Dili- 28 Maio 2024 (RCC)- Situasaun Uma Laran Obriga Jaime ho Noguera Deside Fa’an Nu’u Iha Dalan Ninin Hodi Resolve Nesesidade Familia Nian
Iha entervista Jaime Filipe gusmao hateten, deside fa’an nu’u tanba, haree ba sira nia situasaun uma laran ho nune’e nia foti desizaun hodi fa’an nu’u atu sustenta ba sira nia nesesidade loro-loron no selu alin sira nia eskola.
“ Ami hakarak fa’an nu’u tanba haree ba ami nia situasaun uma laran ne’e, tan ne’e ha’u foti desizaun hodi ha’u fa’an nu’u hodi sustenta ba ami nia moris, nu’u ne’ebé maka ami fa’an ne’e ami boron tutan de’it, tanba kolega sira lori mai fa’an ne’e fuan ida 0,50 centavos se lae fuan lima $2 dolares, ne’e maka ami sosa tutan hodi fa’an fali iha ne’e, nu’u ne’e kolega sira lori mai maka Dili makaami sosa tutan hodi fa’an fali, nu’u ne’ebé maka ami sosa ne’e, ami senti osan modal kuat oituan entaun nu’u kareta isin ida mos ami hatun hotu, se osan maka senti kiik liu entaun ami nain rua tolu maka halai hamutuk hodi fahe, iha ne’e nu’u iha oin rua ida ami fa’an ba $1 dolares no modelu ida fali tan ami fa’an ba fuan ida mak ho folin $ 2 dolasres, osan ne’ebé mak ami hetan ne’e ami uza mos hanesan vida joven nia sosa tuir saida maka joven nia presiza , balun ajuda ba ami nia inan aman hodi sosa netik fos, buat ruma ami ajuda inan ama, balun ajuda ba alin sira hodi uza, ba sira nia presiza”, dehan filife iha largo lecidere dili .
Nia mós deklara fatin largo lecidere uluk estadu maka haruka sira hodi mai fa’an nu’u, karik estadu sira atu muda sira pronto sai, maibe negosiante ne’e husu ba estadu fo fatin di’ak ba sira hodi sira bele uza fa’an nu’u.
“Fatin ida ne’e uluk estadu maka haruka ami mai fa’an duni iha ne’e , maibe agora ami rona seatou sira atu mai sobu maibe ami la dun hatene, ita haree ba nu’u ne’e ema nunka fa’an iha merkadu so iha fatin ne’ebé maka fa’an duni nu’u maka foin fa’an, ida ne’e maka ami nia moris duni ona, karik ita nia estadu maka muda fali ona ba iha ne’ebé mos konforme, tanba ita timor oan moris iha lei nia okos no ita senti la dun satisfas no triste, tanba ida ne’e maka ami nia moris loro-loron, karik atu muda fo netik fali fatin dignu ida mai ami hodi ami fa’an nafatin ami nia nu’u”, nia deklara
Iha sorin seluk Noguera de Almeida esplika nia hakarak fa’an nu’u tanba ekonomia familia la sufisente, tanba ne’e nia buka osan hodi sustenta nesesidade uma laran, no balun responde ba oan sira nia eskola.
“Ha’u hakarak fa’an nu’u tanba ita nia ekonomia familia la sufisente entaun ita buka osan hodi sustenta ita nia nesesidade uma laran, ne’e mak ha’u fa’an nu’u,no nu’u ne’ebe maka ami fa’an ne’e balun ami nia ami ku’u iha munisipiu no balun fali sosa de’it maka fa’an fali, karik ema lori mai maka ami sosa tutan, entaun fuan lima $ 2 dolares , no ema nia maka ami ba ku’u rasik ne’e fuan ida 0,10 centavos, ami fa’an fali fuan ida $ 1 dolares, osan ne’ebe maka durante ne’e ami hetan husi fa’an nu’u ne’e balum ami halo ba uma , balun haree ba ita nia oan sira nia eskola no sustenta nesesidade uma laran, ha’u fa’an nu’u durante tinan hitu ona”, nia informa
Noguera hanesan joven ida, nia mos fó motiva ba nia kolega sira katak labele baruk atu buka osan tanba liu husi badinas maka bele hetan osan.
“Ha’u mos fo supota ba nia mane maluk sira no fo gerobak ba sira, hodi uza mai fa’an nu’u, hanesan joven kadaves ha’u koalia ba sira katak duke ita kria problema loron no kalan rezultadu la iha , entaun ita ba fa’an nu’u ita nia osan iha ita sosa saida tuir ita nia hakarak de’it, karik imi osan la iha ha’u mak hola ita fa’an rame rame hetan osan ita fahe”, nia hakotu
Jornalista Estajiada: Agostinha Soares Da Costa
Editor: Luhamutu
