Dili, 30 Maio 2024 (Rcc)- Loron Bele Manas Rai Rahun Bele Makas Maibé Nafatin Iha Vontade Luta Hodi Hasuru Moris Liu Husi Suku Sapatu Atu Sustenta Ba Nesisedade Uma Laran No Selu Oan Sira Nia Eskola
Iha intervista Bartolomeo Da Costa Xemenes hateten objeitivu ida nia tur iha fatin refere atu buka moris liu husi suku sapatu atu sustenta nesisedade uma laran no selu oan sira nia eskola.
“Hau mai tur iha ne’e hodi buka moris ba hau nia oan no hau nia kaben sira nia presisa, liu husi suku sapatu atu nune’e bele hetan osan, hodi sustenta ba familia uma laran no selu oan sira nia eskola, hau hahu suku sapatu husi 2005 to’o agora, hau suku sapatu desde ha’u sei eskola hau suku tiha ona sapatu no osan ne’ebe hau hetan husi suku sapatu mak bele ajuda hau to’o remata hau nia estudo, ne’ebe to’o ohin loron hau nafatin kontinua hau nia servisu hanesan suku sapatu, maske osan bele kiik, maibé, nafatin iha vontade hodi buka moris se ita la buka servisu se mak atu fó osan ita tan ne’e hau nafatin luta hodi buka moris, liu husi suku sapatu, ami suku sabatu ida komforme, tuir sapatu nia kondisaun sapatu bai-bain entau ida $2 se sapatu bonen sira ne’e entaun ami husu ida $4, kada loron ida depende de’it ba kliente sira lori mai ne’e, entaun ami suku, se sira la lori mai entau ami la suku, osan sira ne’ebe ami hetan uza ba nesesidade uma laran balu fo oan sira nia presisa, sasan sira ne’ebé ami uza hodi suku sapatu mak hanesan kabas ho daun, maibé, daun ami halo rasik ami hola de’it mak kabas, osan ne’ebé hau hetan husi suku sapatu ba hau pesoal sente la sufisente, maibé, la baruk atu buka osan, ida ne’e sai hanesan servisu ida ba hau hodi hetan osan”. Hateten Bartolomeo
Nia mós fó mensajem ba joven sira labele hanoin buat a’at iha ulun maibé tempu ida agora ne’e atu buka servisu, laos atu buka mak naok de’it
“Ita labele hanoin buat a’at hodi hasoru ita nia maluk sira, maibé buka ita nia moris ne’e fó henesan domin ida husi ita nia inan aman nian ne’ebé ita tenki halo tuir karik ita husik domin ne’e hau fiar katak ita nia moris ne’e la iha mundansa, ne’ebé ita nia moris tenki haraik a’an mós ba ema seluk no tenki buka moris rasik labele hanoin buka mak naok ema nia sasan no labele buka mak han matak ema de’it”. Nia haktuir
Iha sorin seluk Augusto coreia hateten moris mak obriga nia tur iha dalan ninin hodi buka osan maske loron manas rai rahun maka’as maibé la sente baruk no kolen atu luta ba moris ida ne’e.
“La iha ema ida mak motiva hau mai suku sapatu iha ne’e, tan de’it nesesidade mak obrigra, hau rasik mak iha inisiata atu mai tur iha ne’e hodi suku sapatu bele hetan osan, hodi sustenta ba nesesidade uma laran no selu oan sira nia eskola, hau suku sapatu durante tinan lima ona hahu husi 2019 to’o agora, kada loron hau suku sapatu depende ba ema de’it, sorti di’ak loron ida ema bele lori sapatu haat sira hanesan ne’e se sorte a’at loron ida ema bele lori sapatu ida de’it, ami suku sapatu ida ema selu $2 de’it, problema ne’ebé ami hasoru bainhira suku sapatu, dala barak kabas kotu no daun sona ami nia liman, maibé, ami paseinsia nafatin hodi suku, tanba ida mak sai hanesa servisu ida ba ami hodi hetan osan, osan ne’ebé ami hetan maske kiik maibé ami agradese tanba bele sustenta ona nesesidade uma laran, kada loron ida ami hetan osan makas liu $10 se lae dader to’o laraik ami la hetan osan ida, maibé, ami la kolen no baruk atu buka osan, maske loron bele manas rai rahun bele makas maibé lalakon vontade atu buka moris hodi sustenta ba ami nia uma laran, se ita la buka se mak atu fó osan ba ita, tanba ita nia moris ne’e depende ba ita nia badinas de’it, hau fiar katak ita esforsu loron ida ita sei susesu, se baruk buka servisu ita se nafatin de’it, osan ne’ebe hau hetan senti sufisente tanba babain ema dehan mane forti tenki buka servisu maske servisu bele a’at, maibé, la baruk atu buka osan, Hau nia mensajem ba maluk joven sira ita mane ne’e labele baruk atu buka servisu labele ransu buka halo problema de’it maibé ransu atu buka servisu la’os ransu atu ba buka problema ne’e ladi’ak”.hakotu augusto
Jornalista : Augusto Tilman
Editor : Luhamutu
