27.3 C
Dili
Friday, 14 June 2024
spot_img

Governu Tenke Respeitu Povu Nia Dignidade

Dili, 28 Maio 2024 (RCC) – Relasiona ho SEATOU Nia Programa, Komunidade Aldeia Fomentu 1 Prontu Atu Sai, Maibé Estadu Mós Tenke Respeitu Povu Nia Dignidade hodi Prepara Fatin Ne’ebe Dignu ba povu, Liu-Liu  ba Estudante Sira Ne’ebe  Hela Iha Fatin Refere Hodi Kontinua Sira Nia Estudu

 Iha entrevista Amelia Mota hateten, prontu atu sai, maibé, husu ba parte governu tenke prepara fatin urjente ba sira atu nune’e labele fo impaktu ba nia oan sira nia estudu

“Ha’u nia sentimentu hanesan povu kiik, ami sempre kopera ho estadu, maibe antes atu haruka ami sai husi fatin ne’e, ami husu ba governu tenke prepara kondisaun  ka  fatin baa mi, ou prepara transporte atu nune’e ami bele ba fali munisipiu, ami hela iha fatin refere durante tinan 8 ona, no ha’u nia oan sira agora eskola iha Fomentu 1 foin mak SD klasse 2, no bainhira ami sai husi fatin refere fó impaktu bo’ot ba ami nia oan sira nia eskola, tanba sira atu ezame ba segundu trimester nian, karik labarik sira transfere ba eskola seluk mak simu entaun di’ak, mais la simu entaun ami nia oan sira la eskola, no bainhira ami atu sai husi fatin refere, ha’u husu ba governu tenke prepara ami nia fatin iha munisipiu no prepara mós eskola atu nune’e ami nia oan sira bele ba eskola fila fali no  bainhira SEATOU mai tau sinal ka tau numeru  ba kada uma kain to’o agora seidauk fó buat ida ba ami, no ami hein de’it sé dia 1 Junu mak ami sai governu tenke prepara transporte ba ami atu nune’e ba fali munisipiu tanba, ami halo uma mós uza ami nia kosar be’en hodi halo ami nia uma no ami la tane liman ba governu,” Hateten Amelia.

Iha sorin seluk Fernando Nunes hateten, komunidade Fomentu 1 sempre koopera hamutuk ho estadu, maibé estadu tenke tau prioridade ida atu nune’e aban bainrua komunidade sira seluk labele mai okupa tan iha fatin refere.

 “ Iha ne’e  agora dadauk ami moris iha mota laran, ami nia lina koordenasaun sempre kopera hamutuk ho governu karik iha mudansa ba sidade Dili atu sai dezenvolvimentu ba ita nia Nasaun no mós saúdavel ba nasaun atu nune’e  aban bainrua ba futuru atu husik hela buat di’ak ida ba iha futuru, karik iha  tempu ida mak estadu hasai ami husi mota laran, maibé ami nia ezize mak ne’e, Primeiru, tau prioridade ida atu nune’e aban bainrua komunidade sira seluk labele mai okupa tan hodi halo governu ulun moras iha fatin ne’e, Segundu,  antes atu hasai ami husi fatin ida ne’e, ami hatene katak governu mak ami nia inan no aman atu sai tenke respeitu mós ami nia dignidade, tanba moris hotu-hotu konsentra iha nasional,  nune’e mós  tanba ami moris iha mota laran no mai hela iha risku ida ne’e no fatin ne’ebé ami hela la’os ami nian, ne’ebé moris hotu-hotu iha sidade de’it, ami nia moris ne’e atu sustenta de’it moris ba nesesidade uma laran no mós ba ami nia oan sira nia eskola ba futuru nasaun nian, no parte seluk mak husu ba aman governu sira senti dehan iha hanoin ke falta mós tanba, agora universidade hotu-hotu konsentra iha nasional no hirak ne’e hotu ami nia oan sira ne’ebe remata nia eskola iha munisipiu, maibé tan ami nia oan sira hakarak kontinua nia  estudu iha universidade ne’e mak ami mós iha kbi’it  hodi prepara fatin iha sidade dili, maski uma ne’ebé mak didin ho kalen de’it, maib,é ami nia oan sira bele hela hodi ba eskola,”  Hateten Fernando.

Iha parte ne’e mós Fernando informa ba governu katak antes atu sai husi fatin ne’e, governu mós prepara asrama ba nia oan sira atu nune’e labarik sira hela hodi kontinua hala’o sira nia estudu.

“Ami sai  husi fatin ne’e governu mós respeitu ami nia dignidade no mós prepara fatin asrama ba ami nia oan sira iha universidade, karik rendimentu reseita husi governu mós tenke manejamentu atu nune’e povu nia osan sira ne’e mós labele foti bei-beik, atu dezenvolvimentu la’o tenke osan reseita tenke iha ,”  Fernando hakotu.

Jornalista Estajiada : Franciana dos Santos

Editor : Luhamutu

Related Articles

- Advertisement -spot_img

Latest Articles

ARKIVU.
RCC.