26.9 C
Dili
Friday, 14 June 2024
spot_img

Ana Paula ho Albertina Fa’an Ai-Funan Durante Tinan 11 Nia Laran 

Dili 3 Junu 2024 ( Rcc) –  Moris mak obriga  Ana Paula Fernandes ho Albertina Tilman  fa’an ai-funan durante tinan 11 nia laran  hodi sustenta nesesidade uma laran

Iha intrevista ho Ana Paula Fernandes  hanesan negosiante ba Ai-funan hateten moris  mak obriga  tanba ne’e nia tenki esforsu -an hodi buka osan liu husi fa’an ai-funan  hodi nune’e bele  sustenta nesesidade lor-loron nian, maibe ai-funan ne’ebe nia fa’an balun sosa  husi fatin seluk ho nune’e nia fa;an fali ho folin ne’ebe mak diferente  tuir nia kualidade.

“Moris mak obriga ha’u tenki buka osan liu husi fa’an ai-funan tanba iha uma mos la halo buat ida, ai-funan sira ami fa’an ne’e balun  sosa  tutan fali no balun ami mak  kuda rasik hodi fa’an  fali, no ai-funan nia folin mós  hare’e  liu ba nia kualidade,  ki’ikoan nia folin 2 to’o 5 dolares no sira bo’ot  ho folin mak hanesan 10 dolares ba leten,  kona-ba sosa depende ba iha kliente sira, se projetu entaun ema mai sosa barak,  maibe,  kuandu ema sosa  de’it  tuir ema nia presija entaun ema sosa ida ka rua de’it, osan  ne’ebé  ema sosa  uza ba nesesidade uma laran no selu ba oan sira nia eskola,  maske la sufisiente ba ami,  maibe, bele ajuda netik  ami nia moris lor-loron nian, no fatin ne’ebé ami fa’an ai-funan ne’e estadu mak oferese ba ami, tanba uluk ami fa’an iha Bebora hafoin sira hasai ami husi Bebora mai tau fali iha Manleu , prolema ne’ebé ami hasoru mak hanesan plastik no vazu sira ami nain sosa rasik de’it,  laiha ema bo’ot ida mak atu ajuda ami iha ne’e, rai-metan ka adubu sira ne’ebé ami uza hodi kuda ai-funan ne’e ami sosa fali iha Likisa  no Dare, ho nia folin mak hanesan  Ret  ida 200 dolares, ami fa’an ai-funan  kuaze  tinan 11 ona,  tanba ha’u nia atividade lor-loron nian mak ida ne’e deit”nia informa

Iha fatin hanesan Albertina Tilman mos informa,  laos tur hein de’it hodi tane liman ba estadu maibe, tenke buka rasik osan liu husi kuda  ai-funan no ba fa’an tuir kualidade ai-funan hodi  uza ba nesesidade lor-loron no selu oan sira nia eskola.

 “Ita nia  presija lor-loron nian, laos tur hein de’it hodi tane liman ba  estadu, maibé, ita tenki buka rasik, hanesan lor-loron ami mai fa’an ai-funan dalaruma ema sosa lae  ema la sosa ida, osan sira ne’ebe ema sosa ne’e hodi suporta oan sira ba eskola, no uza mos ba nesesidade lor-loron nian,  ai funan hirak ne’ebé ami fa’an  balun  kuda rasik no balun  sosa tutan  fali husi maluk sira ne’ebé  lori husi fatin seluk mai ,no vazu sira ne’ebe tau ai-funan ne’e ami sosa rasik, governu suporta mak fatin ne’e de’it, tanba ne’e  ai-funan sira ami fa’an ne’e depende ba nia kualidade de’it, sira di’ak ne’e ami fa’an  nia folin vazu ida 10 dolares to’o 15 dolares, maibe, sira ami kuda iha folibek sira ne’e 5 dolares  lae 3 dolares, ami fa’an iha ne’e dalaruma ami hetan osan dalaruma  ami la hetan ida, buat hotu depende ba ita nia sorti de’it , sorti di’ak ema sosa to’o 15 dolares, tanba buat hotu liu husi ita nia pasensia de’it se ohin ema la sosa aban ema sei sosa ,osan ne’ebé ami hatan la to’o atu uza ba nesesidade lor-loron nian ,hanesan inan ha’u tenki esforsu -an hodi buka osan  ba ha’u nia oan sira ,ha’u fa’an ai-funan hahu iha 2007 iha jardin bebora to’o 2014 mak ami muda fali mai iha fatin  ne’e to’o agora, ami hasoru problema hanesan foin lalais ne’e  negosiante sira  ne’ebé fa’an ob iha ai-mutin muda fali mai iha ne’e mak halo kareta sira atu para ba sosa ami nia ai-funan mos ladiak ,tamba sira mai taka hotu estrada laran sira ne’e kareta sira mai halai liu deit ,dalaruma ema atu sosa rai-metan sira ne’e mos ami sei hi’it fali husi ne’e mak lori ba iha estrada bo’ot” dehan Albertina

Tanba ne’e negosiante ne’e mos hakarak husu ba Governu atu kria  merkadu ai-funan nian ba sira hodi nune’e bele fa’an  ai-funan ho dignu.

“Hakarak husu ba estadu bele karik ba futuru hari’i fali merkadu ida espesial ba fa’an ai-funan no rai-metan deit ,tanba ami lakoi tau hamutuk hanesan ne’e hamutuk ho ropa sira, modo sira ne’e ladiak ida  ami hakarak harii mesak deit hanesan uluk ami fa’an iha bebora ne’e atu ema mai sosa mos livre ba ami atu atende” nia hakotu

 Jornalista Estajiada : Romana Soares Salsinha

 Editor : Luhamutu

Related Articles

- Advertisement -spot_img

Latest Articles

ARKIVU.
RCC.