Dili, 30 Maio 2024 (Rcc)- Estudante Efren ho Vicente Fa’an SDSB Hodi Selu Bemo ba Eskola no Sustenta ba Nesesidade Uma Laran Nian.
Iha entrevista Efren da Cruz de Jesus hateten nia fa’an SDSB tamba nia buka osan bemo no fotokopia nian, tan ne’e nia lakohi atu husu osan bebeik ba nia inan aman sira.
“Ha’u fa’an SDSB tamba ha’u estudante tan ne’e mak ha’u hodi fa’an SDSB hodi buka osan bemo no osan fotokopi nian, no ha’u labele husu bei-beik ba ha’u nia inan aman sira, ita nu’udar joven ka estudante ida buka meius oinsa atu bele hetan osan hodi uza ba presiza loro-loron nian, tamba, husu demais ba inan aman mós senti ladiak tan ne’e ha’u hodi foti desizaun ba fa’an SDSB, no ha’u fa’an SDSB agora tama ba tinan hitu (7) ona, no hanesan ema mai hola ha’u hetan nia pursentu mak hanesan 1 dolar ou 2 dolar sira ne’e, no hetan porsentu ne’e husi ema estor mak foin ha’u hetan, no dalaruma ema kona no lakona, konaba problema ne’ebé durante ne’e ha’u hasoru mak hanesan, primeiru, hakerek nomor sala, segundu ha’u lees sala depois kupon ida ha’u haluhan hodi soe no ema kona, entaun uza ha’u nia osan hodi troka no osan ne’ebé uza hodi troka ne’e durante osan ne’ebé hetan porsentu ne’e mak tabun hodi troka fali ba ema nia osan, no osan ne’ebé durante fa’an SDSB hodi hetan ne’e sufisiente mai ha’u hodi uza ba eskola no uza ba fotokopi sira ne’ebé mak iha, no osan sira ne’e ha’u rai hodi uza mós ba selu eskola tanba universidade UNTL nian kada semester selu 30 dolar tan ne’e ha’uhetan porsentu oituan mós bele bele ajuda ona ha’u hodi ba presiza loron-loron nian.” hateten Efren.
Iha sorin seluk Vicenti Bareto hateten maske nia fa’an SDSB hetan osan ne’ebé mak porsentu ne’ebé ki’ik maibé bele ajuda nia hodi selu kos no uza ba nesesidade uma laran.
“Ha’u fa’an sdsb tamba ami hela iha kos tan ne’e fa’an SDSB hodi ajuda netik ha’u hodi uza ba nesesidade loro-loron nian, maske hetan porsentu ne’ebé mak labarak naran katak ita hola fo’os, mina, masin, masoko, modo sira ne’e mós diak ona, no uza hodi selu bemo ba kursu nian, no hanesan ema kona barak, entaun ami bele hetan porsentu ne’ebé mak naton de’it maibé ami bele uza hodi selu rasik ami nia kos, tamba ami nian kada fulan selu kos ho montante 30 dolares, karik restu iha ami bele hola fali ba sasan saida mak ami presiza, tamba husu ba inan aman demais mós senti ladun di’ak, diak liu ita nu’udar joven ne’ebé mak forsa sé bele buka osan duke tur hein de’it ba inan aman sira, no kada loron ha’u hetan pursentu husi ema kona, dala ruma hetan mak 10 dolar sé lae tun mai 7 dolar de’it, maski kada fulan ami la hetan maibé hetan husi porsentu ne’e mós bele ajuda ona ami hodi sustenta ba nesesidade uma laran, no osan ne’ebé mak ha’u hetan maski oituan, maibé ha’u sente sufisiente tebes ba ha’u hodi uza.” hakotu Vicente
Jornalista Estajiada : Franciana dos Santos
Editor: Luhamutu
