26.9 C
Dili
Friday, 14 June 2024
spot_img

Laiha Konsensia Kontinua Soe Lixu Iha Jardin 5 de Maiu

Dili, 3 Junu 2024(RCC)-Tuir Vizitante Marcos da Costa Sarmento ho Merlianti da Costa Nia Haree Jardin 5 De Maio Sai Fatin Lixeiru, Entaun Sira Senti La Dun Hakmatek no Seguru ba Sira Atu Vizita.

 Iha entervista estudante Marcos da costa sarmento hateten, bainhira sira mai vizita jardin 5 de maio ne’e atu senti ai mahon nia fresku no seguru, maibé na realidade sai fali fatin lixeiru. No husu ba vizitante sira seluk katak banhira ba halo vizita jardim 5 de maiu ne’e tenki tau lixu iha nia fatin atu nune’e labele fó impaktu  ba ema seluk.

“Tuir ha’u nia haree iha ne’e fatin ne’ebé maka fleksivel no seguru, ita haree iha ai mahon ne’ebé maka fresku no ita senti ai mahon nia fresku ita senti seguru tebes, maibé ita haree la dun seguru oituan ,tanba ita haree vizitante sira mai vizita fatin ida ne’e sira soe fó’er arbiru ne’e ita senti la dun seguru mai ita,ha’u rasik observa  duni ho matan laos dehan inventa de’it, maibé realidade laos 100% haree mós, tanba iha fó’er ne’ebé maka nakonu duni  iha jardin ida ne’e, nu’udar vizitante ida senti la dun konfórtavel tebes, tanba sira bainhira mai vizita fatin ida ne’e  mak soe fó’er arbiru fó mós impaktu ba ema seluk la signifiaka katak ita de’it maka mai tur ou vizita fatin ida ne’e, maibé hanesan vizitante sira balun mai husi rai-liur  bele mós mai vizita fatin ida ne’e, entaun sira mós bele halo observasaun ba fatin hanesan ne’e ita hatene katak , fatin ida ne’e bele sai hanesan fatin turismu ida, maibé ita haree nakonu ho lixu ka fó’er ne’e senti la dun seguru no komfórtavel ba ema, no karik vizitante sira mak mai soe fó’er arbiru iha fatin turismu hanesan ne’e senti fó impaktu tebes mai ita, tamba ita mai tur iha fatin ida ne’e ita halo konversa meeting ruma halo dialogu sira mós la dun fókus no la hakmatek ba ema hotu tanba nakonu ho lixu Hanesan estudante ida hakarak fó mensajen ba vizitante sira hotu katak, bu’at hotu prepara tiha ona, presiza hakbesik a’an ba sira hodi fó hanoin de’it katak lixu ka fó’er ne’ebé mak ita uza tiha ona ita bele tau iha nia fatin, hodi nune’e fó vantazen ba ema hotu ne’ebé maka mai vizita ita nia fatin turismu ida ne’e”, dehan marcos iha jardin.

  Iha sorin seluk Merlianti da costa hateten bainhira nia mai tur iha jardin 5 de maio, senti hakmatek no seguru, maibé haree ba vizitante sira balun mai vizita fatin ne’e la iha konsiénsia hodi soe fó’er arbiru de’it.

“Ha’u senti seguru tebe-tebes, no hakmatek los ba fatin ida ne’e, anin nia fresku iha parte ida ne’e depende ba ema ida-idak nia konsiénsia, tanba se karik ita ita soe fó’er la tuir nia fatin, entaun ida ne’e hanesan parte ida ne’ebé mak la dun di’ak ba ita nia jardin, karik ita kuidadu fatin ida ne’e, maske nia simples, maibé nia mós no kapas, agora dadaun tuir ha’u nia haree nia la dun mós, tanba vizitante sira mai soe fó’er arbiru, ida ne’e fó impaktu tanba bainhira ita soe fó’er arbiru ne’e hanesan area ne’ebé maka la dun mós entaun ita bele hetan  moras hanesan mehar sira ne’e, karik ita hakarak prevene husu ba ita hotu atu loke ita ida-idak nia konsiénsia hodi soe fó’er arbiru atu nue’e la bele fó impaktu ba ita,”nia hateten.

Vizitante ne’e husu ba vizitante sira seluk katak maske fatin ne’e nia simples la presiza nia kapas liu maibé ita tenki kuidadu atu nune’e fatin ne’e nafatin mós no seguru.

Ha’u nia mensajen ba ita hotu katak maske ita nia jardin nia simples la presiza nia kapas liu ema nian, maibé ita tenki kuidadu atu fatin ne’e nafatin mós atu nune’e ita hotu bele mai vizita fatin ida ne’e mai reflesin karik senti hakmatek,mós no seguru mai ita atu la bele senti  nia inpaktu no oinsa ema seluk  depenti mai vizita karik sira mós bele haree ita nia fatin ne’e kapas la bele fó’er hela de’it”, nia hakotu.

Jornalista Estajiada : Agostinha Soares Da Costa

Editor     : Luhamutu

Related Articles

- Advertisement -spot_img

Latest Articles

ARKIVU.
RCC.