bele mos hetan 35 dolares no atu ba hola sasan fali  ne’e uza osan 35 dolares ne’e mak hodi ba belanza no dala ruma rai deit 10 dolares, no osan ne’ebé ami hetan ne’e sufisiente ba ami atu atende ba nesesidade uma laran tanba pai mos  ajuda ami hodi fa’an sasan,” Hateten Juliana.

Nia mós fó mensajen ba maluk feto sira katak, ita labele tur hein de’it ita nia anan aman sira, diak liu buka meius oinsa atu buka osan oituan-oituan hodi ajuda fali inan aman sira atu sustenta ba nesesidade uma laran.

“Ba maluk feto sira ne’ebé mak halimar de’it iha uma mak servisu laiha, diak liu buka hodi halo bisnis kikoan hanesan fa’an nasi-bunkus no bele fa’an sasan kulaker saida mak ita iha, atu nune’e hetan netik osan hodi  ajuda fali inan aman sira, tanba ita sei klosan ne’e bainhira idade mós aumenta, no ita labele tur hein de’it ita nia inan aman sira, se inan aman hare’e ita eskola remata ona iha universidade, maibé, kampu traballu laiha ba ita atu servisu, diak liu buka meius oinsa atu buka osan oituan-oituan hodi halo bisnis atu hare’e fali inan aman, maski la barak naran katak ita hodi uza sustenta ba nesesidade uma laran,” Nia Hakotu.

Jornalista Estajiada : Franciana dos Santos

Editor : Luhamutu

Related Articles

- Advertisement -spot_img

Latest Articles

ARKIVU.
RCC.